你地會點做,如呀仔期中試成續差

Flowerlam

梁媽媽 發表於 15-3-17 09:34
回覆 Flowerlam 的帖子

首先要考慮, 你仔的情況係邊一類?

就係(2), 呢個真係頭痕,有無良方醫治懶惰?

wloi

Flowerlam 發表於 15-3-17 10:41
就係(2), 呢個真係頭痕,有無良方醫治懶惰?

如果係懶的話，真係要好坦白咁同個細佬講...
問佢將來有咩打算？

係就係可以經foundation ..最後讀到大學

不過，香港僱主，係好熟 d外國大學...尤其係d  international firm、大公司

GPA 唔高，大學唔出名，仲要經 foundation 上大學.....大公司好多時連 interview 機會都 無.... 因為讀書咁唔認真，僱主唔會覺得工作能力會高。而且每年都有好多本地同外國的名大學畢業生返香港就業，憑咩去同人爭？
流利英語啊，我大可以請鬼佬、星加坡人，甚至現在好興的印度人。

我聽過幾個朋友問佢地的兒女呢個問題，d答案真係會激s父母。最後佢地就唯有由得兒女自己行自己所選的路，自己的人生自己負責，將來唔好怨父母。

Flowerlam

wloi 發表於 15-3-17 13:21
如果係懶的話，真係要好坦白咁同個細佬講...
問佢將來有咩打算？

其實,如果佢識為將來打算,就唔會咁懶啦!
就唔使咁頭痕啦!

不過,我都知"兒女自己行自己所選的路，自己的人生要自己負責",
但作為父母都想循循善誘佢行番正途，唔想睇住佢懶惰落去.....

亮燈

我同兩個仔都係咁講，前途係佢地既！要點樣行，佢地負責，作為父母，只係從旁提醒、分析、鼓勵，將來結果如何，都係佢地承受，所以要讓佢地明白，再作決定。

wloi

Flowerlam 發表於 15-3-17 13:39
其實,如果佢識為將來打算,就唔會咁懶啦!
就唔使咁頭痕啦!

咁我勸你 relax d ...等佢自己開竅，免得破壞同兒女的關系。
宣家d 年青人同細佬.....朋友同學一句話，勝過父母老師一萬句話。希望佢班朋輩會有人 inspire 到佢讀書。

Flowerlam

wloi 發表於 15-3-17 15:09
咁我勸你 relax d ...等佢自己開竅，免得破壞同兒女的關系。
宣家d 年青人同細佬.....朋友同學一句話，勝過 ...

所以有時阿Q咁諗，其實佢都係得1個缺點懶惰，其餘各方面都冇乜問題，起碼冇特首個女咁....

moyan

點解一定要大學畢業，佢唔想讀，跟本冇得迫，硬迫佢讀3年大學，可能畢唔到業再讀多一兩年，浪費2百萬比佢hea,  不如早D出黎做野。

我見過有D外地大學畢業生出的email真係嚇死人架。

Sheep006

回覆 Flowerlam 的帖子

特首話他的女兒有病先咁樣

scso

回覆 moyan 的帖子

Agree, 每個人際遇運氣不同, 讀過大學未必一定揾錢多過未讀過大學, 讀唔成書可學門專業技術防下身

Flowerlam

moyan 發表於 15-3-17 19:35
點解一定要大學畢業，佢唔想讀，跟本冇得迫，硬迫佢讀3年大學，可能畢唔到業再讀多一兩年，浪費2百萬比佢he ...

問題係佢唔係想唔讀或者讀唔上，最主要係懶散。
如果唔改呢個缺點，出嚟做野都唔慌好。

所以趁而家仲肯聽父母講，諗下有冇辦法幫下佢

改過。

暫時諗到人釘人方法，假期返嚟陪佢一齊溫書。

Flowerlam

Sheep006 發表於 15-3-17 19:54
回覆 Flowerlam 的帖子

特首話他的女兒有病先咁樣

所以我自己覺得有病仲慘過懶惰，純粹個人諗法..

noel2010

moyan 發表於 15-3-17 19:35
點解一定要大學畢業，佢唔想讀，跟本冇得迫，硬迫佢讀3年大學，可能畢唔到業再讀多一兩年，浪費2百萬比佢he ...

當然大學畢業算家長完成任務。E神及李家二公子都是留學未能畢業，唔代表唔成功。
就算留學畢業回來，英文send email 簡直嚇死人。今天才改完一個留學回來同事，比小學生更差。

Flowerlam

scso 發表於 15-3-17 21:45
回覆 moyan 的帖子

Agree, 每個人際遇運氣不同, 讀過大學未必一定揾錢多過未讀過大學, 讀唔成書可學門專業 ...

正確！所以我從來冇諗過揾錢問題，只想佢讀大學成為一個有學識嘅人。

AK_Fans

原帖由 Flowerlam 於 15-03-17 發表
問題係佢唔係想唔讀或者讀唔上，最主要係懶散。
如果唔改呢個缺點，出嚟做野都唔慌好。

我都有同感，我成日長篇大論同個仔講，你讀吾成書，今時今日可以做d乜，假如你去做㕑房，你要洗魚、切洋蔥日日做。假如你去做裝修，你學油牆都要日日油油油幾年，簡單些講，做什麼工作都要毅力和耐性，才能做好。若讀書甘好資源都讀吾好，甘將來做咩工都吾掂，叫你去掃街又怕熱，點攪？（吾好意思，忍吾住又長篇大論喇我）

noel2010

AK_Fans 發表於 15-3-17 23:33
我都有同感，我成日長篇大論同個仔講，你讀吾成書，今時今日可以做d乜，假如你去做㕑房，你要洗魚、切洋蔥 ...

我都這樣同呀仔講，可是他就答我，讀完書出嚟便做老闆。一世唔打工便得囉。男孩子就這樣幼稚了。

brother4

估爸是老板，將來子承父業

noel2010

回覆 brother4 的帖子

錯了。我倆公婆就一直打工，所以常呻打工之苦養大他。

亮燈

原帖由 Sheep006 於 15-03-17 發表
回覆 Flowerlam 的帖子

特首話他的女兒有病先咁樣

咁都信？

梁媽媽

回覆 noel2010 的帖子

而家香港好多年青人都係咁, 話佢唔乖又唔係, 全無不良習慣, 但就係一個 "懶字",
我有個世姪, 而家約 25歲, 讀書時就懶, 屋企請晒補習..要乜有乜...(佢唔係蠢, 識玩識食識買野)
只係懶讀書。
中學之後又混左幾年 IVE ...... 早兩年畢業時都有見下工，但因為英文／成績唔好, 見寫字樓工無人請....
其他辛苦工，要輪更，"低下的" 都唔打算做，
之後就坐係屋企, 佢無野架, 個人好開朗, 我去佢家，佢同我都有傾有講，好好禮貌，對父母又好,
佢亞媽唔駛返工, 兩母子平日訓醒, 就研究去邊度食下午茶, 食完回家又係坐，晚上在家食飯...家居生活, 夜晚就打下機....
佢亞媽咪成日話, 佢個仔好好, 心地又好...又乖, 又聽話。。。,
我地做外人既, 可以講咩?
我成日提醒自己，我唔想我的細路好似佢咁。。。以此為鑑！

亮燈

原帖由 梁媽媽 於 15-03-18 發表
回覆 noel2010 的帖子

而家香港好多年青人都係咁, 話佢唔乖又唔係, 全無不良習慣, 但就係一個 "懶字",

呢位仔仔梗係前幾世積左好多福，投胎黎嘆世界。