小學請事假

little_yolky

Yanamami 發表於 15-4-22 17:52
呢d情况应該会係学校月訊俾校長全校告戒~

大便唔沖廁捉唔到行兇者, 但丟成包紙巾入廁所個女仔被罰無10個小息。

叮噹小孩

小學似軍訓？

kimberlybaby

呀女個同學請左五日病假去旅行 又誇d

stefi

原帖由 kimberlybaby 於 15-04-25 發表
呀女個同學請左五日病假去旅行 又誇d

請5曰都批?

kayi0556

我有朋友小朋友係返半日的， 星期六都要返， 佢個小朋友報左出面的課程， 要入選先參加到， 最尾佢小朋友入選左， 佢媽咪好似連續幾個星期都請左假上果個課程， 但我最終唔知學校批唔批， 我覺得有d本末倒置

wan_sosin

原帖由 kimberlybaby 於 15-04-25 發表
呀女個同學請左五日病假去旅行 又誇d

香港人而家視旅行真係好重要同必須嘅事情！下一代對旅行嘅睇法唔知又會變成點。

chingcging

原帖由 崆峒絕學 於 15-03-26 發表
我有四條問題想問。第一，樓上眾多回覆，有無人係老師？第二，學生有事假呢樣嘢？第三，如果學生係有事假， ...

我有四條問題想問。第一，樓上眾多回覆，有無人係老師？做過

第二，學生有事假呢樣嘢？冇。

第三，如果學生係有事假，咁一年有幾多日？如上。

第四，我唔申請事假但又無返學，學校會罰人？你唔返學唔通知，第二日一定要問你點解唔返！學校有校規講明，病假要打返學校請假。你冇啦啦唔返，點知你咩事？有意外？有病？有時有啲case要通報上教處添架！

崆峒絕學

chingcging 發表於 15-4-25 16:06
我有四條問題想問。第一，樓上眾多回覆，有無人係老師？做過
......
第四，我唔申請事假但又無返學，學校會罰人？你唔返學唔通知，第二日一定要問你點解唔返！學校有校規講明，病假要打返學校請假。你冇啦啦唔返，點知你咩事？有意外？有病？有時有啲case要通報上教處添架！

既然學生是沒有事假，那麼學生是不是只可以因病缺席？
如果學生只可以「因病缺席」，什麼請假去旅行參賽白事(TOUCH WOOD)，一律不許？

由過去的回覆，已可想像很多人將公司的行政運作模式代入學校中，卻忽略了在公司，是僱主僱員的關係，在學校，校長校董會與學生的關係，卻不一定等同於僱主與僱員的關係。

應該是我沒寫清楚，令人誤會。

第一，既然學生是沒有事假，要是家中有事需要缺席，那麼家長根本不可能申請事假，惟一可以做的就是通知學校。(我唔申請事假但又無返學)(學校有校規講明，病假要打返學校請假)

第二，校規不是免責條款，而且不一定合法合理。例如有學校出通告，寫明「學生參與活動時，如果遇上非人力可以預防的意外，校方概不負責」。縱使家長在回條上簽名，就等於表示校方可以不用負責？抑或是由學校所投保的保險公司賠償？

孩子的教育，家長也是有責任的。因此，家長遇上某些事情，需要自行理性替孩子判斷「請假不請假」。學校的校規，是否法、理、情兼備？法的方面，至少要律師法官才可以專業判斷。什麼「人家送禮，你就要回禮」的政策，作為家長，作為老師，又會如何看待？自行判斷。

kimberlybaby

咁我試過真係有白事，學校都肯比請假

chingcging

原帖由 崆峒絕學 於 15-04-25 發表
既然學生是沒有事假，那麼學生是不是只可以因病缺席？
如果學生只可以「因病缺席」，什麼請假去旅行參賽白 ...

首先，上學其間點解要缺席先？你當返學係返工呀？？？

崆峒絕學

chingcging 發表於 15-4-25 19:30
首先，上學其間點解要缺席先？你當返學係返工呀？？？

經學校報名的有：
校際音樂節、校際朗誦節(學校帶隊？)
學童牙科保健、學生健康檢查(學校帶去？)

其他比賽、考試，例如：
音樂、奧林匹克數學、運動、香港代表隊、白事(TOUCH WOOD)

覆診，又當唔當係病假？而且，可能只係半日。

stefi

原帖由 崆峒絕學 於 15-04-26 發表
經學校報名的有：
校際音樂節、校際朗誦節(學校帶隊？)
學童牙科保健、學生健康檢查(學校帶去？)

我覺得呢d假有support理由去請，所以學校會批。
除非家長buy旅行學習，覺得旅行學野比較多，而學校又接受，我覺得咁樣學校都會批
PS 我之前見過有報導話家長幫小朋友請長假去旅行

崆峒絕學

stefi 發表於 15-4-26 09:14
我覺得呢d假有support理由去請，所以學校會批。
除非家長buy旅行學習，覺得旅行學野比較多，而學校又接受， ...

《教育條例》的演繹，還是留給專家負責。

第一，已否定了學生有事假這回事。
第二，沒有事假，學生在上學日缺席，就只可以係病假。
第三，學生無故缺席兩日或以上(有些學校是多於兩日)，已有機制處理，包括以掛號信方式聯絡家長，上報教育局。

學生的確會因其他事而要缺課，尤其係「跳出課室」理念的變異做法。

因為第一點及第二點，事假就變成灰色地帶。學校有權批，抑或無權批？有權，即係表示「學生有事假」是存在的。與第一點產生矛盾。

如果學生因事，而需要請假缺課，其實都係由家長負責請假(個人認為應該用「知會」比較好)。即是，責任落在家長身上。

家長因什麼事而要向學校請事假(知會學校)，是家長的決定。而家長是要負責任的。

原則上，學生參加校際音樂節、校際朗誦節而缺課，因為是透過學校報名，所以不用請假。但學校要有機制去審視「學生是否當日有參賽」。

據知，有小學校長不允許「學生請假去旅行」，但又無白紙黑字寫清楚。當家長真係因去旅行而請假，家長會寫信給校方。
校長每次收到此類信，都會大發雷霆，向學生向班主任訓話，就是沒有聯絡家長。
校長每次收到此類信，都會向班主任表示「我唔會批」，就是沒有聯絡家長。
但學生真的如信上日期缺課，成績表上只是當「缺席」，又沒有寫「曠課」。校長亦不會係學生假後回校之後，向學生、家長表達「我唔會批」的立場。
由此據聞，就會發現很多矛盾點。

Jane1983

小學生請假去旅行，是否合適，大家都有自己想法。

在BK有類似題目，好多家長好激動，話大人吾係放公眾假期，小朋友吾請假，一家點去旅行，佢幾個小朋友個個都係咁請假云云。

崆峒絕學

Jane1983 發表於 15-4-26 09:52
小學生請假去旅行，是否合適，大家都有自己想法。

在BK有類似題目，好多家長好激動，話大人吾係放公眾假期 ...

首先，家長要搞清楚旅行的目的。
之後，家長要權衡旅行的目的與孩子上學的原因，二者的輕重。
最後，家長要想清楚有沒有其他日期、方法以達到旅行的目的。

旅行的目的是家庭聯誼？增廣見聞？時間配合......
選擇是家長的，責任自然也是家長的。

chingcging

原帖由 崆峒絕學 於 15-04-26 發表
經學校報名的有：
校際音樂節、校際朗誦節(學校帶隊？)
學童牙科保健、學生健康檢查(學校帶去？)

呢啲係學校明文規定係可以架喎！你唔想請，唔報名，唔覆診咪得囉！俾你放，又係學校唔啱呀？

崆峒絕學

chingcging 發表於 15-4-26 11:31
呢啲係學校明文規定係可以架喎！你唔想請，唔報名，唔覆診咪得囉！俾你放，又係學校唔啱呀？



  ...

即係學生可以因校際音樂節、校際朗誦節、學童牙科保健、學生健康檢查而缺課。咁即係邊種假期？
公眾假期？學校假期？病假？

你唔想請，唔報名，唔覆診咪得囉！
如果我要覆診，又請邊一種假？

校際音樂節、校際朗誦節、學童牙科保健、學生健康檢查，真係一定要家長陪同？
可唔可以由學校派人陪學生去？好似學校係可以聯絡衛生署，派專車接送學生。

學校明文規定，又有無俾法團校董會通過？

據知，有老師因為覆診時間係上課時間，通知校長時俾校長鬧到狗血淋頭，批評老師做乜要係上課時間覆診。老師表示係專科，星期六、日無開診。校長只鬧！最後，老師俾校長一封信，搞掂。如果以市價計算，封信可以值2k至3k。

現在，有些學生需要由專科醫生診斷是否屬於特殊學習需要種別的學生。診斷時間，可能係上課時間，而且可能不止一次。
學生覆診缺課，學校當病假，無問題。
學生覆診缺課，學校唔當病假，點處理？前提已知學生沒有事假。學校做法：
一、特別處理。即係「有病假，無事假」之外，仲有另一種方法讓家長替學生請假。
二、不允許。如是，咁就要小心俾人告。
三、學校有學校唔俾，學生有學生照唔返(由家長負責，並已知會學校)。成績表上如何記錄？當缺席，即係潛台詞：批。當曠課，即係唔批。
學校有責任妥善記錄及保存學生的點名(出席)記錄，而承保的保險條文，由專業人士演繹。

老師，不用咁大反應，我只係想大家思考；
學生真的有事假？
學生就只有因病才可缺課？
是否時代演變，令舊有制度出現灰色地帶？

學校的權力有多大？
自訂潛規則時會否越權？

lovelinda

我女小一，為了運動比賽請假5日，學校ok，我認為真的要看情況。

chingcging

原帖由 崆峒絕學 於 15-04-26 發表
本帖最後由 崆峒絕學 於 15-4-26 12:08 編輯

學校俾form你，問你參唔參加架嘛！學校知大約邊啲時間有比賽，知道點安排。但你自行停課又唔同喎！我點知你今日表姐結婚，聽日呀嘛過身，後日家庭旅行，下個月又話移民咗去美國30年嘅姑媽娶新抱，跟住再嚟個工人姐姐放假，冇人湊，唔返啦！咁你不如退學啦！你當學校係托兒所咩！鍾意返就返，鍾意唔返就唔返！成績差又問點解成績差！唔返學咪成績差囉！協x小學又點？咪又係去band 3中學！

chingcging

係架啦！支筆係學校度，操行寫死你真係邊度都唔洗去架！正如你唔like你老細，你可以辭職，你唔like間學校，你可以轉校，唔好讀！唔好講咩公平唔公平，你呀媽生你第一日開始已經冇公平可言！轉去一間容許你周不時請假唔返學嘅學校，就可以解決你嘅問題！咁點解唔做，要學校去就你？唔就你就係學校錯？咁同丁蟹有咩分別？丁蟹永遠話自己啱，人哋唔聽佢講就係人哋唔啱！