我該如何做個母親

Charlotte_mom

好老實講 (如有得罪請勿見怪)

我在教育王國十年了, 由自己個小朋友考小一, 到睇人地小朋友考小一
每年見盡唔少"有人歡笑有人愁", 亦見盡不少家長的抱怨及眼淚, 我都想自己小朋友健康快樂, 但同時我亦有個認知, 就係不能太hea我唔打算養佢過世

弊在事實係而家競爭激烈, 唔好講去考名校/谷的學校, 就算考間開心學校/講創意, 一樣要過五關斬六將, 因為學校都想收叻學生, 收著緊家長

點至可以令自己小朋友突出呢?

迷思出現了:
想揀間開心學校, 原來都要先裝備
無offer, 唯有靠運了, 抽入間非心水學校, 將來條路點先? 咪又係被迫要谷務求入間好中學.....有幾多家長真係做得到咁轄達: 讀邊間都無所謂呢? 我同意, 揀學校係要揀最適合, 但都要睇下自己有幾多籌碼在手, 至有得揀 (個人經驗, 我唔信有心讀書讀邊間都一樣, 唔止academic, 其他校風, 個人成長栽培, 都好大影響)

所以你話我怪獸家長都係咁話, 裝備點都要做, 就算唔去考咩cert上咩班, 平時同小朋友一齊, 學習總要的: 睇書, 玩創意遊戲, 培養兩文三語, 品格培育, 合群性, 學社交........每樣體驗都係學習

唔好怪我直, 如果你係校長, 一間學校幾百個家長, 共同目標就係健康快樂, 校長點"交功課"? 升中點算? 就算直升都會俾中學部炸型啦

除非唔打算在香港走主流, 否則條路都係無得點揀, 唔係你識唔識做媽媽的問題, 真係生活迫人

未來條路仲有好長, 加油吧

Charlotte_mom

原帖由 200904 於 15-03-02 發表
多謝版主的直言。也多謝各位朋友的鼓勵。
我一直都有培養她們讀書的習慣，也有在家教她們中英數，效果也不 ...

肯學又聰明，已經係上天的恩賜，開心返先。
我仔學校鼓勵自學，有個叻仔學生，佢daddy 話佢晚晚得閒煲劇，老師話正常啊，佢上堂好留心聽，好多野問架，返到屋企都唔駛溫書，識晒都唔奇。
羨慕啊！呢d咪就係愉快學習模範示範lor ！如果小朋友肯學聰明，自然事半功倍。小一考學校就算失準，將來表現出色一樣條條大路通羅馬，都係果句，有籌碼就有得揀。希望你搵得到最適合嘅學習方式，同小朋友可以享受學習，慢慢黎啦

Charlotte_mom

認真的, 樓主, 我會建議你再唸清楚自己想要咩

我唔係諷刺你, 亦唔係踩你, 請唔好誤會, 我好記得中學有位老師講左句說話: 我唔係讀書叻過你地, 我只不過係讀早你地幾年, 就好似而家, 我唔係選校叻過你, 只係我早選幾年, 睇化左, 分享下

字裡行間, 我睇到矛盾: 想愉快童年, 但去考神校, 如果你認同孩子要excel, 揀DGS, SPCC, 聖心, 真光係非常正路, 但如果心中傾向愉快路線, 這不是背道而馳嗎? (真光可能輕鬆小小, 頭3間, 冒住俾人鬧都要講句: 你唔係真係相信可以輕鬆學習吧! 除非難得地小孩子係自動自覺努力上進型啦)

市面上有其他種類的學校點解你唔去考慮? 係唔信成效定點? 如果你無了解過所以無考慮過 (了解完唔考慮無所謂呀), 咁真係做得唔夠了; 家長選校, 講小朋友本質同家長期望, 既然唔想小朋友困在象牙塔, 何苦要揀d程度深的學校呢? 幾多小朋友入左名校, 家長呻, 小朋友辛苦 (當然有家長覺得值得的, 放棄遊樂而keep住溫習, 根基打得好最緊要, 人各在志我尊重家長決定, 最緊要自己覺得值, 但這是你所想嗎?)

如果以上你唸唔通, 你當初又點覺得呢類學校係適合自己呢? 又係老土講句揀學校無最好, 只有最適合, 無論小朋友最後決定讀邊間都好, 將來條路點行, 由你決定, 唔好因為"人地話最好"就去選, 花d時間認識下唔同學校, 每間學校有人去揀一定有個原因, 放遠d眼光, think out of the box, 住港N咁多間學校, 你會見到好多機會

我真係放棄左真光去揀左間活動式學校, 因為我想小朋友有個平衡的學習生活同成長經驗, 咁多年黎我無後悔過, 有理想就要去落實, 共勉之

Charlotte_mom

200904 發表於 15-3-3 12:05
回覆 Charlotte_mom 的帖子

多謝你的坦率，我非常欣賞也非常感激。

唔怕醜講句, 上黎EK真係學到野架
都算係愉快學習吧!

真的, 去了解學校有好多途徑, 教小朋友又有好多途徑, 大家都在終生學習! 講到"如何做母親", 太沉重了, 放輕鬆小小, 有信仰的妳, 會明白天父已為你安排, 例如你肯踏出第一步在EK開個POST, 可能就從此愛上EK, 交流下了解下, 幫到自己亦在將來幫到人, 都係一件樂事

Charlotte_mom

little_yolky 發表於 15-3-4 12:36
但係做阿媽既真係好難避免, 好似阿女前兩日去唱校際, 輸咗, 但佢呢個豬嘜居然仲覺得自己表現好好, 一D鬥心 ...

女人唔駛靚, 唔駛叻, 最緊要條命生得好, 無聽過咩

以上係阿Q想法

認真的, 我女都係豬油糕, 做阿媽有時好忟架, 見佢有機會唔夠人爭, 不過so far見佢享受學習不過不失, 算了, 豬油自有豬油福, 你點知佢將來點呢

你用校際做比喻, 我又講下校際好了, 我女星期一比賽完, 想入三甲真係要講運(高手何其多), 心唸執到個季軍我都開心, 結果無獎啊, 但見佢順利完成, detail位都有努力做, 有87分, 我都好欣慰, 因為付出的努力得到肯定, 雖然最終唔係佢跑出, 但心裡輸得服氣, 48人入面要做top 3, 我在場聽都知佢唔係, 有咩好灰心? 而家自我陶醉估有top 10掛? 咪自己開心下lor, 下次再黎

我相信考學校也不過如此

Charlotte_mom

算啦, 校際冠亞季軍好多時各差1分, 之後落少一分已經有N咁多個殿軍, 又再少一分已經有N咁多個第5

所以差2分, 其實中間已經可能夾左好多人

都話阿媽欲望無限大架啦, 下年再努力

Charlotte_mom

啊, 睇左了, 覆埋
好少講野咁串, 但真係忍唔住

Charlotte_mom

電話分左教育王國同親子王國兩個apps, 要用電腦開

Charlotte_mom

HACS 發表於 15-3-4 23:05
回覆 lightingchung 的帖子

我都係在那時候察覺到原來搵幼稚園收好困難，於是痛定思痛，決定為小一做好準 ...

我妹其實不嬲都好著緊粒仔, 比起佢, 我覺得自己懶tim!
佢由個仔坐得定開始, 堅持每日親子伴讀, 假日會去玩(細個時), 其他基本幼兒訓練都有, 禮貌規矩樣樣執得緊
咁佢個仔又的確幾醒嘅, pn讀一間都幾心儀的學校, 都覺得直升唔錯, 不過即管試下幾間更心儀的k1, 得就當bonus啦, 講超級勁叻就無份架喇, 不過都算人見人愛, 討喜醒目, 又坐得定又鐘意睇書啦
只考4間, 全軍覆沒! 有d waiting, 有2間直接reject, 我妹! 雖然本來就覺得自己間pn唔錯, 但連橫打擊始終都唔野小 (好彩其中一間突然開新campus佢至有份)

之後學你話齋, 醒晒! 小一簡介會分幾年聽, 開始搵野學(target某一兩樣學精d), 做足功課, 而家k2殺到埋身, 騰到震

Charlotte_mom

hkpapa852 發表於 15-3-5 09:27
咁妳要同佢講, 有家姐教路, 就算考唔到學校, 大抽獎都唔會衰得去邊!

佢果區我唔熟啊.......教唔到路, 佢要食自己了

Charlotte_mom

bobbob 發表於 15-3-5 10:50
其實佢都錯唔晒，讀副學士嗰堆真係夾硬比佢哋上，另外又真係好多家長當咗仔女係自己嘅附屬品，或者係用嚟實 ...

咁講啦, 而家一試定生c, 有d人, 唔c到埋身都唔識驚
而家學生考DSE, 考得好咪入U, 天下太平lor
咁考得唔好呢? 我係一個普通阿媽, 我都希望仔女衰左一次可以再有機會, 讀diploma又好, cert又好, asso degree又好, 出國讀野雞又好, 都係希望仔女跌低左, 知驚, 多次機會, 1,2年後返返正軌 (大家都係買個希望姐, 直入大學, 讀完又一定事業成功嗎?)




得罪講句:
作者話
讀副學士，係製造藉口畀自己，係延遲自己唔想出嚟做嘢嘅藉口，同嘥緊你阿爸阿媽錢
當佢自己個女比讀副學士更不堪, 比副學士更嘥錢, 有咩資格講呢句話

Charlotte_mom

bobbob 發表於 15-3-5 12:14
又講真喎，可能個仔資質麻麻，我唔多介意佢將來有無任何cert，只要佢有份正職養到自己就已經ok。有時仔女 ...

我唸得好簡單架咋: 插花都有cert, 寵物美容都有cert, 驗車都有cert, 做個地產經紀, 保險sales, 都要先讀d課程, 對嗎?


當然總有行業唔需要考核d咩, 齋靠口碑/表現, 我general咁講姐

Charlotte_mom

B.B.BaBa 發表於 15-3-5 14:05
好多觀點已由其他版友講過，我想補充一點，似乎樓主本人及女兒的抗逆能力比較差，白啲講句即係輸唔起。面對 ...

其實都唔係丫
無一個父母想去承認自己小朋友不如人(雖然事實係天外有天, 你叻人地更叻), 當有挫折時難免會氣餒
都討論左咁多版, 我自己都見到有D回覆唔係太友善, 但樓主一直正面回應, 又會反思實屬難得

邊個天生識教小朋友丫, 個個都係從錯誤中學習, 經歷多D唸野自然通D (即老一輩成日講嘅"化" lor)

一齊加油吧

Charlotte_mom

原帖由 little_yolky 於 15-03-12 發表
回覆 KAMIKASHUN 的帖子

真係好陰公, 間學校已經係活動教學、愉快學習。

嘩！唔知以為你講我！呢樣我都想知，點解d男仔唔可以自動自覺，哎，不過講開選校，學你話齋愉快已經係咁，傳統仲大鑊（一星期默兩次，到你唔溫咩，到時唔係鬧仔咁簡單）