- 在線時間
- 831 小時
- 最後登錄
- 20-1-14
- 國民生產力
- 119
- 附加生產力
- 4354
- 貢獻生產力
- 0
- 註冊時間
- 05-9-22
- 閱讀權限
- 10
- 帖子
- 1229
- 主題
- 31
- 精華
- 0
- 積分
- 5702
- UID
- 58053
|
本帖最後由 elmostoney 於 15-2-21 17:36 編輯
montessori 講求家校合一,如果諗住係學校做左,返到屋企個小朋友會自然識得做返哂,呢個期望就不設實際. 小朋友係外邊上期他堂, let's say學phonics, 你返來都會跟進啦.
以前montessori係比一班underprivileged 的小朋友上的, 基本上就係大部份時間都montessori緊, 係一個好consistent的環境, 唔同而家, 細D嘅小朋友上堂montessori, 返到屋企仍然有人服侍. 咁返到去, 一切又大倒退.
至於串珠呢D, 同訓練小手肌肉有密切關係, 對將來大家好注重係學術上發揮嘅執筆寫字有極大幫助, 另外對訓練小朋友專注力亦然. 對講求效率同成果的家長, montessori 並唔適合. 如果成日同其他小朋友比較的心態就一定會唔開心. montessori 著重包容個別小朋友發展進度同興趣不同, 唔會好似時下教育咁工廠化.
每個人的發展同興趣都不同, 做家長要接受小朋友非萬能, 唔係個個入到名校, 又或科科A, 咁你會開心好多, 小朋友亦會教願意學習. 我兩個小朋友都係montessori 出身, 老二更係冇讀過其他幼稚園. 佢本身幾適合montessori, 到而家剛剛7歲, 如果讀主流學校, 佢應係介乎一年班至二年班之間, 因佢係年尾到無可再年尾嘅細仔. 佢數學concept非常好, 除左佢本身有興趣, 我覺得montessori都比左個好底子佢. 佢重來冇出去補數, 係我自己有時間係屋企教下佢, 一年都係教兩個新 concept. 最近開始教佢 3位除單位數, 我都係用montessori tools demo 一次 concept, 再做幾條數比佢睇, 一個鐘已學識. 之前我都係用montessori tools教佢 3位X3位, 4位X4位. 我唔著重死做, montessori 本身都係著重先明後練習, vs KUMON或學校好多教法都係先教到你識, 然後係咁叫你做, 等你做做下自己明為止. 我家老2離開montessori 時4歲8個月, 當時已能由一數到1000, 又隨時係中間數起, 又或掉轉數, 亦明白數同量之間關係, 而非唸口璜. 當時老師已 demo左乘數概念, 但佢太細, 始終唔夠練習, 我又冇再follow up, 但發覺而家教佢, 真係水到渠成, 非常容易. 而我亦冇日日狂谷佢做練習, 一星期最多做4至5日(放假就更加冇), 每日乘數做2至3條, 除數(3除單位數)做6~7條咁. 當然佢算數就冇kumon個D狂操嘅速度咁快, 但佢明白自己做物, 呢D先係montessori.
至於practical life, 到而家我都仲會叫佢自己執返D衫, 食完飯洗返自己套碗碟呢D, 玩完野更要自己執. in fact, 呢D都係三歲幾四歲開始做. 好似今日大女 (8歲半)自己要焗小蛋糕, 全程由兩姐弟自己負責, 由量粉, 攪拌等, 盡量我同工人都唔參與. 大女今日要自己煮lunch, 我更歡迎. 比小朋友多動手, 參與家事, 呢D就係montessori, 應該話係長久以來, 小朋友成長的一部份, 只係近年大家太辛苦追逐成績, 對此再無時間.
|
|