廣東話表達能力差，如何是好？

angel-papa

仔三歲半，本身有少少言語遲援，但一路有睇開言語治療師（英文的），而屋企經常與他講英文多。基本上，英文程度是好過廣東話程度的。基本的廣東話，其實他是明白的！

但現在上K1後，因為不是國際班，老師主要講的是廣東話，一路都有擔心他是否會聽得懂老師說的廣東話，而最近老師仍然同我說他的言語表達能力未達理想。

我真的很矛盾。到底是否應該幫他轉校或申請讀國際班？不過，申請也未必一定有位。當初，我是想他藉着上普通班，可以學廣東話，但似乎未達理想。我應該如何做好呢？雖然學校沒有說他要轉校，但假如老師認為程度跟不上，便會重讀K1，那這是好事嗎？還是要轉校嗎？遷就他讀英文學校嗎？ 真的不知應該如何做好。即使轉校，也未必轉到很好的幼稚園，因為說話能力表現不夠理想。可否提供一些意見呢？

964000

你要家中也轉回廣東台，他慢慢便可追上。才三歲，留咩班？

hedhed

原帖由 angel-papa 於 15-01-16 發表
仔三歲半，本身有少少言語遲援，但一路有睇開言語治療師（英文的），而屋企經常與他講英文多。基本上，英文 ...

你同佢講廣東話咪得囉

torunpoland

藉着上普通班，可以學廣東話？真係聞所未聞、聽所未聽。你有冇聽過人講「藉着上普通班，可以學上海話」先？更何況孩子有少少落後？！

依家唔好講咁多，密集式同佢講粵語，唔單上同佢講，總之佢在場就講，自言自語咁：「我或依家準備開飯俾屋企人食。屋企人有爸爸、媽媽、婆婆、重有你XX; 我依家會先拎三碟餸出嚟⋯⋯」將你在佢面前做緊的，慢慢、仔細講出嚟，唔使問佢明唔明。你要做係製造input, 正常孩子會從中吸收。有尐似神經漢自說自話，但係係最好。同佢講野時候，豐富你的詞彙，唔開心外有失望、沮喪、難過、傷心、欲哭無淚、頹唐⋯⋯令佢對同一概念有多種input。

chowyikwan

原帖由 torunpoland 於 15-01-16 發表
藉着上普通班，可以學廣東話？真係聞所未聞、聽所未聽。你有冇聽過人講「藉着上普通班，可以學上海話」先？ ...

我都試下呢一個方法，你演譯得好幽默！

ozduckie

在香港生活，除非你刻意唔俾佢聽講廣東話，否則其實好難會學唔識。

從依家起，將所有溝通轉成廣東話，電視、兒歌、日常談話全部用廣東話。甘樣小朋友好快會學識

HauMiranda

如果你打算第日升小讀本地學校，中文係非常重要，而且宜家小學既中文比英文難學。如果你宜家為遷就小朋友轉國際班，逃避學廣東話，咁將來只好揀國際學校。有病應該對症下藥，贊同上面所言，喺屋企多講、多聽，母語既係廣東話，會好快catch up! 加油！

yubaba

屋企轉台先爲上策。

964000

原帖由 HauMiranda 於 15-01-17 發表
如果你打算第日升小讀本地學校，中文係非常重要，而且宜家小學既中文比英文難學。如果你宜家為遷就小朋友轉 ...

Agree, 你其實想讀國際定local小學，如果local小學，你應該轉番廣東台。
在香港，有心學點會學不到廣東話，如果想bilingual, 不是個個有天份和語境，而且要學校配合。

picture

原帖由 angel-papa 於 15-01-16 發表
仔三歲半，本身有少少言語遲援，但一路有睇開言語治療師（英文的），而屋企經常與他講英文多。基本上，英文 ...

為咁小事就留班太無謂。 由現在開始全廣東話試一個月看盾成効。佢答你英文時你同佢翻譯一次畀佢聽。解釋佢聽我地玩講广東話，請佢合作。

picture

Local Primary 1 interview 係100%要 考廣束話

angel-papa

唔～ 我都認為會改用廣東話溝通了。希望真的可以好快追得到！

kissobaby

家中母語係咪廣東話？

angel-papa

因為我兩公婆都是外國回流，家中夾雜了英文及中文的語言。工人也是說英文的。

picture

原帖由 angel-papa 於 15-01-19 發表
因為我兩公婆都是外國回流，家中夾雜了英文及中文的語言。工人也是說英文的。



  ...

很多家庭都是這樣，所以從出生開始先學英語。我小朋友上了P N 後就肯講中文了。不過你小朋友的condition, 可能要耐D。如果全家轉台都搞唔掂就再seek help from professionals, but this time i n Cantonese.

咪臣

日日讀中文故事書，又可認字，又可練習廣東話發音。其實學語言通常是從生活中體驗。去多些超級市場、圖書館、博物館、公園等學習生活上用詞

王家爸爸

angel-papa 發表於 15-1-16 12:52
仔三歲半，本身有少少言語遲援，但一路有睇開言語治療師（英文的），而屋企經常與他講英文多。基本上，英文 ...

可以試試在家中用中英文雙語，例如爸爸用廣東話，媽媽用英文。

SS0512

原帖由 王家爸爸 於 15-01-21 發表
可以試試在家中用中英文雙語，例如爸爸用廣東話，媽媽用英文。

支持這個方法。

F10N

改用全廣東話，仲可以救