用戶登入
用戶名稱:
密      碼:
搜索
教育王國 討論區 小學雜談 請教點樣教二年班小朋友溫習
發新帖
查看: 1769|回覆: 11
go

請教點樣教二年班小朋友溫習

Rank: 3Rank: 3


454
發表於 15-1-12 13:08 |顯示全部帖子
話說之前阿仔係學校做咗個心理評估,老師話阿仔中文認字教差,要佢睇多啲書,又問我平日點同佢溫默書,我咪話叫佢睇熟課文啲字,ok咗就我讀佢默,跟住如有晤識嘅字我會要佢寫返嗰個字5-8次,咁老師就話咁樣晤得,因為話佢已經晤太鐘意中文,如果仲要佢好似罰抄咁抄啲中文字個小朋友會更抗拒中文,但我真係晤知點做,晤抄佢根本對嗰個字都晤熟,都記晤到入腦,仲有而家又普教中,阿仔又係晤得,因為平時好少接觸普通話,究竟讀中文書時應該用普通話定廣東話呢?常識書啲字又係好深,點樣可以幫佢記熟啲字呢?跟住老師又話叫我地俾樣運動佢學,再加學多樣音樂,等佢郁下左右手,乜而家一體一藝真係咁重要嘅咩?唉,我好煩惱呀



Rank: 5Rank: 5


4750
發表於 15-1-12 18:53 |顯示全部帖子
我諗每個小朋友都唔同,但我分享一下點同我仔(小二)點溫默書.

我仔好懶, 叫佢睇熟先默,佢唔肯架.
佢一開波就叫我讀,佢寫.
如果佢唔識嘅 ,我會讓佢寫兩次.
下一次再溫時,先由唔識的開始
再有唔識,又寫兩次
如是者
直至識晒
我地平時的默書範圍會提前 一個星期俾
咁就溫約兩三次就OK
讀課文,我仔自動波用普通話.讀到唔啱時,我會糾正佢,或者俾佢聽課文CD

運動或音樂,看興趣吧
我仔有游水,畫畫,一個星期一堂玩LEGO(在校),音樂冇興趣(好彩),所以一樣音樂都冇.

Rank: 5Rank: 5


4750
發表於 15-1-12 18:57 |顯示全部帖子
仲 有睇多啲書係非常好的,我仔喜歡睇中文書, 識到好多字,未教 過的成語或形容詞都識,並理解到,好多係由漫畫書上學到的
有時,我仔識個字,但未必識寫,我覺得OK喎, 小二唔識寫, 小四總會識架喇

Rank: 3Rank: 3


429
發表於 15-1-12 21:30 |顯示全部帖子
回覆 kitty1207 的帖子

我猜老師都是為了你孩子好, 因為中文認字差,除了要多看書認字外,做運動可以幫助提升記憶力,所以才會提出。至於學音樂是為了改善情緒,起碼脾氣都會發少些,學野會有耐性。現在小學要求不同往時,要求高左,科科都要掂,我個仔都有呢個問題,剛過去的聖誕假期,每天給他去公園跑個多小時,回來認字快左。你可以考慮一下。

Rank: 5Rank: 5


1650
發表於 15-1-12 22:59 |顯示全部帖子

回覆:請教點樣教二年班小朋友溫習

課本學既字詞其實係唔夠應付測驗考試。我仔都有認讀寫困難,小一時最艱難,全無頭緒。所以暑假時狂睇書,到宜家每晚都盡量讀一兩篇小故事,開始我要佢讀我聽,但明顯見到速度好慢,理解難,所以轉左伴讀,效果好好。伴左兩個月,宜家佢自己讀快左好多。雖然寫就仲有困難,但考試前我會train佢技巧,盡量運用識寫既字去作句。閱讀理解就教佢揾中心句子,理解關係。如果學校心理學家都提出佢有困難就要正視,因為個評估範圍好全面,唔係單憑一兩樣特徵去歸納。我個心理學家都鼓勵亞仔學多一樣興趣班去平衡下壓力。佢揀畫畫,平時星期曰就帶佢去跑公園。



Rank: 3Rank: 3


429
發表於 15-1-12 23:05 |顯示全部帖子
回覆 rean_chau 的帖子

請問伴讀形式是如何,全是他讀,還是各讀一半?

Rank: 5Rank: 5


1650
發表於 15-1-12 23:23 |顯示全部帖子

引用:回覆+rean_chau+的帖子 請問伴讀形式是如

原帖由 obedienceliu 於 15-01-12 發表
回覆 rean_chau 的帖子

請問伴讀形式是如何,全是他讀,還是各讀一半?
一起讀。



Rank: 4


848
發表於 15-1-13 15:03 |顯示全部帖子

回覆:請教點樣教二年班小朋友溫習

每個小朋友都要用唔同方法,可參考下:
我小朋友都係無乜記性,我會試用唔同方法幫佢記,如形態、用乜部首!
可能易入惱啲!
如: 聽
我會教佢要用耳仔用眼睛用心去聽!
佢每次寫都會記得
當然平時睇多啲故事書一定有幫助
普教中普通話我都教唔到佢,只有播多幾次一齊讀咁佢就入惱



Rank: 5Rank: 5


3667
發表於 15-1-13 23:23 |顯示全部帖子

引用:話說之前阿仔係學校做咗個心理評估,老師話

原帖由 kitty1207 於 15-01-12 發表
話說之前阿仔係學校做咗個心理評估,老師話阿仔中文認字教差,要佢睇多啲書,又問我平日點同佢溫默書,我咪 ...
我個仔都懶寫字,唔肯寫5-8咁多。於是我讓步,第一次唔識寫3次,再默如識便算數,如唔識便5次,再默又錯的話就10次,如只肯寫3次但到頭來真正默書時竟錯,便改正20次。So far 都ok, 他唔會令到自己要寫10次.



Rank: 4


918
發表於 15-1-14 13:59 |顯示全部帖子
我女都係記性唔好,運動後係有好轉,真的可以考慮給他學運動。
初時我都係要佢改正5次或多次,但都不太有幫助,因她抄寫時只是照抄,沒有思考過,好快又唔記得。
後來,我們用了拆字形式、故事形式,好快就記得好,不用再抄改正。

Rank: 4

醒目開學勳章


505
發表於 15-1-17 16:33 |顯示全部帖子

回覆:請教點樣教二年班小朋友溫習

我會叫佢背默一次,唔識嘅字抽起重點溫
抄下默下,好快識



Rank: 3Rank: 3


454
發表於 15-1-18 19:46 |顯示全部帖子

回覆:請教點樣教二年班小朋友溫習

晤該曬你地,我會參考下你地嘅建議,再睇下可以點幫阿仔先,最衰我仔又好懶,晤測驗考試都晤願溫習,仲要最鐘意睇嘅書係老夫子,完全無字嘅,而家都盡量星期日去下公園,等佢跑下,玩下