幼兒園--->幼稚園

學勤咪咪

我住係香港區，若我選一間普通的幼兒園，之後同佢去考一D我心水的幼稚園(e.g.禮賢會、聖保羅堂、聖公會)，你地覺得幾會如何?? 係咪要入d有名氣既幼兒園?? Interview k1個時，老師會唔會好著重小朋友係方邊間幼兒園讀，定著重小朋友Interview時的臨場表現呢?? 仲有你地會唔會考慮一條龍的學校呢? 有冇家長有些經驗可否分享吓!!
學勤咪咪

cheuk_cheuk_ma

我都有相同問題，聽人講小朋友要有一樣尊長架，真的嗎？

sammili

個人認為考k1時老師多睇臨場表現,唔會睇你係出自邊間名幼兒園,但有讀過幼兒園一定比冇讀過有優勢。

2mings

個人應為,到面試個日根本冇可能係短短五分鐘就知個小朋友係適合定唔適合!一定係有的學校認為重要既資料,已經要你填在先!到面試日校方就睇下佢地心目中首選既小朋友係咪五官端正,身體健康,脾氣ok.係就收佢地!當然,係面試日表現超ok既次選小朋友都會收!我估係咁!

我見有的幼稚園申請表仲要填埋父母既中小學讀邊間!!! :tongue:

Mrssslui

Agree w 2mings
仲要睇下父母既職業添呢!
好多學校都鍾意全職媽媽+工人.

2mings 寫道:
個人應為,到面試個日根本冇可能係短短五分鐘就知個小朋友係適合定唔適合!一定係有的學校認為重要既資料,已經要你填在先!到面試日校方就睇下佢地心目中首選既小朋友係咪五官端正,身體健康,脾氣ok.係就收佢地!當然,係面試日表現超ok既次選小朋友都會收!我估係咁!

我見有的幼稚園申請表仲要填埋父母既中小學讀邊間!!! :tongue:

bullbull

學勤咪咪,

以你所講那幾間心水幼稚園當中-->聖保羅堂及聖公會幼稚園Ryan仔都報考左而且已被取錄。我個人感覺佢地兩間係比較著重面試表現。點解咁講係因為Ryan仔係上年十一月尾interview個陣，佢係未讀幼兒班，同埋只係上過幾堂playgroup。因此Ryan仔經驗唔算多，不過係面試個日佢表現都幾好，能夠回答老師問題。不過讀過幼兒園都會有優勢，因為小朋友已經養成良好習慣例如懂得拍櫈、回答老師問題時會望著老師，以上舉動都能夠比老師一個良好印象。

cheuk_cheuk_ma

Agree w 2mings，
至於全職媽媽+工人哩part我就死火喇，因我打算由佢n1開始唔要工人，一早由老公駕車由屯門家送去我媽觀塘返學，老公放工6:00p.m.到達學校揍放學車回屯門家，我又要返工，咁樣俾老師知道唔知仲肯唔肯收佢添架！

學勤咪咪

cheuk_cheuk_ma,
我覺得你不需咁擔心，你不是全職媽媽+工人，我都有所聽聞有些幼稚園真係好喜歡全職媽媽+工人，但我個人認為大多幼稚園的教育工作者都好希望只要父母有多些時間加強親子溝通、同小朋友玩吓、了解多些他們的行為態度和內心世界是好重要，做到全職媽媽更係好啦，因他會"痴"自己多些，但因為其他原因唔可以做到全職媽媽，都不要唔開心增加壓力，只為放棄多些私人時間而給他多些一起溝通和玩耍的機會己OK，我都是抱著這樣的心態，皆因我都是在職媽媽哩!

Bull Bull,
Ryan好可愛呀!! (題外話:Ryan仔在Thomas火車頭影個將相好靓係邊樹影!!我囝囝勁鍾意Thomas)。你囝囝k1會讀聖保羅堂 or 聖公會幼稚呀? 你會點選擇呢??

學勤咪咪

cheuk_cheuk_ma 寫道:
Agree w 2mings，
至於全職媽媽+工人哩part我就死火喇，因我打算由佢n1開始唔要工人，一早由老公駕車由屯門家送去我媽觀塘返學，老公放工6:00p.m.到達學校揍放學車回屯門家，我又要返工，咁樣俾老師知道唔知仲肯唔肯收佢添架！

bullbull

學勤咪咪,

Ryan張相係今年一月在日本富士急遊樂場Thomas land影架。佢勁鐘意Thomas火車頭，所以我地特登揀左去富士急而唔去Disney。
另外我決定會比Ryan讀聖公會幼稚園。因為佢地派位好(我識好多朋友都係由哩間幼稚園升到去聖保羅男女/聖保羅男校)。另外亦喜歡那個大操場，可以比Ryan仔多D課外活動。

cheuk_cheuk_ma

學勤咪咪,
嘩！去日本玩咁好呀！咁細個搭飛機會唔會好煩架！呀仔今年8月尾入2歲班（7月頭出世），老公想9月尾帶佢去日本玩5日，我怕佢剛剛適應返學，去完旅行後唔肯返呀，其實有冇問題架！？

angelyiu

學勤咪咪,

想問你仔仔搭飛機有冇哭,因會耳仔痛?我都想同阿女一齊去玩,仲想問你仔仔講

angelyiu

Are you working mother or full time mother?

學勤咪咪

cheuk_cheuk_ma & angelyiu,
去日本的不是我呀！係BullBull呀！講起去日本都流晒口水，可惜我husband好忙，我都好想同仔仔去玩，發吓白日夢先。
BullBull，你快ｄ出嚟講吓你同Ryan仔去辛苦嗎？小朋友坐飛機有冇唔舒服呀！你係咪要carry好多嘢！去咗幾多日呀？唔好意思我一輪咀咁問你咁多問題，皆因講起去日本我特別高興兼失控。SORRY.

bullbull

學勤咪咪,

個次我同囝囝老公逗留左八日呀。四個字形容哩個旅程「辛苦到嘔」不過亦覺得好開心。何解咁辛苦？因為其中三日我老公要工幹，我要自己湊住ryan行街食飯。當時有兩日落好大雨，又凍又大風，凍到好似冰糕條咁呀！我推住車仔同佢行商場例如玩具反斗城。開心就係見到 ryan一去到Thomas Land已經興奮到大叫，玩到唔肯走呀。
講到坐飛機，ryan好乖咁坐定定。回程仲瞓著添，冇唔舒服。不過西北航空兒童飛機餐就好鬼難食。
我都有帶好多野去日本架，差唔多佔左八成都係ryan平日用o既野。由於係冬天，帶多幾件衫已經好重。另外亦要帶奶粉、尿片(最後係唔夠要去玩具反斗城買一包)、衫褲鞋襪....我仲帶埋gas 爐去個邊酒店自己灼牛肉。因為自己去三越超市買神戶牛肉平香港四成    呀。
黎緊五月中我都會帶埋Ryan仔跟老公去台灣玩五日，其中兩日又係要自己行動。不過今次係夏天唔駛帶咁多厚衫喇，行李都輕D。

mrswhat

bullbull,

你可以同ryan去日本就好啦!我又冇$又冇假期

我同事話bb兩歲前既機票係10%,但過咗兩歲就要比75%,而囝囝6月就兩歲,睇黎要去旅行都有排儲$ :evil:

其實我都有"幼兒園--->幼稚園"既問題,而家都心大心細.因為我又想囝囝讀一間地方較大(但派位冇咁出名)既幼兒園,另一方面又想佢讀一間相對較細(但著重學術)既幼兒園.

總之,我就驚選擇錯

bullbull

mrswhat,

講到機票，其實小朋友過左兩歲已經要比全數，冇折架！只係機場稅會平D咋。

其實選幼稚園個排真係人都巔！晚晚都失眠，又怕選錯學校，又擔心心儀個間唔收~~
或者你報多幾間先，實地去睇環境，同埋留意下面試時老師態度如何，咁會容易揀D架。好似我去完灣仔呂郭碧鳳interview後，對哩間學校只係留下壞印象，所以收左Ryan仔都唔會比佢讀。

cheuk_cheuk_ma

我同老公稔住呀仔搭飛機時俾奶佢飲，咁可能耳仔會唔塞掛！提起帶野我都怕，我地想去7日東京，住民宿（東京小套房），有獨立廚房及TOILET，訓地架，又平，咁可以自己煮野俾呀仔食(佢唔可能餐餐出去食)！推車仔！？佢識行已唔再坐車仔喇，不過有時都要抱，唔帶車仔方便些喎！

cheuk_cheuk_ma

bullbull,
我都煩緊哩樣野，雖然佢出年至讀幼稚園，但又想轉間好的幼稚園，最敝係大部份幼稚園都係半日制，我係WORKING MOTHER，點攪呀！

cheuk_cheuk_ma

bullbull,
CX below 2 yrs. old babies are only pay tax, fuel charges & other charges (no need to pay flight net price) because they will not give any seat to them. If they can offer baby-seat to you, the seat should be under the T.V. screen. Fortunately, I can apply sub-load CX ticket (10% of full fare), not confirm ticket, so, depends on the loading (seasons). Means, I cannot use it during holidays.

daydaybaby

我想問我想BB入幼兒園再轉入幼稚園,那我大概應該那時入表呢
我b 6月出世,如果幼兒園9月入學,已2yrs 3mth, 讀4個月又轉去幼稚園做插班生,會否太快轉,如果再下一年才轉幼稚園又會否入不到太遲呢?
我應該是在今年還是下一年入表幼稚園好呢?因為那幼稚園好出名多人報入讀的,如果太快轉入,我怕bb學不到幼兒園的東西又轉新環境,如果遲一年才入讀,我又怕已沒有位