12個月都重未企到!!

琪寶

Adhd係過動兒，但這個bb咁唔願郁，唔似過動喎。我自己覺得有可能是腦部與手腳的協調出現問題。不如帶bb去睇私家兒科醫生，等醫生俾專業意見啦！

ct926

原帖由 carrie1314 於 14-12-10 發表
我朋友個女, 足月出世, 出世時7LBS.  之後一個月開始就食好多野, 開始肥. 生長線到頂或超出少少(無論生高或 ...

我個仔又是這樣，是發展遲緩。現在2歲9個月了，跑到我追唔到。我仔8至9個月才轉身，一直只懂坐，完全不爬，也是雙腳不肯點地。一歲一個月才開始識扶住企，17個月才開始放手行。記得當時是按直他雙腳讓他感受企，當然要扶住他，慢慢試一段時間，就開始企。企了後便扶住行，最攪笑就是開始放手行才開始爬。這段時間我就每天帶他到公園爬下行下。大肌肉要時間鍛煉，約2至3星期才有一個階段的進步，不用急。但你也要留意其他方面的發展會否也出現遲緩。物理治療是要教你方法，在家鍛煉，不能只依賴上堂的時間。

kiki_kittyhk

我個女同你講的朋友個女的發展係一樣，12 個月都係企唔穩，10 個月先識自己坐好，18 個月先識自己行路，23 個月先識得同別人分享佢自己鍾意睇到的野(仲要係比左半年時間返 playgroup 和上左一個月得密集式訓練再加八次針灸先識)，我個女評估左係嚴重自閉 ，所以你仲唔快 d 叫你朋友帶佢去做評估，三歲前係訓練和針灸的黃金時間，過左之後的效果唔冇咁快。

kiki_kittyhk

我細女有的問題有：

大小肌肉、言語、感统、認知、發展

全部都遲緩，但只有言語及認知比較嚴重遲左 1 年至年半。

kiki_kittyhk

仲有我細女在社交上好差，如果你叫佢個名會十問九唔應，叫佢聽我地的指令仲慘，冇次聽駛，行路時成日冇力，因為大肌肉協調唔到，所以冇力行。冇眼神接觸佢永遠唔會望你，去公園玩只有自己玩唔會主動同小朋友玩，而小朋友想同佢玩佢都係唔會采人。

kiki_kittyhk

我在佢 1 歲左右已經發展佢有問題，好似有自閉咁，因為我大女 1 歲時都會有少少想同人玩，但我地引佢笑佢又會笑，唔識自己行又冇力，每當去到一 d 比較默生的地方佢又會有抗拒，通常健康院會要你兩歲先排隊等評估，但我自己個人認為三歲前係訓練的黃金時期，所以你有發現你朋友個女有問題應該叫佢帶佢去做評估，做完的結果可以知道要比咩訓練佢做，曾取多 d 訓練時間

Littlecatta2013

回覆 kiki_kittyhk 的帖子

我仔12.5個月大，一般CHECK自閉(協康、STEPS、楊震)要起碼2歲，12個月大CHECK只可以CHECK係咪發展遲緩(或者比同齡遲左幾多)，請問可以點做先可以排到特殊學位﹖﹖

我仔情況：
1. 未識自己行同企， 大人單手扶可行，但唔多願行同埋行行下交义腳，但可離肚爬、訓變坐、扶住行、扶住坐番低、扶住踎低、單手扶企都冇問題，有見過佢自己離手好穩咁踎低坐下，但係仲唔肯自己企，唔知係咪細膽
2. 自己可用手指姆指可夾星星餅入口食，識分邊D係食物，佢甚少放玩具或非食物類東西入口咬，見你食野就知o個樣係食物
3. 識主動指野、遠同近都得
4. 眼神接觸都唔係冇，但好易分心，有時人地同佢講野佢好似遊魂，但都好八掛，好鐘意觀察人o既活動，特別係小朋友
5. 愛玩躲貓貓，捉迷藏
6. 叫佢名時應時唔應
7. 懂發爸、媽聲，但似唸口黃，有意識嗌爸媽得幾次，有時唔係爸媽o既東西都咁嗌
8. 唔識揮手hello、byebye，但見到人多數會有社交式笑容
9. 問佢燈燈呢、波波呢、爸爸呢，有時會指到或望住，有時冇反應
10. 好喜歡玩up & down、滑梯，不抗拒swing、泥膠，但怕草地
11. 好間唔中主動餵你食野，俾d佢冇興趣o既野你
12. 佢有興趣o既野俾左佢，佢一定唔會俾你，唔同你分享，推開你手、發你脾氣，攞個pat得開你，要自己玩
13. 聽到音樂身會un同拍手
14. 只識拍手同give me five，要有動作提示同睇心情做，齋叫佢拍多數唔拍，通常佢見你拍佢先拍
15. 唔鐘意玩具，鐘意玩大人o既日常用品，如搖控、膠盒、錶、鎖匙、衫鈕、衣架、cushion等、教佢玩具(如叠高高)佢唔識玩，樣樣3分鐘熱度
16. 對照鏡冇反應
17. 識認人，唔俾陌生人抱，識揀人黎痴
18. 叫佢放低物件(要有動作指示)有時會聽(如放奶樽落盤、放玩具)，但佢有興趣o個d就唔肯，唔識幫你攞野(如攞波波俾媽媽)
19. 唔會點主動"了"人玩，但都鐘意同人玩，除左佢有興趣o既物件，一定死hold唔放
20. 人越多佢反應越投入
21. 佢自己玩玩下會對我地笑下咁
22. 唔識攞起電話扮打、用生活用品玩扮演遊戲之類
23. 有時佢曳時我地話佢，有時佢會識停，仲回望我地笑番、拍下我地、或者"丫"番我地，好似"哂林"咁款，有時堅持己見

1歲健康院評估，同姑娘有好o既眼神接觸，姑娘話佢冇問題，1.5歲先番

我擔心最6,8,16,18, 22，唔聽指令(係仲細所以未理解到﹖﹖點之為聽指令﹖﹖單單係hello、byebye呢d﹖﹖點分佢係本身性格定發展障礙﹖﹖)，有陣時我覺得佢好似無欲無求咁，對外界好似有又得冇又得咁

kiki_kittyhk

原帖由 Littlecatta2013 於 14-12-18 發表
回覆 kiki_kittyhk 的帖子

我仔12.5個月大，一般CHECK自閉(協康、STEPS、楊震)要起碼2歲，12個月大CHECK只 ...

我暫時可以回答你第一項，其他的等我今晚放工後慢慢回答你，你個仔未識行其實係佢個大腿肌肉未能夠發展得可以支持佢自己企，我女的職業治療師話可以同佢每日行一層樓梯，每日行兩三次分開早午或晚，我女訓練左一個月已經有進步。你個仔唔係細膽，只係大小肌肉未 really 好炸。

Littlecatta2013

回覆 carrie1314 的帖子

我仔唔足月，36WK3D出世，得5.3磅，以上&以下係冇更正年齡，佢差唔多5個月轉身，7.5個月開始好似軍人咁爬，8個月先坐穩，8.5個月由訓變坐，9個月肚離地爬，9.5個月識扶野企，佢識扶野企都係因為佢八掛，要企高先望到出面D野，所以自己搵野企

腳仔手仔夠力先可以離肚爬。。。

單手扶野行都係呢兩個禮拜識，我地帶左佢去草地，佢嫌D草拮手，唔肯爬，我地又搵支果汁響前面引佢先識，不過出街有野8佢先肯行多D，響屋企就發軟蹄，要坐番低，一係要抱，一係要爬，我仔係瘦但對比高的，手腳幼，唔知係咪難平衡D

我仔4個月大識笑到卡卡聲

D人又話12個月要對名字有反應(唔識又話自閉=.=)，我仔就係有時一叫就應，有時嗌10次都唔應，佢響屋企好忙，周圍爬，周圍摸，總之乜都摸、乜都搞，好難會坐定一個位，好難CATCH到佢注意，除非周圍冇哂野(如幫佢洗白白被困在盤內嗌佢就好D)

佢唔鐘意SHARING，平時佢見你玩乜佢都會搶，不過係搶黎自己玩，但佢自己又唔識玩，捉佢手教佢叠高高之後俾佢自己試係攞黎互敲，車仔佢會推下但亦會攞黎敲落地，係識得學我地手勢楂住搖鼓黎拍

佢指野係死望住件野加發出"丫"的一聲都唔會點回望我/望我眼睛(呢樣我都有D擔心)，我仔好心急，佢要一樣野你唔盡快俾佢佢會喊，俾唔岩佢會指到你俾岩佢為止，我仔係有意識指野，指遠野會指下佢覺得有趣的事，如米奇老鼠、靚女、去公園見到花王淋花、電視MONITOR、冒險樂園等

我遠離十幾呎外同我仔打招呼，佢係會好開心撐腳&笑，但叫佢同我地/陌生人揮手HELLO/BYE BYE就從來冇做過，我教左佢2個月佢都唔識做(12個月唔識HELLO/BYE BYE就話係自閉 =.=)

有時叫佢同D看更打招呼(笑下都好)，佢會唔理人，唔望人，好容易被其他野分心(例如看更枱D筆紙都要望下/指住條街話要出去，但番到育嬰園就眼甘甘望住D老師，揀老師黎痴

佢唔鐘意SHARING(識過話嬲佢佢先扮俾過一次，伸隻手出黎攞佢又縮番埋唔俾)，唔係好識聽指令，好似唔明D大人講乜亦令我擔心

眼神接觸我都唔知算多定少，始終佢鐘意爬黎爬去，叫佢坐定定係冇乜可能，有時佢玩玩下會望住你對你笑，有時我笑佢又笑

我已經冇俾電視&手機我仔睇，佢9個月大開始番育嬰園

如果阿仔真係有問題，我想盡快幫佢

kiki_kittyhk

原帖由 Littlecatta2013 於 14-12-18 發表
回覆 carrie1314 的帖子

我仔唔足月，36WK3D出世，得5.3磅，以上&以下係冇更正年齡，佢差唔多5個月轉身，7 ...

你可以同健康院強烈要求佢地同佢做評估，你話仔個仔有問題，唔想浪費時間去觀察佢有問題或冇問題，因為我女的同學仔媽咪都係咁樣而得到比我早大半年的訓練時間，因為健康院通常要你再觀察多半年，而排隊等評估又要等多半年至一年，到時距離三歲前訓練的黃金時期只得半年左右，我覺得好浪費時間，所以早做評估可以早做訓練

Littlecatta2013

回覆 kiki_kittyhk 的帖子

1歲番健康院佢唔肯轉介我個仔，佢話我個仔好正常。姑娘話呢個年紀係自我為中心，佢唔肯俾野你係正常。。。我打左去STEPS度問，佢話等多3個月情況(15個月大)冇改善就直接搵私家兒科醫生寫紙去CAC，唔好經健康院，而我老公覺得個仔好正常，就算真係慢都唔係差好遠，佢又唔係真係好嚴重

問過協康會，係唔會幫2歲以下做自閉症評估，一來1歲實在太細，仲有好多發展空間，係好容易斷錯症

我想問下如果個CASE去到CAC，跟住會點呢﹖﹖

Littlecatta2013

回覆 carrie1314 的帖子

其實阿仔10個月大之前我冇教佢野，時間主要照顧佢起居飲食，抱佢都少，傾計都唔多，諗住佢大大下自然會識，

平時我同老公都番工，長老住好遠好少見，老公番到屋企都唔多願放時間教BB，教BB都係主要落響我身上，好明顯我仔唔係到時候就學曉o既人(即係遲緩類型)，hello,byebye,指野,拍手,give me five我10個月開始教，到而家都唔識同人打招呼