民生收生很不公平！！！

cherrybaby21

原帖由 lemon 於 14-12-11 發表
玩這個遊戲覺得很無奈, 明明玩具時超專注, 砌好兩塊大puzzle，自己tidy up, interview表現好, 答晒問題, 我 ...

我個女係見本地老師但係用英文回答的,我覺得如聽得明答到中/英都唔係一個大問題,老師都會睇埋小朋友反應,講真大把人都做齊哂答啱哂,如果啱就要收咁就一定超收,邊有咁多位?面試唔同筆試唔係答啱就有分,我覺得都好講眼緣同嗰幾分鍾老師對小朋友既感覺.仲有份問卷都計分,比心機寫又唔代表學校會認同你睇法.我都有見過d學校個女表現好好都係waiting,我當佢地唔識貨,平常心吧!

chanwendy

如果單睇樓主貼的圖, 佢只話接受2012出生的小朋友, 冇講係只接受2012 喎.  我見好多幼稚園招生通告都係咁寫架喎, 只會寫一個年份, 因為正常都係嗰個年份出生的去報.  如果你唔係2012 年而又想報, 真係應該打去學校問清楚啲的,  不過如果如部份JM 講, 問過係唔得, 但又有人得, 咁先算係唔公平.

bubuG

原帖由 chanwendy 於 14-12-11 發表
如果單睇樓主貼的圖, 佢只話接受2012出生的小朋友, 冇講係只接受2012 喎.  我見好多幼稚園招生通告都係咁寫 ...

幼稚園玩語言偽術:;pppp:

chanwendy

bubuG 發表於 14-12-11 10:35
幼稚園玩語言偽術:;pppp:

我唔覺係語言偽術喎, 大部份學校都係只寫一年的年份, 如果真係唔收超大B 的, 多數會寫明要求的出生年月日.

bubuG

原帖由 chanwendy 於 14-12-11 發表
我唔覺係語言偽術喎, 大部份學校都係只寫一年的年份, 如果真係唔收超大B 的, 多數會寫明要求的出生年月日. ...

哦。

Audreynov

回覆 sumyu2012 的帖子

唉! 明白你的難受! 我都覺得有一些事情要講到明 , 但我又想為什麼民生,德望及一些港島區學校都係暗盤收超大B , 背後的動機是什麼?

以我所知 , 以前的民生本來就係收生CUT 到10月 ,不收細B的 , e.g.收2010年 10 月到2011年10月  , 但3年前改左制度, 改為收同年的小朋友e.g. 2011年1月至12月加暗盤收前年11月及12月

呢件事應該有78%準確, 因隔太到耐了, 不敢這麼肯定

若果是真的話, 即是話係夾係呢兩年的細B 總算有個公平的安排

覺得學校是想收同年學生成為大方向 , 收超大B成小方向變為斟情權…若我是學校要講到明一明收生e.g.由11年11月至12年12月 , 又不是一般做法…或是前年的超大B都報左先講 …

講都尾不清不楚就是不對, 但我相信他們背後的動機是善意的 , 請原諒他吧

利申 :我係民生家長

Audreynov

Anna媽媽 發表於 14-12-10 10:41
回覆 firepotato 的帖子

完全同意，而家係一間本地傳統學校，NET in，你估IB school咩？好似行佐貴族路綫 ...

但民生是行雙班主任制,  NET佔學校老師有差不多1/3 之多, NET亦是學生的其中一個班主任 ,  學校一份子, 難道不讓他們參與INTERVIEW  , 抽調這些人手就是正確做法?
我認為有NET是走貴族路綫 , 是很久之前人的想法 ,  NET 同本地老師是平等的 , 只是學校變得更世界大同而已


民生今年預訂來緊聖誕節Christmas show 光碟 盛惠40大元 一隻... 當年我小朋友讀九龍塘N 收我150元!! 何來貴族?

Yatterman

民生年年收生通告都係咁寫, 只會寫"現接受2011年出生報名" 或 "現接受2012年出生報名" 咁樣, 無寫 "只"接受 2012年出生報名, 好多幼稚園都會有相同做法.

樓主上年已用細 b 身份考過, 當年通告都係咁寫, 亦都知上年結果收左好多大 B, 今年一心諗住再戰的話, 點會唔搞清楚. 錯失報名自己都要負上某程度上責任吧.

作為一個 大 B 家長, 應該知道好多學校都不會寫明 2011年可以報名的.

gg33

失實陳述，顯示學校內部溝通不足或員工大意，希望樓主唔好放在心啦，好多學校行政方面都好有問題的

mv_lee

cherrybaby21 發表於 14-12-11 10:09
我個女係見本地老師但係用英文回答的,我覺得如聽得明答到中/英都唔係一個大問題,老師都會睇埋小朋友反應,講 ...

我仔都係本地老師IN答英文...仲要比個MISS串....
連WAITING都冇

gg33

原帖由 ddik 於 14-12-10 發表
我唔介意全部用net in羅

我報英普，我仔仔英文都聽得明，反而普通話唔ok. 運氣差遇著普通話老師in, 我仔仔一聽普通話就驚到攬住我，冇計，怪自己揀錯班之餘運氣差

sinsinlo

咁未證明間學校有問題啦, 唔讀好過讀LAW~

gg33

原帖由 enkolee 於 14-12-10 發表
你又啱wor, 適齡唔入學, 又要同下年適齡的爭學位, 過份
好彩有d學校寫明收取學生出生日期
...

大b家長講風涼說話，過份中既過份!

Chun_ng

我係過來人, 咁O岩路過.....依個只不個係遊戲一埸, 不要太介意.
之前曾聽過民生專收爸爸是專業人士(E.G. 醫生, 律師), 媽媽是家庭主婦.
今次, 我朋友是專業人士, 碩士畢業, 家庭富裕, 媽媽是家庭主婦. 而個小朋友當然遺傳爸爸既優良傳統, 十分聰明. 答晒所有問題, 有AM OFFER.(同人唔同命)
你話家庭背景十分重要!  我係校長見到份FORM都即刻收啦!
平民只會不斷係平民!

gg33

原帖由 enkolee 於 14-12-10 發表
因唔明白何解適齡唔入學? 係今年讀書就今年讀書啦. 點解要下年讀? 無學校收定係無你心怡既學校收? 下年又 ...

細b各方面發展唔夠大b, 普遍黎講考學校會蝕底d, 係咪就因為佢出世既月份問題，一世要揀次一等既學校，永遠要做細b比下去? 遲一年入學就叫做過份? ? 鬼叫你父母0係唔合適的月份咩咩，生個細b出黎係父母自己攞黎衰。你的言論好恐怖，充滿歧視!  細b冇錯架，邊個月出世冇錯架!

enkolee

gg33 發表於 14-12-11 13:37
大b家長講風涼說話，過份中既過份!

1) 你又知我係大b, 自己諗又當真?
2) 呢d唔係風涼說話, 係事實, 事實就等於風涼說話?
3) 我覺得人地過份, 你覺得我過份無問題.

Anna媽媽

回覆 Audreynov 的帖子

NET interview都無問題，好似St. Cat, LH可以揀interview語言，用小朋友最熟悉的語言，考小朋友反應，認知，理解既，就最公平。家下英文叻既遇著中文老師，粵語爲主既遇著NET，都無得發揮。明白學校可能想收d識果2種語言既小朋友，但如果要2嵗幾都已經識兩文三語既小朋友，仲使乜你學校教？我個女in完后12月返佐個禮拜學由原先唔識到學佐好多普通話，就知道原本識唔識唔關事。

enkolee

gg33 發表於 14-12-11 13:48
細b各方面發展唔夠大b, 普遍黎講考學校會蝕底d, 係咪就因為佢出世既月份問題，一世要揀次一等既學校，永遠 ...

你已經失去客觀理性分析, 已經自我label咗細b能力

bonbon1220

好多媽媽話，除了民生，好多學校都係咁寫，雖然我仔唔係超大ｂ，但我都好鄧你唔開心，我身邊都有人ｍｉｓｓ左，但我冇問佢上網填表時過唔過到

不過民生唔係唯一，去考其他更好既學校喇
ｄ人話民生因為半龍所以先申請，但有ｏｆｆｅｒ既媽媽都要留意，起碼1/3民幼係升唔到民小，要有心理準備
而民幼有咩好，同上面有媽媽講既一樣，三千幾蚊學費，傳統活動教學一半半，一班有班主任，助教，ｎｅｔ同國語老師（有Ｄ班有小小唔同，但ｎｅｔ一定全日係班房，呢個都係點解會有ｎｅｔ面試，上堂英文跟唔到係會收電話架）

如果只就呢件事，我都覺幼稚園部應該要再改善下，可以做得更好

利申 :我係民生家長

bubuG

原帖由 bonbon1220 於 14-12-11 發表
本帖最後由 bonbon1220 於 14-12-11 14:03 編輯

好多媽媽話，除了民生，好多學校都係咁寫，雖然我仔唔係 ...

贊成你所說：「如果只就呢件事，我都覺幼稚園部應該要再改善下，可以做得更好」