發展遲緩？

steppenwolf

如題,我唔知問呢個版是否恰當？

我個仔就快三歲,鐘意睇書,ok快理解,好好記性,鐘意問問題,好多時教佢野好似無聽,但問番佢又識,但成日唔肯郁,靈活度差,學校有活動,一定要在旁觀察一段時間先肯做。感覺係佢腦轉得快,但動手能力低。

可以點鼓勵佢郁多啲？因為佢又好自我好固執,係唔想做既就無論點都唔做,或者就算做就一定要跟佢自己的方式,唔肯俾人教佢,唔得又發脾氣,但仍都唔俾人教唔俾人幫

如砌砌圖,兩三塊個啲,佢見到知放邊,但總對唔啱位砌；佢心覺得件玩具要前後郁,推唔到都要夾硬來,你同佢話要左右郁唔睬你,你想捉佢隻手教,就推開你,再推唔到就發脾氣或放棄

steppenwolf

但佢係學校又ok socialized,不過就極慢熱,如現在呢間係由原校育嬰院上n班,重新適應班主任也要兩三個月（但而家呢個班主任係佢係育嬰院時已識的）, 其實係咪有問題呢？

Pekkle1214

可能唔接受失敗啫，試下從呢方面改善下

steppenwolf

原帖由 Pekkle1214 於 14-11-19 發表
可能唔接受失敗啫，試下從呢方面改善下

希望啦,因我見佢大小肌發展慢,加上固執,適應力又慢,我驚佢自閉

obedienceliu

回覆 steppenwolf 的帖子

你孩子的情況, 有些似我個仔, 最近去了感覺統合評估, 出來的結果好差, 要做感統訓練提升他的能力.你試下去私人地方做感統評估, 因為感統失調都會有影響的.

steppenwolf

原帖由 obedienceliu 於 14-11-19 發表
回覆 steppenwolf 的帖子

你孩子的情況, 有些似我個仔, 最近去了感覺統合評估, 出來的結果好差, 要做感統 ...

學校話下學期會有感統訓練,到時幫我留意下

piglet0529

原帖由 steppenwolf 於 14-11-18 發表
如題,我唔知問呢個版是否恰當？

我個仔就快三歲,鐘意睇書,ok快理解,好好記性,鐘意問問題,好多時教佢野好似 ...

你仔有某的自閉特徵, 如有眼神接觸會好的, 最好打番健康院約評估