想問⋯⋯「解難能力」可以點樣訓練呀？

samuelchlo

如題，請賜教

littlefaith

由細細個開始，堅持：

1. 小朋友做得到嘅，都唔會搶先幫佢做，等小朋友自己解決。包括自己揹書包、自己縛鞋帶等等。

2. 多啲讓小朋友explore，包括讓佢周圍爬、帶佢去郊外踩吓草地、去沙灘掂吓啲沙等等。

3. 年紀漸長，開始讓小朋友負責做一些家務，例如掃地、抹地、洗碗等等。

4. 少玩電子遊戲，多玩砌積木、砌圖、排顏色、排次序、畫畫、看圖講故事等等。

Charlotte_mom

原帖由 samuelchlo 於 14-10-06 發表
如題，請賜教

你呢個問題，令我想起中學家長成日問：點讀通識，點學critical thinking。真係唔容易呢！要靠長期訓練啊

silvia_ng

當小朋友問你問題果陣，你用返問題黎答佢。點解既？係喎，咁點算呀？咦，如果咁做之後會發生咩事呢？佢識得諗之後，佢就會諗野越黎越叻，如果佢問你就即時答佢，佢就唔會慣用腦架啦。

小曳人

littlefaith 發表於 14-10-6 08:29
由細細個開始，堅持：

1. 小朋友做得到嘅，都唔會搶先幫佢做，等小朋友自己解決。包括自己揹書包、自己縛 ...

認同！
响蒙特梭利嘅理論裡面，多接觸唔同事物 (生活上 + 大自然)，小朋友就自然學會因果關係，自然會自己"明白"事物嘅關係，大腦神經"連線"

而電視同電玩係會令小朋友唔用腦諗嘢，久而久之，就唔識用腦思考

上面講嘅嘢，要從少做起，最好係兩歲前開始，家長如果見到小朋友重覆地玩同一個玩意，或專注地玩緊，切勿騷擾，打斷佢"連線"！當中，最經典係玩沙同玩水！要玩到夠！

而平時，記得預留free play時間，唔好每日排滿補習/課外活動

longlokma

原帖由 samuelchlo 於 14-10-06 發表
如題，請賜教

你指是哪方面？
數學上？还是生活上？

vnghk0001

解難能力係好重要，考左幾間小學，全部問，阿女解難好差，差到講埋答案都唔明，記住多多訓練。

babycute2009

vnghk0001 發表於 14-10-6 10:37
解難能力係好重要，考左幾間小學，全部問，阿女解難好差，差到講埋答案都唔明，記住多多訓練。



  ...

學校問乜呀？

Taloon

學會放鬆，如跌低咗要自己起身；小朋友間玩耍隨非去到打架否則盡量等佢地自行解決

little_yolky

littlefaith 發表於 14-10-6 08:29
由細細個開始，堅持：

1. 小朋友做得到嘅，都唔會搶先幫佢做，等小朋友自己解決。包括自己揹書包、自己縛 ...

以上全部做晒, 幼稚園仲有部份教學用埋蒙特梭利, 但都無用。一遇到困難, 馬上逃避。我發現可能係樓上咁講, 佢問問題我就俾答案, 所以佢唔用腦。

小兔~阿比

我覺得性格天生，如果佢係唔鐘意解難，你不妨最終俾答案時，俾多幾個答案佢，等佢個腦吸收多啲答案，唔識用橋都識偷橋，