在醫院遇見的ADHD女孩

Olympian

早前仔受傷入院住了幾個星期，我每天24小時倍著他，和其他院中的小朋友也相處了一段時間。原來，這個病房住著一些給親人打的小朋友。他們都住了好長的日子，有個出院的男仔，走時已住了一個月了。最令我難忘的，是一個七歲的女孩，有明顯的ADHD，但冇食藥。面有一塊大紅印，是搣走傷口結焦留下的。額頭也有一個舊傷疤，後頸也有，腳板底也有……這個女孩非常多咀，不停搞搞震，連醫生檢查病人時，也要掀開廉子走進去。當護士太忙而她又不受控制時，就會被綁在床上。我心裡明白為何她會捱打。有一天她好靜，我問她發生什麼事，她說她爸爸媽媽將會來探她。後來，有個社工找她，說她爸媽想見她，她說她不想。社工又說，他們帶了食物，她才願意見父母。父母都是較基層，他們胡扯一堆，但總算有講有笑。他們在我住院的三個星期，就只來過一次。但反正這女孩也不想見他們，也不想出院。有一次，我跟這女孩說，我也有一個女，但好細個。她問我：是你生的嗎？我說當然是。她接著說：哪為什麼你不生我？我心裡真的好難過。我有幻想過帶她回家，但自問也沒信心把她教好。我和老公都覺得她其實好純，只是控制不住自己，但院中的其他家長，都認為她好曳。我們出院時，老公買了份禮物給她和另一個女孩。我老公從來未買過玩具比自已個女，但我好欣賞佢咁做，興幸我倆的價值觀相近。出了院好一段時間我還會掛念她，希望她可健康成長。

HaYi

ADHD 的女仔比男仔仲慘, 因為女仔在社會觀念應較文靜, 其實佢應試下治療.

HaYi

repeat

checkylam

我相信天生我材必有用, 所以好希望這女孩給人發掘到她的長處, 不會浪費光陰

wan_sosin

呢D小朋友唔係單單有愛心就教到,要好多方法同支援,問題不是單單在父母身上,政府實在缺乏支援給特殊兒童家庭,如果加上父母水平唔高,更難解決問題.

我仔都係ADHD,如果小朋友只需跟家人相處,是沒問題的,但小朋友要面對學校,社會,樓主都話,其他家長都覺得個小朋友曳,所以平時生活,父母會經常受到指責和投訴,因此壓力就來了!處理不到壓力時,問題就更大了.

我今日先見一個應該有ADHD的小朋友,被興趣班投訴,導師叫唔知呀婆定呀嫲,返去要同佢父母講.其實我相信父母都唔會知可以點做.

我仔同嗰位小朋友同一個班,我仔雖然唔算跟得好足上堂,有時都自己玩,至少無影響別人,我想,差別在於呢幾年我留係屋企,全心教我個仔,睇好多書,搵好多資料再去上堂,但唔係個個可以唔做嘢,全天候跟足個小朋友.

有時我都覺得好可惜,有時如果可以,我都希望關心到呢D家庭,但你想關心,人哋都唔會鍾意,想講D方法佢哋聽,但好多時反應係做唔到.

所以,政府再唔放多D資源落去,社會問題會很大,唔單只個小朋友有問題,整個家庭都會有問題,之前先有自閉兒被父.........

max00mini

唔識講

IwanBB

好似樓主咁體諒人既人, 世間少有.

我囝囝係ADHD, 佢條路好難行, 幸好有藥幫助, 暫時應付到, 但....真係好擔心佢以後既日子....><

IwanBB

wan_sosin 發表於 14-8-7 01:34
呢D小朋友唔係單單有愛心就教到,要好多方法同支援,問題不是單單在父母身上,政府實在缺乏支援給特殊兒童家庭 ...

可以既話, 可以交流下嗎? 我囝囝都係ADHD....

wan_sosin

IwanBB 發表於 14-8-14 14:26
可以既話, 可以交流下嗎? 我囝囝都係ADHD....

當然可以!不過其實我仔只係升小一,你囝囝已食藥,應該小學啦!

InkCartridge

各位JM, 你D俾子女吃藥之前有冇試過D補充劑？我囝應該都係ADHD (排緊評估
期), 見到有隻attentive child專forADHD小朋友的。你地有冇試過？唔係逼不得己，我都唔想俾佢吃藥。

fixedstar99

我個小朋友都係女仔，下星期一就正式見CAC醫生做ADHD評估，不過都八九不離十了。為佐個小朋友，我都岩岩呢個月辭佐份工，打算以後全職專心教養小朋友。

ADHD女仔的確比男仔更加慘，因為社會對女仔既認識就系女仔必須要更加文靜。印象深刻既一次係，帶個女去新加坡，係機場時，我個女係都要搶一個比佢細既男仔既手機，被我阻止（我態度溫柔）之後佢好大聲咁尖叫，之後又發癲咁係候機場亂跑，結果果個男仔既婆婆係隔離講“哇，女仔都咁惡既”，我當時聽了，個心真系好唔舒服~~

wan_sosin

原帖由 InkCartridge 於 14-08-18 發表
各位JM, 你D俾子女吃藥之前有冇試過D補充劑？我囝應該都係ADHD (排緊評估
期), 見到有隻attentive child專f ...

我無比補充劑個仔食，不過會小心佢嘅飲食，少食糖，唔食味精，就算要飲氣水都只比7up, 因為最少無色素。
其實又唔一定要食藥，我仔仲細，見了兩三次都未能確診，將升小一，係精神科上小一預備班，觀察完同我講暫時未需要食藥，小一後再返去睇下係學校情況點！
小一預備班有一半左右建議先食藥，有一半唔洗

DollyCC

咩來，我囝4歲，3歲去過智力中心評估話無野。但4歲依然固執，上堂一悶4圍走，專注力又差。唔玩集體遊戲，爭玩具，爭輸就鬧人。講又唔聽，講故事問。。。啱唔啱，又識講，但實際又控制唔到，連暑期班都收投訴電話，我都唔知佢咩問題。

Olympian

真係好想大眾對對過度活躍症及自閉症多點認識。唔好成日話佢地曳或家長唔識教。

wan_sosin

DollyCC 發表於 14-8-19 11:04
咩來，我囝4歲，3歲去過智力中心評估話無野。但4歲依然固執，上堂一悶4圍走，專注力又差。唔玩集體遊戲，爭 ...

我提意你再打電話去叫佢做多次評估,佢哋file會keep係到.

你同姑娘講話問題嚴重咗,唔好唔理呀!

wan_sosin

fixedstar99 發表於 14-8-19 10:36
我個小朋友都係女仔，下星期一就正式見CAC醫生做ADHD評估，不過都八九不離十了。為佐個小朋友，我都岩岩呢 ...

我都好明白好慘,又唔去怪得人哋咁睇,始終又係事實.

呢d感受真係要搵地方出架!否則儲埋儲埋,當心情極差就可能向個小朋友發洩.

搵人呻下好重要,但要搵啱對象,搵錯仲激氣.

InkCartridge

DollyCC 發表於 14-8-19 11:04
咩來，我囝4歲，3歲去過智力中心評估話無野。但4歲依然固執，上堂一悶4圍走，專注力又差。唔玩集體遊戲，爭 ...

Attentive Child 係一種補充劑。有research話ADHD的小朋友腦部普遍缺乏一D嘢以致佢地無法處理信息或指令，所以有D小朋友需要額外補充鎂、鋅、PS、EPA、 DHA、DMAE etc.就可以改善佢地的過動徵狀。始終補充劑的副作用比起藥物的副用少好多，未試藥物前想試下補充劑。不過真係好少係E度睇到有關補充劑的討論，所以好想知有冇人試過同埋效果好唔好。

chrysan

那麼輔導有沒有作用的呢? 心理學家曾對我說小朋友欠耐性, 對住輔導員對似乎....反而建議我行為治療. 但又要排.
另, 政府看了心理學家, 做了一個 Assessment 要按機的, 再要3個月後見父母做埋下一個, 到真係要吃藥是否還有很長時間?
吃藥是吃到幾時的?5年? 10年?