升小後繼續自費言語治療？

Olympian

希望大家比下意見。上了四年言語治療，覺得：1）貴overpriced；2）成效低，少於50%。所以打算升小後停。可是我又擔心自己的分析不夠客觀。所以想請教一下已讀小學的家長是如何安排。謝謝。

pocoyo123

好多小學學校有言語治療堂上, 有的話咪一路跟落去

自費可以停一段後再睇睇情況

Olympian

平極都6xx啦，都係唔值。

Olympian

如有ST看了真是多多得罪，我只從成本效益看。

BKVIP

找有st 支援的小學，如無我唔會俾佢出外學，一堂得30至45分鐘，效果又唔大又貴，我會用呢d錢俾小朋友學其他嘢。語言還是要靠日常多聽多講，家長可以自己去圖書館借書，每日15分鐘同佢講故事，又可以叫佢講返俾你聽，又有互動，又親子，效果又好。

Olympian

謝謝各位的回覆。其實當我和老公再三討論，我又清晰了點。我地肯定仔言語治療方面是一定有需要，但單對單的課堂對仔似乎已起不了多少作用。而且，有少許負面影響。覺得佢上社交小組玩下遊戲又開心，又學到講野，而且學到的好多時都用得返出來。唔似ST堂，係堂上講到，但係日常用唔返出來，而且好悶。我也同意講故事會幫到佢，尤其當佢自己自發講的時候。

anan3388

我哋好早停咗ST都係相同原因。

如果唔敢停，不如轉另一些活動式d，生活化d嘅ST, 又或上疏d

py84ko

其實單對單言語治療課，好視乎言語治療師用什麼方法來訓練小朋友上堂，內容是否透過遊戲，生活化咁去訓練，這些都是言語治療師有冇去用心設計與否，當然父母為小朋友在家居訓練也很重要，你有冇做到在生活上訓練，專業言語治療師也會feel到的，小朋友上言語治療課，唔係話一朝夕可以見效，係需要時間的。雖然小學係有言語治療支援，但如果評估後自己小朋友唔係好嚴重，通常给予服務相對較少，因為會有更多嚴重的學生，需要多些支援！我自己言語治療姑娘話，有些有語障小學生，佢地接受言語治療訓練分分終需去小學畢業！所以我聽到姑娘咁講，我也不能懶散，在日常生活中也多幫他多加練習！

Capricorn2521

自從有了學前服務(S,I,E)之後都冇上個別ST, 只有上ST帶領的小組。

Olympian

其實我仔讀多年K3先上小學。呢年冇服務。之前排到青xST都冇要。自已教返之前未學足嗰d算了。我也想找ST小組，覺得仔上小組學得較好。

Olympian

上了4年ST跟過幾個治療師，已熟悉他們的教授模式。成效低，家長可以認為治療師未夠落力令課堂有趣或生活化，治療師又可認為家長不夠努力實踐，或小朋友未類化到知識。我自己就認為，是教學模式問題。這模式，令小朋友在課堂裡學習到的句式，在生活上應用不到，這就是事實。

Olympian

現在ST的人工高達1k/hr都聽過。有價有市。因為當小朋友剛診斷到有障礙時，家長都會不惜工本為小朋友買治療，不敢錯過6歲前的所謂黃金期。但當小朋友日漸長大，就發覺佢地的教法未必切合到需要。但機構不會有個急切去改進。因為只做班細仔都有排做。小學生冇論特殊或主流，學校都有支援，這批顧客遲早也會自然流失。

Olympian

最近search到下面這個。好像唔錯。但是否噱頭就唔知，但起碼佢地知道改善空間在哪裡。 ……………………甚麼是「應用行為分析─語言行為治療」？在「語言行為」治療中，應用行為分析的基礎元素依然保留 (例如：單一回合式訓練)，只是它進一步延伸斯金納(B.F Skinner)所研究的語言行為分析，彌補了舊式「應用行為分析」治療的不足。以界定學習語言的定義為例，傳統「應用行為分析」治療只着眼於要求自閉兒執行別人的指令和稱述身邊事物，然而這樣的方式就喪失了教授語言的初衷─溝通。在這種訓練下，孩子只能像機械人那樣按別人指令拿東西，或者在街上看到巴士時就說出巴士，但他們就不懂得表達所想所需，也不懂得與別人交談。然而，「語言行為」成功為自閉兒開拓另一片天空，其治療的首要目的是透過獎勵物作為學習動機，從而鼓勵自閉兒作出請求。應用相同例子，孩子在「語言行為」的治療模式下，他能以語言表達自己想「乘巴士」，甚至形容自己想乘搭的巴士是甚麼樣子，在訓練下自閉兒更可用與人分享乘巴士時的經歷，發展成交談。由此可見，雖然傳統的「應用行為分析」治療和「語言行為」治療同樣以發展語言為教學目標，然而，兩者所指的「語言」的功能性卻截然不同，這就是「語言行為」逐漸成為「應用行為分析」治療分支的關鍵。當小孩明白「溝通」(運用現有的表達模式作出請求)的道理時，背後更大的意義是孩子能在治療過程中獲得更重要的角色，透過表達，治療師能清楚掌握他的喜好和感受，治療不再是成人單向的學習過程，自閉症兒童也能在療程中得到樂趣和滿足感，從而提升他們的學習動機。透過調適或改良傳統的「應用行為分析」治療，「語言行為」能改善現有不足，為自閉症兒童提供一個更彈性和富活力的學習環境。

lambk

Olympian,你對言語治療的見解和分析很好！正是我地用家的心聲！

BKVIP

上面有家長講得無錯，其實好睇個st有無心。我搵到間好有愛心的幼稚園，而且st 也很用心設計課程，有時單對單，有時叫我仔邀請同學仔一齊玩遊戲，不過都是坐住的。i位老師又係好用心，在k2下學期已同我講k3 會改阿仔st 為小組模式，希望配合到阿仔進度，而小組不可能找i位小朋友，因為能力有距離，老師會找班內同學仔當玩咁開組，所以老師一早已睇到每個小朋友的需要，因小朋友能力去靈活制定課程目標。所以大家選在i位時，一定要親自了解每間i位提供到的服務，仲有感受下老師有無心。

Olympian

第一次聽有咁好的服務。小朋友都係鐘意同返小朋友玩。我都係幫仔找小組好了。

bearclub

原帖由 Olympian 於 14-08-10 發表
本帖最後由 Olympian 於 14-8-10 15:16 編輯

上了4年ST跟過幾個治療師，已熟悉他們的教授模式。成效低， ...

非常同意!! 由於我係無關愛基金嘅夾心階層，我一早已停了ST ……因為真係無成效，而且太貴。 每小時$600(最少)，我寧願同小朋友去一次海洋公園。