今日去協康做了評估

Tracymom

由於CAC的評估要排隊10個月，見完姑娘后立即去book協康評估，今日終于去做評估了。
結果是廣泛性發展遲緩+輕微自閉傾向
心理學家建議排S位，S位排到之前就輪E位。
當終于聽到S位，而且心理學家話我可以考慮，可以去參觀下S位學校先決定，雖然做足心理準備，但是還是突然感到難過。
S位學校系點樣的？查了一下觀塘祇有一家，好唔好都無得選擇，而且可能也會有排排隊。

shirleyley

我囝都係係一年前被診整體發展遲緩，立即被社工安排輪候S及E位，我記得個日簡直係我人生谷底，情緒很低落，哭了多天，不過最後還是要冷靜下來同先生商量往後的路，由於之前本身已有幼稚園N班offer,所以第一件便想到要快些讓小兒學識行路，否則連N班都不能上，先生停薪留職，帶他出外受訓，肯好真的趕及在開學前學懂行路；當小兒上學後，發現他和同齡小朋友的差別很大，加上周圍去做培訓，很花錢又疲倦，慢慢心態也改變，覺得真的應該要接受他讀特殊教育，這才是對他最好的安排，因為不想他坐在班房遊魂的虛度時間，這是他學習的黃色期，不可以錯過，到幾天前終於收到S位的offer，那刻百感交集，又哭了，是開心也是心痛的感覺，因為終於可以鬆一口氣但又真的要面對自己兒子讀特殊教育的事實，不過我相信這是目前對小兒最好的選擇，希望他可以透過那裡的學習有所進步。
我在這個論壇看到讀S學位的學生都有進步，所以也希望你能儘快調整心態，為了小朋友，拋下大人才要的面子，讓小朋友得到應有的治療才是刻下最好的安排。

Tracymom

謝謝你分享經歷，可能是我心中總有那麼一絲僥倖心理在作祟，不過你說得對，當下甚麼才是小孩最需要的才是最重要的。不過c6話要瞞住99，估計据地無辦法接受。

legolas625

我仔仔也是整體遲緩+自閉傾向，排e+s，2月開始pst訓練，有進步，雖然可能無一般小朋友咁叻，但已經catch up，最大障礙係語言(21個月少量單字，但明白和肯做指令)，小肌肉已操到合格，早d訓練幫助好大，加油

我1月知道排s位後，心情好差，用了2、3個月才令心情平伏，要有過渡期，慢慢接受。

carmenkmlo

原帖由 legolas625 於 14-06-29 發表
我仔仔也是整體遲緩+自閉傾向，排e+s，2月開始pst訓練，有進步，雖然可能無一般小朋友咁叻，但已經catch up ...

其實，我們做父母最難受…
是知道自己小朋友發展有些障礙，
不像其他小朋友！

當我聽見小朋友有弱聽時,
心情久久不能平伏，很自責。

但正如各位所說，做父母先要接受現實，
積極為小朋友改善…
亦要懂得舒緩自己情緒！
我慶幸自己在此版找到同道人協助及分享。

當然，我現也有自私一面,
我未能全職照顧小朋友。
因為私人治療需要金錢，我也很熱愛現職…
所以很矛盾！

大家共勉勵！

namnamnamlolo

想知發展遲緩小朋友
大咗其實係咪會變返同正常人一樣架??
點解以前好似無呢d野咁既
因為我囝囝20個月未識講野 我都好擔心佢要搵專業訓練

waiwai2468

我唔介意係唔係入S位，當初我6299,C6他們一聽讀特殊幼兒中心十分抗拒，最重要係在小孩黃金時間比合適既治療給小朋友，過左就追唔番架啦！

Tracymom

評估之後三月開始排隊的言語治療也排到了，一周一堂，上課後在家中密密train，學回伸手比和望住講＂要＂。漫漫長路啊，另外有個協康的小組也通知我9月有位join。兩周前寫信book幼兒服務。密集未搞，費用實在太高，一個月6，7k，講緊成半人工。

chi_ma

回覆 shirleyley 的帖子

我想請問你仔仔評估時有多大?  之後有沒有中途唔讀N班?  開始排E+S又未排到時的真空期有上協康/STEP之類的小組密集訓練嗎?  

我囡26個月, 仍要單手拖住行, 未可以自己企.   識聽唔識講, 單字大概只有 '爸, 媽, 姐, 婆, 姨, 杯, 波, 包, 襪, 抹 etc.'  物件認知尚可, 指令時得時唔得, 好易分心, 顏色/形狀/排隊概念唔得.   現在自費上私人訓練, 物理治療,  是有進步, 不過上playgroup 都是明顯落後其他小朋友.  導師說囡囡未必需要S位, 不過我眼見她跟一般小朋友的距離, 真是擔心她在主流幼稚園的學習能力.  我們下星期見CAC醫生了, E/I/S各有不同, 也很影響找學校的部署.  很心煩.  

shuna

原帖由 namnamnamlolo 於 14-06-29 發表
想知發展遲緩小朋友
大咗其實係咪會變返同正常人一樣架??
點解以前好似無呢d野咁既

發展遲緩只係一個比6歲前小朋友好概括既病症， 如果佢有潛質， 訓練完會追得上同齡小朋友， 但如果先天有局限， 6歲評估時就知有冇智障， 所以無論點都係越細追越好。有大把家長因為面子同過唔倒自己嗰關， 白白浪費小朋友既黃金時間， 後悔莫及。

shirleyley

我囝係20個月大時做評估，即時開始輪候S及E位，因十一月要讀N班，所以我們即時搵了私人綜合訓練每逢一、三及五上午都要返，其餘時間集中訓練他行路，因為唔識行連N班都會冇得返；而到他22個月及23個月大時亦輪候到逢週四及週六分別於心橋、協康及耀能協會既綜合訓練。好彩趕及開學前學識行，所以照讀N班，而心橋則於開學時停了改為輪週六，至於協康的亦因一些私人理由到他25個月便停了；N班返了一個月讓他適應後又開始搵私人機構於逢週二下午做綜合訓練到現在。到他28個月時，又開始在保良局做物理治療及輪到逢週六在心橋做綜合訓練（耀能的一個於他26個月時因導師調動而停止了再輪候到現在還未有消息），然後到本月他33個月時收到S位的offer。
我囝現在仍是講bb話，沒有單字發音，未識任何形狀、顏色這些概念，現在可以自己周圍行但未識跑或跳，我囝讀N班前還有一思想法他不用讀S/E位，但開學後越來越看出當中的差別，所以也想通了，寧願讓他讀特殊學校在這黃金期調整好，他生來就是比別人慢，我想急也急不來，反正我們讀書後出來工作後便沒在意他人的年齡，所以唯有當他的BB期較長，他依賴你的時間比別的為多來安慰自己，如果硬要他留在主流，他及家人都會很痛苦又幫不到他，勉強冇幸福。當然讓他讀特殊學校，有些時候會感到痛苦，例如收到那封S位的offer letter的一刻真的感到從未試過的心痛，不過為了幫他也要忍忍喔～
有需要的話你可pm我，我們whatsApp 交流下，互相鼓勵下也可，最重要不要鑽牛角尖哦～

shirleyley

Add oil

Tracymom

明年本來是要上K1，我現在很猶豫仲要五要申請學券。你當年係點安排的？

shirleyley

我今年照樣申請了學卷，因為唔知幾時有S位，原本打算留在原校讀K1,因為真的負擔唔起出去上密集課程，所以同幼稚園夾好一週會有兩三天既下午到外面訓練，咁樣就冇咁重皮。
我之前打去問過政府熱線，如果有需要可搵社工申請延長學卷使用期，所以如果你同我一樣負擔不起又同學校夾到既話，就申請定囉。

hilzarie

我想問你地小朋友細個既時候有沒有跟其他bb不同？

LivedLee

請問一般幾耐先輪到S位？bb而家20個月……

shirleyley

其實視乎你選既地區在你之前輪候既人數、該年該區學額的數量、你選既學校次序以及運氣⋯⋯我排了一年，因有人放棄，所以先有得讀，我問過學校有人排先過我，但因他選校既次序不同，結果抽我囝讀先。

LivedLee

Shirley,想問同幼稚園係埋D乜？我的是十月尾龍B，有學校收左PN，9&10月要喺佢度讀special playgroup，想先試下，等囝囝可以同其他小朋友玩下。不過再升PN就兩睇，如果未輪到S位睇下有無得繼續上playgroup。我睇黎都要儘快同學校傾……