- 在線時間
- 796 小時
- 最後登錄
- 24-3-27
- 國民生產力
- 28138
- 附加生產力
- 19088
- 貢獻生產力
- 100
- 註冊時間
- 14-5-23
- 閱讀權限
- 10
- 帖子
- 8366
- 主題
- 276
- 精華
- 7
- 積分
- 55692
- UID
- 1539350
|
本帖最後由 小時了了 於 14-8-5 13:49 編輯
究竟我係咪怪獸家長呢? 唔理了, 怪獸就怪獸落去啦!!!! 以下我分享的可能係有少少怪獸家長行為, 如有不同意見, 不喜勿插, 謝謝先!
我較早前去二手教科書的店鋪, 帶埋阿女一齊睇吓中學生的二手書. 當時阿女對中史二手書好有興趣. 我見佢咁鍾意, 俾佢買返屋企睇. 當佢係度好認真選擇買邊本時, 佢每本評頭品足, 例如呢本有寫名, 佢會講本書係哥哥的, 又例如本書殘, 有筆記寫係本書度, 本書有間書及書內練習又有做, 佢會講呢個哥哥/姐姐都幾勤力喎; 又有啲書好新, 無間書, 無寫筆記而書內練習又無做, 佢又會講呢個哥哥/姐姐都幾懶吓......我同佢講, 若果日後佢啲教科書賣又或者免費俾人, 妳想人地講呢本書嘅姐姐勤力定係懶呀? 佢即刻講話勤力! 咁我同佢講咁妳上堂要俾心機, 做個勤力學生啦!
最後, 我買咗中史 - 中一及中二 (因為由原始人至唐宋咁上下年代), 世史(中文版) - 中三 (因為係講第一次及二次世界大戰, 阿女鐘意聽呢段近代史) 中文 - 中一 (阿女自己要求要買, 我無諗住買的. 因為本書係樂思出版社, 而佢間小學的中文書都係呢間, 佢要我買呢間出版社中文書俾佢). 同老闆講價後, 最後$50一本賣俾我, 共用了$200.
由於阿女最近睇書除咗知識性漫畫書外, 亦有睇 "國家地理:直擊大災難"呢本資訊性文字的書, (即是唔係故事性文筆), 咁我前兩日俾本中一中史資訊性文字的書俾佢睇, 原本我諗住佢只係睇 (好似睇國家地理:直擊大災難咁), 點知佢係做埋書裏面的練習. 另外, 佢又特燈揭開本書俾我睇佢改咗人地本書內的漫畫對白, 好攪笑. 我尋晚先至認真睇本中一中史, 有好多圗片, 每一個朝代亦有大約半版的漫畫講個朝代事跡, 同阿女之前睇嘅歷史漫畫書差唔多. 而書內的少少練習, 阿女竟然當中文閱讀理解咁做. 如果問題係問個人意見, 阿女又真係寫喎, 如果佢唔識, 佢又會寫 "不知道", 好攪笑. 總括而言, 本中一中史每版最多一半係文字, 另一半係圖片, 漫畫, 練習等. 我問心講, 本"國家地理:直擊大災難"仲多字同埋仲深過本中史教科書幾多吓 (如果以阿女依家情況).
我尋晚問阿女, 本中史書明唔明, 深唔深? 佢話明, 唔深, 有啲之前睇漫畫書有講
|
|