我囡這樣學典故/中史/世史/科學...等

小時了了

有一個 happy problem 想問大家意見, 今日8月1日, 阿女已睇咗差不多一半7月書展買嘅書及6月時係台灣網上買嘅書, 餘下一個月暑假, 應該兩-三星期就會睇晒啲書, 唔夠書俾佢睇, 點算好? 買書買到破產啦! 想問好無由今日開始行 "配額" 制, 唔好俾阿女追書睇而咁快睇晒啲書? 抑或星期六日同佢去圖書館借?(靜靜雞講, 我及阿女個人喜好鍾意本書係買嘅屬於自己, 可以時常翻睇, 同埋本書新及會自己愛護多些)

以前未試過咁, 因為以前暑假係做補充 Exercise, 係今年先至用閱讀法, 點算好?

小時了了

Olympian 發表於 14-7-17 16:18
你個女幅畫好搞笑，有點男仔風格。我都想比仔睇你介紹的兩本書。我個仔快6歲愛打打殺殺，死人冧樓的書。睇 ...

"國家地理：直擊大災難"，阿女差唔多睇完, 佢都幾鍾意睇. 其中一篇一小段提到有個諾貝爾獎得獎人係香港培正中學讀, 阿女又話要讀培正喎! 如果佢入到培正我都想, 希望佢一直 keep 住咁嘅上進心就好了

saetang

回覆 小時了了 的帖子

感謝你開呢個 post 黎分享!  

好犀利喎! 咁快就睇晒咁多書! 但係其實囡囡每本書係唔係只睇一次? 如果係, 佢能否做到過目不忘? 會唔會考慮叫佢重睇一次呢?

難得囡囡肯追書睇, 如果你依家實行 "配額制", 會唔會有可能磨滅佢既果團火呢?

我個人就覺得先去圖書館借書睇, 假如有d書真係好好睇、值得收藏既先至買。始終買書及去圖書館借書各有好處, 要取捨一下!

小時了了

saetang 發表於 14-8-1 13:18
回覆 小時了了 的帖子

感謝你開呢個 post 黎分享!  

唔洗客氣, 我都係上黎吹下水啫, 您喜歡咪睇吓呢個 Post, 無興趣咪路過都 OK 架!

您嘅意見都有道理, 我再想一想先.

又再介紹一本書, 阿女依家睇緊, 去年尾我係商務定係三聯書局買, 好好睇的一本書, 啲相影得好靚. 因為用相片講解天氣及雲去預測天氣, 阿女睇得好明同埋佢真係分到不同的雲, 呢排佢亦會無啦啦講今日係XX雲, 真的, 用興趣去學習學得好快同埋好多.

雲圖鑑
http://www.books.com.tw/products/0010234931 Click 內容試閱
http://www.kingstone.com.tw/book/Book_Page.asp?kmcode=2013280013231

★榮獲第31次中小學生優良課外讀物推介
★榮獲第54梯次好書大家讀推薦-知識性讀物組
★入選98年教育局「兒童深耕閱讀」書單

晴天、雨天、颱風天，看雲就知道！

玉山氣象站觀測員
謝新添◎審訂

臺灣大學大氣科學系助理教授
林博雄◎推薦

《雲圖鑑》是觀賞天上的雲與天空最佳的工具書。本書以雲出現的高度做分類檢索，讓您依照眼前雲的高度作簡單的辨識，並告訴你眼前雲的特質與形成原因，甚至可能是即將而來的氣候轉變，讓您看雲知天氣。

本書搭配300多張天空照，精采呈現天空80多種雲彩變化，讓您盡觀天空的多樣景致。

saetang

話時話，您囡囡每本書係唔係只睇一次？您會唔會要求囡囡每本書睇幾次，以加深印象？

小時了了

saetang 發表於 14-8-1 14:45
話時話，您囡囡每本書係唔係只睇一次？您會唔會要求囡囡每本書睇幾次，以加深印象？



  ...

會, 佢會再翻睇的. 我唔想好似迫佢咁要佢記及背晒啲內容, 好慘的.

佢都好多時翻睇係隨意的, 佢翻睇得最多次數係大偵探福爾摩斯, 之後就係之前介紹的漫畫了. 所以如果圖書館借, 佢就無得翻睇了.

blue2014

回覆 小時了了 的帖子

好多謝及感激你的分享,  請問小朋友今年九月先升小一,  想睇下歷史書, 應該由邊幾本開始呢?

saetang

我個女又係對「大偵探福爾摩斯」百看不厭！至於其他書，佢睇完一次就好少會再翻睇。

Olympian

小時了了 發表於 14-6-8 19:04
1) 漫畫中國歷史- 秦朝興亡/開疆拓土的西漢 etc

出版社:中和出版 http://www.hkopenpage.com/book.aspx?k ...

而家先睇到你有咁多好介紹﹗我鐘意中史那套漫畫，我自已都想睇﹗

小時了了

blue2014 發表於 14-8-1 15:15
回覆 小時了了 的帖子

好多謝及感激你的分享,  請問小朋友今年九月先升小一,  想睇下歷史書, 應該由邊幾本 ...

我個人愚見帶您小朋友去大型連鎖書店 如商務，三聯，大眾等俾佢親自睇及揀。其實無講睇邊本先後，之前我女睇電視劇 "三國"，對三國的事跡最感興趣。之後我就順歷史時序，買夏商周，春秋戰國.............咁樣買呢套中史漫畫俾佢睇。書展時我都買咗新出的魏普南北朝。

王家爸爸

小時了了 發表於 14-8-3 06:42
我個人愚見帶您小朋友去大型連鎖書店 如商務，三聯，大眾等俾佢親自睇及揀。其實無講睇邊本先後，之前我女 ...

春秋戰國的歷史較為複雜。也可以考慮先看中央電視台十幾二十年前製作的春秋戰國電視劇。

blue2014

回覆 小時了了 的帖子

好的, 會嘗試！希望佢會自己㨂到！

S-Kwok

我見而家有好多書都係以漫畫形式出現，如科學概念，歷史等。有時，我好感概點解會變成咁，但事實又係咁樣會吸引小朋友去讀，令我覺得好矛盾，都唔知比唔比仔仔睇好，又驚佢睇完唔鍾意睇chapter book或其他非漫畫嘅書。

Olympian

今天買了本奏朝，有帶仔去，佢之前睇左三國，所以佢都話買。剛才自己睇時覺得深，雖然字少，但感覺比三國難。其實我細個十分討厭中史，因為要背好多書而我背書又唔叻。而家反而想學返，好在有漫畫，睇書一定冇心機：p

Olympian

有好有唔好啦。其實我一向對漫畫冇興趣，總喜歡書本密密麻麻字。幾年前買了一套兩本的三國（自己睇），好堅持也只看了半本。最近買了三國漫畫讀比仔聽，我地一齊睇左兩次。我覺得d深的野睇漫畫容易d。

longlokma

以前我們小時候可以從电視剧了解歷史或武俠经典小說，这是很好的文、史、哲學習入門方法;   但现今孩子小看电视，缺乏基本概念認知而要直接從文字去理解歷史或经典文學，那是相對困難的，所以我绝对同意讓孩子從漫畫歴史、史记、三國演義等等入手，待孩子有基本了解再看文字甚至原著版本，才可令孩子真正得益。


另外，推介蔡志忠的漫畫文、史、哲系列書籍，成人阅讀也有很大得着

小時了了

longlokma 發表於 14-8-3 15:06
以前我們小時候可以從电視剧了解歷史或武俠经典小說，这是很好的文、史、哲學習入門方法;   但现今孩子小看 ...

有見地。


"蔡志忠的漫畫文、史、哲系列書籍"- 之前一個月係商務定係天地之類大型書店見到蔡志忠漫畫"論語"定"孟子"，我睇過都幾好睇同埋都容易明，但因為我已買咗其他的漫畫版，所以無買。

小時了了

longlokma 發表於 14-8-3 15:06
以前我們小時候可以從电視剧了解歷史或武俠经典小說，这是很好的文、史、哲學習入門方法;   但现今孩子小看 ...

係呀，電視劇及電影係好好的學習捷徑及引發興趣的動機。


舊年我有一晚係屋企同老公及女睇 N 年前（我都未出世）的奧斯卡金像獎得獎戲碧血長天 (The Longest Day) https://www.youtube.com/watch?v=nqFn_pM5QxU ，睇戲嘅過程雖然阿女有唔明及不斷發問，但阿女竟然好精神又唔悶咁同我地睇完。之後我無意間聽阿女同老公傾偈，原來老公部電腦有下載一個 online game，畫面同諾曼第海岸登陸的好似，而老公有教女點玩，我後來先至知唔怪得阿女唔悶啦，原來打遊戲機有接觸了。後來，我當然罵我老公俾啲咁野俾女玩，老公之後亦剷了那遊戲。


今年2014 年6個月係第二次世界大戰諾曼第登陸70週年，之前好多新聞都報導及紀念，阿女竟然有一晚話想睇返這套戲，今次阿女睇又明好多了，又鍾意世界歷史多一些了。因為當時好多新聞報導及回顧，我女不知不覺咁吸收咗。


就係因為呢套戲阿女對世界歷史有興趣，我先至買之前的帖提到的有關世界歷史的書給阿女睇。

小時了了

S-Kwok 發表於 14-8-3 09:22
我見而家有好多書都係以漫畫形式出現，如科學概念，歷史等。有時，我好感概點解會變成咁，但事實又係咁樣會 ...

坦白及真心話，呢排我不時都諗，我呢個帖，我會唔會係太誇張呢？太進取呢？又會唔會太怪獸家長呢？我真係唔知，都有疑惑！！


之前我都有您呢個擔憂，唔想阿女睇咁多漫畫，因為之前(小三前) 阿女睇書只係睇喜羊羊，黑貓白貓及什麼尋寶記這些系列的漫畫書，無睇過亦唔肯睇中文文字書，雜誌就睇好多（我另一帖有提我女小一開始睇咩雜誌），英文書亦係去年暑假由story box 雜誌開始。帶佢去圖書館，佢都只係睇喜羊羊漫畫，學校借書又係喜羊羊及牛仔。去年暑假買咗本希臘神話及小王子的文字書，本來要佢自己睇，佢郁都唔郁，我試過睡前講希臘神話本書的故事，佢好鍾意聽，但係都唔肯自己睇，係都要我口語化講故事俾佢聽，我當時真係好無奈！


去年阿女升小三啦，佢咁樣睇書法點得架！我不斷諗計希望佢自己睇多啲字的書，而轉捩點係一本基督教書 "天路歷程"。我去年8月同時買了一本漫畫版（俾佢自己睇），一本繪本版（俾我自己睇亦用來引阿女睇）。如我所料，佢又係只睇漫畫版，而佢好鍾意呢故事，佢竟然係該個月不停翻睇大約有7至8次之多。由於漫畫版與繪本版人物名稱及場景名稱有唔同，我該個月睡前故事同佢一齊睇呢本書，我會揭開我本書係點樣點樣寫，佢慢慢睇我本書一版，之後又一版，再之後佢自己主動攞咗我本書來睇，阿女因為這本書開始睇有句字的小量文字繪本版。


另一轉捩點 "大偵探福爾摩斯" 呢本書。由於阿女去年小三才訂閱兒童的科學雜誌，而雜誌內有大偵探福爾摩斯故事，去年尾有次同阿女去商務睇書，佢第一次要求要買"大偵探福爾摩斯"呢本書，我當時隨意揭來看看，竟然係文字書！我當時心底裏不知多高興！後來，佢每次去書局佢就會要求買不同集數的，我當然絕對配合啦！由於阿女開始願意自己睇文字書，之後呢大半年阿女睇的知識性漫畫及有教育意義的文字書，知識真係廣博好多，我係前面的帖已同大家分享佢睇嘅書了。


我都唔知我咁做是否正確，係咪太怪獸家長? 我都係學緊做人阿媽，摸著石頭過河。

ILoveCinderella

睇完呢個帖, 真係獲益良多!

我都同樣有個疑問, 究竟用漫畫學知識, 是好是壞?