請問入住澳洲寄宿中學注意事項

rap

回覆 chmama327 的帖子

知道，吾該哂！！我兒舊年開始已抗拒用字典及快譯通（之前用開）等。因他用電话代替唒，雖然不好，但他巳習慣了。無奈！
本來想帶notebook過去，因他校電子書及網上教學，沒有课本及必须租借學校的laptop上堂因已下載了所有教學才料。校方說不需要带notebook or lap top.因可能有抵觸不能全部下載。所以他只帶２部電話過去。校方在上堂，做工課及温習時段提供有限度wifi及internet service。

rap

請問由香港到澳洲開學，需吾需要買旅遊保險，如不需要，他的行李及行程有甚麽保險可保障？可買呢？

achow

你地好,
小兒會在10月過Adelaide讀Year 8, Term 4. (這個月純綷比佢適應環境)
Agent 話可在7月左右才開始做Visa
10月我和老公會陪佢過去

由上年起有這個決定開始，已經忍唔住不定期喊，我同自己講為佢好,我要放手。但不竟對住佢已經13多個年頭，每日有講有笑有份享，一時三刻好迷失，好失落。一邊擔心佢在那邊適應問題，二來是第一次讀男校，怕會比人蝦等。
但係佢面前我又要做個Positive 媽媽。希望一切順利，我能控制好自己情緒。祈望仔仔能盡快溶入當地生活，愉快學習成長。

Karenauyeun

其實有冇特別原因點解咁早俾細路過澳洲讀書, 會唔會15, 16歲定性啲先過去好啲呢?

rap

回覆 achow 的帖子

Hi achow，你兒去澳洲的東西凖備唒未？其實我們做家長在這段時期，真的很難捱。一方面在面對孩子要堅強及正面，但另方面自己就十萬個吾拾得。而內心就常對自己說放手、放心及放下。每天都週旋係內心挣扎，十分難頂。尢其在呢二，三個月更甚是！！現在唯一支柱是明天會更好。天下父母心，共勉之。

achow

Karenauyeun-我相信每個孩子係父母心目中永遠都是一個長唔大概小孩，所以無論幾多歲父母都係唔放心。我想早點去，愈細愈早適應，愈易溶入當地文化。

rap: 好似乜都未準備，唔知有乜好準備，每日諗到乜就做乜。
因為第一年，所以一有break 我就會比佢返港，等佢易喲習慣。謝你的開解。

CFHung

我大仔在melbourne读了半年year 8.以我經驗應早d去適應，因澳洲year12的公開试不是易考，要早d準備打好基礎。

chmama327

回覆 achow 的帖子

Hi achow and rap, 我早排每朝一瞓醒唸到個仔就黎不會時常在身邊就成個人好down, 係人都睇得出我好愁，又冇胃口食野。後來發覺再係咁落去恐怕會屈到病，同朋友傾下會舒服些，同埋對自己講事到如今要輕鬆面對，阿仔又會初初兩個月就放假返香港，加上若果他在那邊讀得開心和開始識得獨立，其實我應該開心至真。相信大家一直都放了很多時間和心血在子女身上，一時間沒有他們在身邊，真的有d空虛，但希望我們做媽咪的都要好好愛啺自己，條路重好長，我地要一路和子女同行。唯有同自己講，船到橋頭自然直，不必再擔心想得太多。

achow

Thx chmama 327. Yes everything will be Ok and I am sure he will be more happy in Australia.

rap

剛剛同小兒放暑假旅遊回來，盡情玩樂，—切牽掛都忘記。現可以迎接７月中出發啦！另小兒已開始投入澳洲文化，在旅行期間世界杯竞然追看澳洲隊賽果，又上網查球員資料，做足功課。睇來我相信他會很快投入澳洲生活。免卻擔心。

chmama327

回覆 rap 的帖子

我個仔都話近排特別留意d人講澳洲的事，看來他們都期待著新學校生活。我們就keep住d正能量去支持佢地啦！

rap

回覆 chmama327 的帖子

Hi chmama327, 看來我們的小朋友比我們大人成熟，已懂得甚樣去適應新文化及生活，於接受挑戰，不退縮。我們應信任他們，不應再無謂的憂心啊！
，

chmama327

回覆 rap 的帖子

rap, 除了學校的醫療保險，你買了其他保險未？我就買左一個海外留學保，如需要可PM資料給你。

rap

回覆 chmama327 的帖子

Chmama327: 除了指定的學校保險有買，海外留學保險沒有買，但在香港有買住院及現金保因包在family名下，我問過保險agent ，他說全球性可保障。另有買今次單程旅遊保（包三天），因行李多又要機，怕有閃失。你有買海外留學保險，煩請你pm我一些資料，等我參考。謝謝。

chmama327

回覆 rap 的帖子

rap, 我已PM資料給你

rap

回覆 chmama327 的帖子

Thank you Chmama327.等我硏究下先。你好似仲有兩星期就出發，祝你一家人一路順風，事事順利。囝囝開開心心迎接新的校園生活。

chmama327

回覆 rap 的帖子

Thank you rap! 係呀，再過兩個多星期我們就出發了，今日開始pack喼，因買埋羽絨被和枕頭過去，要三個大喼至夠。我亦祝你們一切順利，囝囝開心愉快地亨受新的學校生活

rap

回覆 chmama327 的帖子

Hi chmama327,  今天agent 提我要埋針咭資料過去，因學校需要防疫針纪錄及打過甚麽針等等。吾知你那邊是否需要，不過打埋過去穩陣Ｄ。祝—路順風。

chmama327

回覆 rap 的帖子

多謝提醒！提埋過去隱陣d ！

chmama327

回覆 rap 的帖子

Hi rap, 相信你已經返港，你兒子的情況好嗎？相信他一定好快已經融入學校生活。我兒子比我們預期適應得快，知道他在那裡愉快地學習和過著群體生活，我們離開的時候沒有多大傷感。