直資收了,但女女自行一間學校有面試信....

瑤瑤豬

直資收了,已交了學生資料表,但女女自行一間學校(tko)有面試信,而我女女好鐘意呢間中學,我應該點選擇好....第3次呈分星期四先考,未知成績如何,第2次呈分全級banding失左手,跌得都好犀利下,好驚入左b3學校,請大家俾d意思我....

charmandwilliam

回覆 瑤瑤豬 的帖子

咁她似有D危喎。同囡囡好好討論一下

瑤瑤豬

回覆 charmandwilliam 的帖子

佢性格較任性,分析了好多次,我怕將來入左直資,佢會唔開心

esmond88

不如你開埋两間中學名，大家幫你分析一下。

fionakong2008

我以放棄咗直資呢一刻嘅身份，先同你講一講我嘅感受，我.....係有點後悔的，而家呢一刻好唔實在，掌握唔到，面試不似預期，成績也無把握，因之前顧住比賽錯過咗一啲堂，我們呈三也未考，我女兩邊都鍾意，最後只選遠近。，已有心理準備跌落b3時叩門準備，問題係，跌b3時，甘心嗎？有好朋友曾勸告過我，要知自己籌碼有幾多

瑤瑤豬

esmond88 發表於 14-3-25 11:31
不如你開埋两間中學名，大家幫你分析一下。

一間慕德,一間甲子年,慕息我地無去到,因我地已經定左,唔想再煩,但點知女上次起學校問班主任(相信同學影響),以佢既banding入甲子年可以嗎,班主任答佢,以佢成績一定無問題(因對上一次考試好似上左身咁,全級60-70),所以女今次咪好有信心,覺得自己係可以

瑤瑤豬

fionakong2008 發表於 14-3-25 11:38
我以放棄咗直資呢一刻嘅身份，先同你講一講我嘅感受，我.....係有點後悔的，而家呢一刻好唔實在，掌握唔到 ...

可以講下點解會咁嗎?

瑤瑤豬

我就係唔甘心跌落b3, , 諗到一個方法唔放棄直資,照面試,到時再扣門,若收的話,就留直資攞番學生資料表,唔知work 唔work呢?

charmandwilliam

回覆 瑤瑤豬 的帖子

四月中就要填教育局的收生資料表，你只可填參加政府遊戲或直資學校名字，不能兩者也保留。但可以先填直資名字放棄自行，再到時扣門，但自行學校如查資料便會發現你放棄自行收生。

Classroom

我自行都有3間要見,但因決定了直資,所以只去了一間最近家的學校面試,其餘兩間都放棄去見。比小朋友感受下津校的面試模式。

Classroom

妳不是決定了直資嗎？為何又三心兩意,看妳分析女兒的成績,好似有點擔心。如妳放棄直資,萬一派去band3, 再叩門,可能更徬徨。如妳參加抽獎的話,等如賭博, 到時真的看彩數了。但最終都要與女兒傾下佢的意向及分析形勢給她知道及最終可能的結果。

extra369

自行只可向兩間中學報名

moniquechoy

樓主請不要介意, 看完全部回覆, 請細心想想, 你自己都話
"以佢成績一定無問題(因對上一次考試好似上左身咁,全級60-70),所以女今次咪好有信心,覺得自己係可以" - 即佢平時連60-70 都考唔到, 最多最多是BAND 2 生, 一個唔好彩, 有可能BAND 3 添.  所以你點保證佢今次KEEP 到呢? 還有名次這樣事情, 是相對的. 你保住分數, 但同學有進步, 你名次都會低左.  還有有好多BAND 2 學校, 在自行是極度不願意收BAND 2 生的. 因為有不少數BAND 1C, 但懶懶地既同學都會考慮一間名聲, 校譽好的中學, BAND 2 收40個, 最鐘意收這些, 底子唔差的. 所以一般的BAND 2 生都是要去抽獎 (當然你自己報BAND2 尾就例外啦), 一個NUMBER 唔好, 去BAND 3 都未定. 所以有直資收, 報到左先啦!

瑤瑤豬

goodboy1 發表於 14-3-25 12:05
你指呈一 全級60-70名, 老師已經跟你們分析選校嗎? 之後, 呈二突然跌watt, 所以進退失據? :questi ...

yes.進退失據,老師無分析過,只係俾女女意見

瑤瑤豬

charmandwilliam 發表於 14-3-25 12:13
回覆 瑤瑤豬 的帖子

四月中就要填教育局的收生資料表，你只可填參加政府遊戲或直資學校名字，不能兩者也保 ...

學校知道了放棄自行收生,係咪會影響扣門結果架?

瑤瑤豬

Classroom 發表於 14-3-25 22:20
妳不是決定了直資嗎？為何又三心兩意,看妳分析女兒的成績,好似有點擔心。如妳放棄直資,萬一派去band3, 再叩 ...

唉...我都知博唔過,但見到女女可憐既樣,個心就軟曬,唔想見到佢唔開心

瑤瑤豬

moniquechoy 發表於 14-3-26 09:26
樓主請不要介意, 看完全部回覆, 請細心想想, 你自己都話
"以佢成績一定無問題(因對上一次考試好似上左身咁, ...

我唔介意呀,我願意接受正面既分析,多謝你,我分析過tko 既學校,就算我女女今次呈3 keep番 呈一時既成績,佢亦未必會入到b2學校,所以我唔會博了,再諗辦法睇下點安慰 佢,

charmandwilliam

回覆 瑤瑤豬 的帖子

好取決於間學校點體，如果小朋友成績好勁，佢地梗係無所謂啦，但如果大家成績差不多，就要考慮你會唔會考幾間，用佢做後備。有D學校見如果你放棄自行，就當你無填過，無得扣。