屋企真係負擔唔起, 只可以一樣平的, 學乜好?

doneoneoneone

只怪我地兩公婆搵唔到錢, 交租俾家用之後, 真係唔多錢剩, 想俾阿仔學多少少野, 數學同音樂, 呢34個月已經好辛苦.
我地計過數, 每個月最多只係得幾百蚊俾個仔學野, 如果係咁, 大家會俾佢學乜野好? 英文, 數學定音樂?

LeeCC

小童群益會的課程有好多，比坊間的平好多

mb2

請問你小朋友幾大 ?


如只計數學或音樂， 個人覺得太細的小朋友不用出去學數 ， 自己都教到。 買些練習比佢做都得  

反而如音樂有興趣的話而父母又唔識，就要出去搵人教 。

MrBeast

Choir, 唔洗買樂器

一人之下

小朋友幾歲?我小朋友三歲幾，只學游水。我覺得身體好最緊要。英文就睇乎你有無能力教，如果自己吾得就要揾人教，我仔就自己教。音樂都好，要睇小朋友有無興趣，如果無，勉強無幸福。

Radiomama

如果只係小學生，可以什麼也不做。有時間就鼓勵上圖書館借書，大量閱讀。

yukimum

如果選音樂，去音統署網頁留意的課程招生日期，可比坊間外面便宜些

camomile00

英文，o係圖書館借書大量閱讀，淘英文卡通片比佢睇，可訓練英文聆聽同學生字。
音樂，如果有信教的話，教會有junior choir同樂理班果D，學費好平。
數學，小學生數學應該唔難，可以買教材自己教同練習比佢做？
其實小朋友學野，唔一定好貴。識揀的話，都可以好平。

zhuzhu

康文署D課程都Ok架.

neverstop

咁細個唔洗學住，多D同佢玩，
得閒帶佢去多D地方見識，
儲備資源比佢小學開始上自己有興趣既真正興趣班

hagupit

回覆 doneoneoneone 的帖子

工聯會都好平, 仲有好多非牟利機構都有好多小朋友既課程, 社區中心, 康文署等等, 去搵搵.

Jane1983

小朋友幾歲？邊區方便？教育小朋友系心機野，吾系只講錢。

細細個，自己系屋企教，看看書，大d再就他的興趣培養。九龍何文田路德會、保護兒童會等都有幾好的課程，你上網看看啦！

LeeCC

這個年紀每天去公園玩，有草地的更好，去圖書館讀書給他聽，圖書館每星期有故事時間，帶他參加

放假帶他去科學館，文化中心看免費節目
動植物公園，九龍公園，香港公園有動植物看，免費

有好多野可做

MrBeast

LeeCC 發表於 14-2-8 12:53
這個年紀每天去公園玩，有草地的更好，去圖書館讀書給他聽，圖書館每星期有故事時間，帶他參加

放假帶他去 ...

Agreed, 就算搭巴士時都可以discuss 好多野，eg, 黃色方格是做乜，點解一些路是double white, 一些是Hur 缐，不過library 的故事時間就麻麻，自己講好過。

Jane1983

回覆 LeeCC 的帖子

對，逢星期三科學館個歷史博物館等免費。
都可以去香港公園玩吓沙、觀吓鳥、研究不同植物！

teambuilder

童子軍，恒生乒乓球，音統處; 另外芭蕾舞都係七八十蚊一堂，仲有空手道果d都唔會太貴。

wpmama

學音樂不要去工聯，有人說工聯的老師grade 5未有. 試過音統的班，老師有保證，學費不貴.