請問做大B好還是細b好？

fion_yinyin

回覆 fabsum 的帖子

我從來無灌輸大細B呢種concept俾小朋友，眼見現時既風氣係刻意俾bb做b大，然後就去in 低一級既幼稚園，為的就是要提升"人造"﹙一定要加"人造"，以免引起誤會﹚大b入讀既機會。就算就係入到心儀幼稚園，係時間多一年既後果定係真係小朋友既資質好呢？真係有個感覺係入到唔「馨香」

fion_yinyin

回覆 fion_yinyin 的帖子

我咁講可能得罪左好多大b既父母，但好多時想bb做"人造"﹙一定要加"人造"，以免引起誤會﹚大b不外乎都係想bb有較大機會入讀心儀幼稚園，希望"人造"大b不落後甚至叻過人吧。但「大人一年叻過人」這個情況是否一定會發生的呢？若真的發生，真是覺得是bb資質特別高嗎？若大人一年只跟其他細b進度一樣又代表甚麼？最後我想提出父母要對自己子女有信心，細b能力不定較差，而且到小學時的差距已經是微不足道的了。

charbabies

tam_bb

原帖由 fabsum 於 14-02-23 發表
本帖最後由 fabsum 於 14-2-23 00:43 編輯

agree! 同埋，其實做大B，好多時唔係家長想的！年尾出生的細B，在現今競爭嘅年代（雙非 ＆ 高出生率），跟本好多幼稚園都唔prefer收佢哋！學校大把大B俾佢哋揀！呢批細B，唯有等下一年做超大B再考k1。而客觀事實係，很多大家心儀的幼稚園（例如pc），收咗好多超大B、大B！依家呢個年代，係學校決定你做超大B定係細B！

fion_yinyin

請留意"人造"二字。一定唔會間間幼稚園都有一致既收生年齡限制 law，有d cut 到八月尾，有d cut到9月尾收表，有d接受某一年一月至十二月既小朋友。有陣時做大b or 做細b除左講到咁為世所迫外，父母都可以係入紙時選擇只做大b or 細b吧。
至於某些幼稚園，如果係超大b同細一年甚至兩年爭至入到就更加唔馨香啦。

fion_yinyin

再者，有好幾間較多人報既幼稚園都會收表至十二月既小朋友，而每年班中總有十一月或十二月出世既小朋友。所以呢個世界總有自主權的，只在乎父母如何選擇or是否只是抱著某一幼稚園非入不可的心態。

siufung

我相信大部份家長安排小朋友做大B，並非一心想做大贏家，只是怕細B能力不及，距離影響他們自信心和學習興趣....當然，有部分細B發展成熟，跟得上有餘，什至以細B身份亦輕易考入心儀名幼...這當然很令家長自豪...但小朋友發展和潛能無人可估計，今日精靈的早熟細B，未必以後也keep到，同樣地，即使是超大B，今天如領先，日後亦未必。我們著眼不應在比賽大細B的表現，而該以孩子福祉作出發點。

ChanSiuTung

我個女都係11見出世 亦打算做大B  做大B吾係想𧅥香D 而係佢咁細就要競爭 吾好講個細 做父母都好大壓力 你估家陣讀書真係只關小朋友既事咩 做家長都要有負責任去幫助佢地  遲一年先讀 起碼小朋友有好既心理狀態先去競爭

fabsum

fion_yinyin 發表於 14-2-23 16:55
回覆 fabsum 的帖子

我從來無灌輸大細B呢種concept俾小朋友，眼見現時既風氣係刻意俾bb做b大，然後就去in  ...

做大B或細B就好似半杯水問題，睇你點睇，我會樂觀正面方向睇，是細B的恩賜，有多條路你揀，家長最後都是按小朋友的際遇及能力而選擇，那又絕對的錯與對?

你可以覺得大B係大人一年，你亦可睇成同一月小朋友差一二個月而已，provide that 小朋友係適齡學生，學校的收生年歲又符合，合情合法，又咩問題呢?不要以2011 同2012 呢8個數字局限你，2011 年12月同2012年l月出生小朋友比只相差一個月，不可說成小朋友讀早一年就對，讀遲一年就係怪獸，等於局限自已30歲前要結婚生仔，要點要點，set.左個框框比自已，係..大部份人條路係這樣行，但不可講成吾跟框框既係錯，做了幾十年人後你會發覺讀遲一年是件微不足道的事情。


我有個朋友係協恩做，女兒入硬協恩小學(不是讀協幼)，她女兒11月出世，最後佢決定俾她女兒讀多年k3, 你會話入硬都repeat ? 係law ..人人case.吾同，家人最清楚，最終都係以小朋友福祉為先。


覺得你講吾「 馨香」難聽令人難憾，你就偏在不同回覆下再講多兩次，我都冇咩野好講了，做大B及細B吾係最重要，小朋友品德培養，做人有「品」先係最重要!

fion_yinyin

選擇做細b就係set 框框俾自己？咁難道做大b就唔係set 框框俾自己？
好多父母係未開始讀幼稚園前就已經要個仔女做大b，其實有無諗過俾d更專業既人，例如幼稚園老師去做決定？如果做左細b後，老師話唔ok至再做大b吧。好多時呢個年代d父母過份緊張，驚個仔女呢樣唔得，0個樣唔得，樣樣都未俾仔女試就做哂所有決定。香港法定適齡入k1係2歲8個月，但怡家往往2歲8個月走黎入讀pn。唔係講緊差一、兩個月既問題，而係講緊個小朋友用多左一年時間讀低一個年級。諷刺的是，perfer 個仔女做大b既父母可能係屋企已經﹙沾沾自喜咁﹚教哂A-Z同1-10，個小朋友入到學校一係學返同一樣野，佢可能會覺得悶，你又知唔知？

大b既然好似有好多優勢，咁係咪in 親幼稚園都收？我眼見就唔係law。相反我覺得大其他BB一年唔收至應該係預料之外。

siufung

不要著眼年齡與能力的比例，1/1出世應份有100分，12/31出世有100分就是神童....早一年的9-12月超大唔考第一就冇鬼用....根本咁細個，發展未定，除了天資，性格亦好大影響。超大B考不到心儀大有人在，但又是否說明他們差勁呢？可能是發展未到位，又可能是性格慢熱怕醜在面試中未能發揮。譬如博士畢業生事業成就不及中五生，可以說該中五生叻、際遇好，但未至於說博士生唔“馨香“。小女是大B(2月)，考K1成績都很遜色，我從沒懷疑過她能力，這個戰塲內實在有太多不可預計的變數，總之家長都是選最好的路給孩子。

fion_yinyin

個post係回應緊樓主既選擇，其他天然大b無謂自動的對號入座。樓主你個女年尾出世，女兒性格活潑好動，又肯周圍聊人玩，用不著做"人造"大b。出年應該可以fight低好多大b，入到有心儀k1。

siufung

其實只是討論一下，集思廣益，每個人也有不同意見或論點，不是“對“也不一定是“錯“。而且“甲之熊掌、乙之砒霜“，在選擇自由的地方，參考了別人意見，盡量下無悔的決定則可。

chiyin8

回覆 fion_yinyin 的帖子

我女九月頭出世, 但佢係早產佐3.5mth, 發展等於12月中-尾, 想佢做超大B, 是無奈, 不是我們家長的選擇, pn老師開到聲要我們慎重考慮留班, 不是每個小朋友發展都好似你們的咁快咁正常, 請大家多d體諒

chiyin8

回覆 charbabies 的帖子

我女早產3.5mth, 可能要被逼做超大b, 是無奈, 邊個唔想做又聰明學野又快的細b...

ycmcns

我係2011年細b,以細b身份in到一間pn,舊年再以大b身份in。結果in到以細b身份入k1有兩間，其實我都有再用大b身份in心儀的pn但唔得，有老師話其實超大b因同其他相距太遠，所以有得揀都唔會係首選，所以我建議你大細都報

MrBeast

chiyin8 發表於 14-2-24 21:54
回覆 fion_yinyin 的帖子

我女九月頭出世, 但佢係早產佐3.5mth, 發展等於12月中-尾, 想佢做超大B, 是無奈, ...

早產B有可能頭幾年發展比full term 的慢，in ur case, 我會建議你follow 老師的advice 做大B，不過現時早產B有不錯的support ，到k2你可試考小學，有good offers 再考慮跳一級上小一，冇就當攞個經驗。一位官津小學老師同我説：其實上到小學會發現有不少大B(佢係咁同我講），no big deal.

藍藍媽

成日都見到d做大B定細B的  post... 見到好多人話做細B令小朋友從小無台信，影響一生…… 作為中細B的我(8月出世)，從未經歷過大家所講的無自信，由k1 開始已名列前茅…… 所以看到有些家長堅持做細B不好時覺得好誇張…… 另外，我想share 下我細個學跳舞時被迫做大B的感受…… 當時超唔開心，点解我唔可以上高一班…… 亦的確有網友所講的"就算做得比人好都唔馨香"的感覺…… 後來被細B追上後更毅然放棄再學了…… 所以，細女的家長們，如小朋友能力不是特別差，不要强迫她們做大B…… 看能力決定做大定細啦！

chiyin8

回覆 藍藍媽 的帖子

你放心, 我相信唔多家長會逼自己小朋友做大B, 每個小朋友發展唔同, 你未必完全明白

charbabies