欲港島東轉大埔區

Woomingling

如這樣轉區會否降band?因本人對大埔區中學不太了解。先謝謝大家意見。

YuYuMother

Woomingling 發表於 13-12-30 11:57
如這樣轉區會否降band?因本人對大埔區中學不太了解。先謝謝大家意見。

  ...

轉區 banding 升定跌真係無人好肯定咁答到你，但我可以大概講講大埔區中學情況。如你有多少少資料例如貴子弟讀邊間小學水準如何可以大家參詳下。樓主你係咪搬屋所以轉區呢？

基本上大埔小學水準不俗，有好幾間可以頭70-90名都係 band 1。當然，要同油尖旺或九龍城強區比較可能尚有距離，但出到香港九龍考學校一 d都唔弱，成績都幾彪炳。

大埔 band 1英中有5間：
1. 迦密柏雨
2. 莫壽增
3. 王肇枝
4. 恩主教
5. 沐恩

其實要睇番每年 band 1 學位同 band 1生人數，睇下夠唔夠派。之前有一年我都聽過學位有剩所以 band 1 尾學校都收左少數 band 2 學生。

Woomingling

根據小朋友現小學的上年派位成績，保守都有7成派往band 1中學，但小朋友只是band 2生。我怕轉了區入了band 3中學。

fion6406

Woomingling 發表於 13-12-30 13:06
根據小朋友現小學的上年派位成績，保守都有7成派往band 1中學，但小朋友只是band 2生。我怕轉了區入了band  ...

如不是邊緣人，是唔會升/跌band的。

YuYuMother

Woomingling 發表於 13-12-30 13:06
根據小朋友現小學的上年派位成績，保守都有7成派往band 1中學，但小朋友只是band 2生。我怕轉了區入了band  ...

區內 band 2/3 中學我認識唔多，band 2 有救恩，迦密聖道，圓玄，孫方中等等。可能要等其他有認識家長入黎分享。

如果你小朋友學校有7成派 band 1, 水準應唔差，但入到大埔有無著數真係好難講。你小朋友 band 2 頭中尾呢？有無問過老師全港計係邊個 band？

YuYuMother

fion6406 發表於 13-12-30 13:13
如不是邊緣人，是唔會升/跌band的。

理論上我都係咁諗，但唔肯定真係唔敢講。

fion6406

YuYuMother 發表於 13-12-30 13:20
理論上我都係咁諗，但唔肯定真係唔敢講。

我問過校內老師和兩三個其他學校老師，她們都說轉網影響Banding輕微。我想是那條「邊緣」到底點預法，有點難拿捏。不過如果老師話你係Band 2 頭或者Band 2 中，轉網就應該唔會跌去Band 3吧。

YuYuMother

fion6406 發表於 13-12-30 13:32
我問過校內老師和兩三個其他學校老師，她們都說轉網影響Banding輕微。我想是那條「邊緣」到底點預法，有點 ...

同意，所以我叫樓主問班主任小朋友既全港 banding，如果全港 banding 係 band 2 頭或中，那便較穩陣了。

Woomingling

多謝大家寶貴的意見，真是令我獲益良多。基本上，班主任沒有明確告訴家長有關小朋友所屬的BANDING，只粗略提及過是屬於BAND 2生。(這可能是班主任曾說規定不能公布有關。)現小朋友所讀的小學升中派位成績一向不差，可7成學生派往英中 ; 而派往BAND 3中學的學生更是渺渺可數。原本沒有計劃搬往大埔，故此已收集不少東區的中學資料，及参加了多間中學的簡介會，對東區中學亦有不少認識。但對於突如其來的搬屋決定，真使我措手不及，因對大埔中學確實一竅不通。希望大家能繼續給予有關大埔區中學的以下及其他建議:

1)        東區中學與大埔區中學的同等BANDING中學，無論在學術成績、校風方面等有沒有分別？
2)        派位結果只否受當區中學的學位情況而有所變動？
3)        如不轉區在自行階段只選大埇區的中學有沒有作用(因本人兒子沒有特異功能及什麼特別課外活動證書)？
4)        大埔區的BAND 1尾至BAND 2中的中學競爭情況如何？
5)        希望能找間多元化、不只著重學術及可拔尖補底的中學，有沒有哪間大埔區中學可介紹呢？
6)        這樣轉區是否很冒險？

YuYuMother

Woomingling 發表於 13-12-30 15:53
多謝大家寶貴的意見，真是令我獲益良多。基本上，班主任沒有明確告訴家長有關小朋友所屬的BANDING，只粗略 ...

其實 banding 係可以透露架，我唔明班主任點解唔講，咁家長好難幫小朋友選校呀！

咁樓主你原本揀左邊幾間東區中學呢？等我知道你選校取向做參考？

1)        東區中學與大埔區中學的同等BANDING中學，無論在學術成績、校風方面等有沒有分別？
           東區同大埔區相比我相信分別不大。每一區都有學術成績好或一般既學校，問題係你想揀校風嚴謹定自由呢？


2)        派位結果只否受當區中學的學位情況而有所變動？
           無理解錯，應該受學位情況，學生選校同學生 banding 影響有關。

3)        如不轉區在自行階段只選大埇區的中學有沒有作用(因本人兒子沒有特異功能及什麼特別課外活動證書)？
           自行階段選校無區域限制，只要你覺得合適便可申請，主要都係睇全港排名黎揀學生面試。如你真係有心儀大埔區學校，不妨一試。

4)        大埔區的BAND 1尾至BAND 2中的中學競爭情況如何？
           競爭都激烈架。Band 1 尾學校其實多人爭，因為係 band 1 尾同 band 2 頭學生既選擇。Band 2中可能好少少。（Band 2學校我唔熟，睇下有無其他家長補充）

5)        希望能找間多元化、不只著重學術及可拔尖補底的中學，有沒有哪間大埔區中學可介紹呢？
           Band 2 no idea （Band 2學校我唔熟，睇下有無其他家長補充，唔好意思）


6)        這樣轉區是否很冒險？
           兩睇啦！其實大埔區頗特別，最多只係粉嶺上水區學生誇區過黎考，好少會有其他區入黎爭位。成績好既好多會考左出去，所以其實 Band 2 頭都有機會搏 Band 1 尾學校架。

Woomingling

謝謝YU YU MOTHER的意見!

升中選校真令家長傷腦筋極了。

東區中學原是打算選劉永生及顯利的。

我意願也是希望選間校風嚴謹，多課外活動的中學(可能也是大部份家長的意願^^)。

YuYuMother

Woomingling 發表於 13-12-30 17:02
謝謝YU YU MOTHER的意見!

升中選校真令家長傷腦筋極了。

剛記起大埔 band 2 頭救恩都唔錯（上面帖都加番），係好多 band 2 頭學生選擇。大埔5間英中之後就排到佢啦，但我對佢認識唔多，你可以上佢校網睇睇。

http://www.kyc.edu.hk

Woomingling

回覆 YuYuMother 的帖子

我又是看中救恩, 謝謝YuYuMother 的意見, 我會慎重考慮是否轉區。

選中學只想選所校風嚴謹, 老師有愛心, 沒有壓力, 讀得開心, 活動多, 功課不多, 考試少,  又有競爭力, 更保證可考進本地大學.......的中學就讀, 但只知道根本沒有這所中學存在。 除非小朋友特別天資聰穎，在什麼學校就讀也可發揮自如。可惜我家中那個還好像少爺般, 不踢也不動, 沒有大志, 經常說一定有中學讀, 還安慰我不用太緊張。氣死人~

YuYuMother

Woomingling 發表於 13-12-30 17:41
回覆 YuYuMother 的帖子

我又是看中救恩, 謝謝YuYuMother 的意見, 我會慎重考慮是否轉區。

其實你係咪唔考慮香港島既學校啦？大埔返香港又係遠 d 既。

你所講既學校係大家既夢想，不過並唔存在呀。付出同收獲通常成正比，付出唔代表一定入到大學，何況少或甚至無付出呢？男孩子通常遲熟 d，一般對選學校無乜要求，我識好幾個應屆小六男生都係咁。佢識得安慰返你轉頭都唔錯丫。

Band 2 學校我未仔細睇，因為大女係 Band 1 生，所以當時只留意 Band 1 中學。細仔現在小四，暫時睇仲係 Band 1 range 之內，不過都擔心上到小五小六個個小朋友都追成績，到時有機會跌，所以我都會開始睇 Band 2 學校。

其實你有無考慮過直資學校呢？如果到時我細仔係 Band 2, 我都會考慮幫佢報讀。Band 2 成績其實新界區有幾間可以考慮，首選沙田培基，另外仲有沙田王錦輝，大埔有間羅定邦口碑不一，要再多了解。

Woomingling

我也報了顏寶鈴，但明白机會不太。如幸運地考進，就不會再煩。我鍾情此校，因理念跟我要求差不多，活動又多，校風好，學術成績也很好，還有一個最主要原因是她的天文學會弄得頗佳，仔仔對天文又特別有興趣。

YuYuMother

Woomingling 發表於 13-12-30 18:24
我也報了顏寶鈴，但明白机會不太。如幸運地考進，就不會再煩。我鍾情此校，因理念跟我要求差不多，活動又多 ...

如果你會考慮九龍區就多好多選擇啦，顏寶鈴我都考慮幫囝囝考。

我朋友囝囝係 Band 2 學生，佢最初面試唔得，但放榜後叩門入返，所以有機會架，唔駛太擔心。不過我聽佢講活動好多，但功課測驗都唔少架。不過佢囝囝讀得好開心，你真係可以試試。

Woomingling

Thanks to yuyumother

九龍區我也會考慮, 最重要是找間同理念的學校而又適合小朋友, 其它就是次要了。

聽說顏寶鈴很多只當BACK UP, 故叩門位相對多一點, 但相信那時競爭也不弱。

本人小朋友第一次呈分試也可以在BAND 1中位置, 但估不倒第二次大失手, 唉 ~ 傷心完只好一齊面對並繼續努力第三次呈分試, 希望在大抽獎時能拉番高少少。所以我怕轉區就是這原因, 自行成功機會也很微。

YuYuMother

Woomingling 發表於 13-12-31 11:42
Thanks to yuyumother

九龍區我也會考慮, 最重要是找間同理念的學校而又適合小朋友, 其它就是次要了。

同意你講，要揾間同理念又適合小朋友既學校。
比心機，還有大抽獎呀。 叫小朋友努力考好第三次呈分試，希望有機會上番 Band 1。

大埔既中學都幾好架，而且 Band 1 位夠派。如果上番 Band 1, 小朋友有好多選擇。不過唔好比壓力佢，到時出左成績再從長計議啦。可能到時顏寶鈴已經收左呢？

mrs.so

如果以大埔B1尾及B2既學生以救恩為首先

B1尾保守以救恩為水泡, B2進取型亦會揀救恩一試

以救恩收生以B2生為主, 大埔B1學位情況足夠下, 救恩收到B1學生並不算多數

以B2學校校風一定救恩最理想, 其次迦密聖道, 孫書(今年一條龍孫小有B1生直升), 何中/康樂都係B2但校風個人感覺不及上述幾間.

Woomingling

恩主教又如何呢