唔講政治，但有無人選校會考慮埋學校有無國民教育？

vailon

咁多野要考慮，如諗埋國民教育，選擇更少。最近有資料好似話六成學校有國民教育科。

samima

原帖由 vailon 於 13-12-09 發表
咁多野要考慮，如諗埋國民教育，選擇更少。最近有資料好似話六成學校有國民教育科。

講親依個問題嘅家長都好驚啲仔女被人洗腦！那麼佢地一定少了許多選擇！因為香港好多宗教學校入親都會被人地教義洗腦啦！
講真如果學校咁易俾人流腦嘅話！那麼依家好多都出咗家做哂牧師神父啦！

JadeW

呢个題目好火呀！最好吾好討論。

JadeW

有些人就係覺得講耶穌冇吾妥，講國情就係洗腦。神父做校監冇問題，左派人士做就係有問題！
看清看楚再選擇啦！吾好人云亦云，自以為是。

btrue

小學讀六年, 千挑萬選都難保學校唔會變

hogwarts

會，而且會睇內容，就算考教會學校，也會觀察學校怎樣教宗教科。

MrBeast

未有深入探討，但at this stage, 我自己無乜所謂，唔通我教我小孩要考順父母是不對ma? 就算課程太shift to 1 side, 在家也可和子女做一些討論和返思。

nillnill

依家就快大抽獎之時
係學校選你
唔係你選學校
根本沒有資格考慮·

w_y

六成有相關內容或活動，非六成開設國民教育科。我會睇，重點研究添喎，因為對小朋友價值觀有要求。

咁多人投訴五分宗教分，証明大把人覺得讀有宗教背景學校無問題，入不到才是大問題。正如一樣有人求仔女前途好，入愛國學校無所謂。請大家尊重別人宗教和各自的選擇，唔好下下人身攻擊。

irischowys

現今揀小學，競爭太大，不到我揀，主要考慮學費，地點，語文.…多於國教。除非小朋友家庭很親中，否則我相信不會受太大影響。家長一般投訴小朋友上堂唔留心聽書，冇聽過太投入聽書而改變思維，太投入打機就有。

w_y

原帖由 MrBeast 於 13-12-10 發表
未有深入探討，但at this stage, 我自己無乜所謂，唔通我教我小孩要考順父母是不對ma? 就算課程太shift to  ...

若立場和學校相去太遠，在家反思和討論並不如想像中容易，尤其已上小學階段。最好還是考慮選擇能配合家庭價值觀的學校，家校合作順暢，最大得益都是孩子。

我聽過有小朋友在校學會飯前禱，回到家照做會俾人鬧。你叫個小朋友點好？咁細就要學陽奉陰違？(雖然我估有家長會認為咁係生存之道早學無妨)

btrue

w_y 發表於 13-12-10 09:05
若立場和學校相去太遠，在家反思和討論並不如想像中容易，尤其已上小學階段。最好還是考慮選擇能配合家庭價 ...

同意. 家長要盡量配合.我小朋友返天主教學校,晚飯前一家人要跟佢祈禱, 佢有時唔記得,老公(非教徒)都會提佢.

Christi

我都會重點考慮. 因此報名申請前已剔出某幾間學校不報.

找學校需要某程度配合家庭的價值觀. 除了國民教育之外, 有少數宗教學校太宗教了(例如學生的信仰也要評分) ,我也没有選.雖然我有信仰,但我認為信仰是很個人的事,不應成為學習評分的一部份.

其實這些都是很個人的選擇,個個家庭不一樣,有人選/有人不選,都很正常.反而最重要的是選學校時, 必須了解清楚, 了解之後, 才可以按自己的價值觀去做決定.

cmir

It really depends how you look at 國民教育. Even you study in US/Canada/Singapore, you have to study 國民教育...just in another name like social studies...that introduce the country and its history. However i also agree that hogwarts that we have to 睇內容 to decide

anntx3

咁人地的國民教育洗吾洗見到國旗要感動？不感動便沒有分？
講到文化大革命鬥父母、鬥師長是情有可原，你怕不怕？

Christi

anntx3 發表於 13-12-10 10:20
咁人地的國民教育洗吾洗見到國旗要感動？不感動便沒有分？
講到文化大革命鬥父母、鬥師長是情有可原，你怕 ...

每個人心中的國民教育尺度或者不一,但的確需要去了解學校會去到幾儘.
認識中國,冇問題,認識升旗禮儀/國歌,冇問題,
但我識一個小朋友,在小學裡學到的是,不准別人說國歌不好聽, 因此一旦別人批評國歌(也不算什麼批評,只是隨口說一聲"唔係咁好聽") , 這小朋友就會很生氣, 批評他學校的校歌也沒有如此反應之大. 有時好心地想,這未必是學校有心要這樣教,但他們在挑選老師時,老師本身已有這種信念,因此很自然而然地教了小朋友. 而小朋友又最信任愛戴老師的,因此亦自然而然地接受了這一套. 這...我真有點怕怕. 當然, 老師如果深切相信這一套,然後將之教給小朋友,也不能因此批評老師,因為是他們真心相信的東西嘛. 因此,最後只能說, 我不會送我小朋友入這類學校...

anntx3

我小時候和同學仔都覺得詩歌不好聽。
幸好，老師沒趕我們走，叫我們學好音樂，日後作更好的詩歌給主。

can1001

我會, 好似果陣撲出黎話開國民教育科果個某機構就唔會選~
但升旗, 國內交流呢d好難避.

kongman

國民教育係咪真係咁可怕？香港好多學校（尤其名校）都係教會學校，個個禮拜要上宗教堂，日日規定要念經祈禱，對信奉嘅對象只能「讚美」不能「批評」，咁徹底嘅洗腦手法大家反而粒聲唔出無意見，仲爭住幫仔女報讀呢啲學校！

如果話影響價值觀，國民教育相信拍馬都唔及宗教洗腦咁勁。你好有心思咁買咗啲好靚嘅文具俾個仔用，點知個仔話係「天父」賜俾佢嘅，你會有乜嘢反應？呢啲滲透到日常生活每個細節嘅思想改造工程，大家反而覺得無所謂？

大家睇番九七之前嘅歷史教科書，睇吓作者用乜嘢角度去寫鴉片戰爭時候英國同清政府嘅功過，就知道「國民教育」其實一直都有，但當時有幾多人會覺得英國人洗緊你腦？

喺香港，好多人從小學到中學都讀教會學校，但最後都無信教，就知道所謂「洗腦」其實唔係話洗就洗。教會學校嘅宗教洗腦大家唔驚，國民教育反而咁驚，咁係咪反映大家其實已經被啲政客同傳媒洗咗腦？

Christi

原帖由 kongman 於 13-12-10 發表
國民教育係咪真係咁可怕？香港好多學校（尤其名校）都係教會學校，個個禮拜要上宗教堂，日日規定要念經祈禱 ...

因為基督，同這個國家／這個國家既統治者，有本質上既分別。

不過唔打算在此討論啦。 我尊重你的看法。