九龍西區田徑比賽不應在將軍澳運動場啦！

Li_Carmen1978

以往我個大仔前幾年都係係深水埗運動場，
今年到我細仔無啦啦去到咁遠重要攪成日。
首先，我好認同一個比賽一場過是極具代表性的，
但五十幾間學校一起比賽，小朋友獲獎的機會變得少左好多。
失望的人數比勝出而興奮的人數多幾多倍?！
再者，由7點幾出發去到頒獎禮5點幾6點，第二日仲要番學！
我問過老師同校長為何要一場過又要去到咁遠，佢地話綜合左意見先係會係咁遠舉辦，有沒問過家長同學生呢？

sukitelfold

當你是攪手，你便知當中辛酸！訂塲、聯絡、搵義工、物流、安排賽程等工作，煩到嘔！
要多獎=豬肉獎，坊間大把選擇，$1xx報一項那些。而且相信家長是有選擇權，是否參加的！！最後可想想這句＞＞「易地而處」。。。。

Charlotte_mom

如果參賽的都係九龍西學校，似乎九龍西較適合吧！不過我地都唔係攪手，可能的確TKO場地較理想啦！唔評價了。至於失望比獲獎多，好正常吧！如果太多人得獎就欠代表性了。校際朗誦彈琴，一場50多人都只有5、6個得獎呀

notcool

回覆 Li_Carmen1978 的帖子

>>再者，由7點幾出發去到頒獎禮5點幾6點，第二日仲要番學！


If they have bus transfer, I think it is ok. If there are no buses, it's better to have a closer place. However, the time is also rather long.

>>但五十幾間學校一起比賽，小朋友獲獎的機會變得少左好多。
Sports is not just about prizes or winning. You have a wrong concept.

>>我問過老師同校長為何要一場過又要去到咁遠，佢地話綜合左意見先係會係咁遠舉辦，有沒問過家長同學生呢？


I think it's fair for you to give your suggestion/raise your concern but it does not mean they need to ask parents/students all the time.

Li_Carmen1978

當然教導小朋友享受當中既過程係最重要啦、名次只係其次。
但個人認為應該「易地而處」在學生的角度出發，選址可具「代表性」！
也可考慮中學分DIVISION 作賽，令比賽既競爭性增加，而不是大都旨在參與！

birdbird

以我理解, 參加得西九學校運動會的小朋友都是老師揀出來的精英.
這個校際比賽如一個微型奧運會一樣,
每項比賽只得冠亞軍季軍, 我不會覺得沒獎的小朋友很不濟.
沒有獎項當然會有失望, 但既然代表得學校出賽,
已經表示學校和別人對自己一份認同.
我為帶隊去參賽的老師, 幫忙的家長及參賽的小朋友喝采
(我不是這個運動會的任何一分子).

至於場地, 每個場地的容納人數都是不同的.
會不會將軍澳的運動場比較大,
可以容納多點運動員與觀眾?

雖說學生平時在九龍西上學, 運動會在九龍西攪就最好,
不過將軍澳有地鐵到, 都不算太不方便.

MariaTsui

我覺得只是參賽學校安排欠妥，不應歸咎舉辦單位，我的小朋友的學校都有派學生參加，但我們是早上返學時間回校，有旅遊車來回接送，第2天不用上學，放假一天。所以場地在將軍澳問題不大。其實樓主應向學校反映。

sukitelfold

其實一年學界比賽，一年先一次，叻嘅可能會玩多次（某些項目）。。。TKO已好不錯，地鐵到。。。一年一次，仔女又有榮幸代表學校參賽，樓主將就下啦。。。蝕少少，仔女又開心，又學到嘢，面對輸（失敗）也是一個學習機會。。。
好奇一問，如果仔女有獎攞，唔知樓主會否抱怨賽場太遠，朝7晩6而第日還要返學呢?！

talknwrite

主辦單位去年同學校講合併的事, 其實好多學校都反對, 反對原因就係攞獎機會細咗. 其實全港區賽都已經係一日區內所有學校比賽, 唯獨九西是將學校分兩組分開比賽. 到全港區際比賽時, 到底要出哪些代表也成問題, 因為每區只可以派前三名比賽. 學校都好難有合理理由說不.

如果覺得子女辛苦, 又怕沒有獎攞打擊子女, 我就不會讓子女參加了.

SAGO

jessc

其實當年在深水埗場分上下午完成比賽，對參加者來說是好皂，但對協助工作的學校和他們的小朋友來說就是件苦差，晨早六時許開始搬運至下午六時許才完成，碰正天氣有變甚至試過一邊工作一邊撐傘一邊吃飯。
當然對小朋友來說現有做法是好一點，但礙於香港可供比賽場地有限，曾聽過有區域要拖到學界總決賽前一週才進行分區賽，他但準備決賽的時明顯比其他區少......

其實有些較少人參與的比賽都是不在自己區進行，
如今年學界定向賽(新界區)在香港仔水塘進行。

利申：曾做了3年九西區運動會的工作人員

sukitelfold

原帖由 jessc 於 13-12-10 發表
其實當年在深水埗場分上下午完成比賽，對參加者來說是好皂，但對協助工作的學校和他們的小朋友來說就是件苦 ...

向學體會工作人員致敬！！

必必

我個仔參加左兩年九西比賽,  由於分上下午場作賽,  深水埗運動場又無電腦計時, 只憑人手,  因此時間出現好大差異.  而每項比賽區代表又只有2個名額, 到最後將所有上下午場參賽者排名次時就會引起好多不公平現場同爭拗. 每年既總成績大會都用左10日左右先出到.   

而家一次過比賽, 又有電腦計時, 公平好多, 咁先可以搵到真正成績最好既做到區代表,  唔好因為獎牌分薄左而否定一次過比賽既意義.

有電腦計時既場地唔多, 遠少少都唔係問題,  

ANChan59

回覆 必必 的帖子

公平公正，最好。
辛苦極都是一日！

janfeb

當年東亞運主場館，我會讓小朋友亨受比賽樂趣，感受比賽氣氛

birdbird

原帖由 ha8mo 於 13-12-14 發表
我覺得將軍澳個看台同跑道距離遠左少少
我覺得最正既場應該係小西灣，但地鐵唔到就有d不便
...

小西灣現在休場，至明年初才重開。

必必

3月教區運動會係小西灣舉行, 環境優美, 但那處真係好食風.  我地係看台坐, 個個都凍到震. 幾後悔無拎件羽絨去.