創價幼稚園與創價學會.

kaydenyu

請問有無家長問過學校究竟同創價學會有無關係? 小朋友返左學會唔會比人灌輸日本教既道德倫理?
因為在網上及朋友得知創價學會係一個偏離一般宗教理念既教會.....

worldcat

幼稚園係學會開、搵到嘅資料係幼稚園無宗教堂。
如果覺得學校辦學團體唔啱、我自己就唔會揀。

自己唔係任何教徒、但偏向基督教(以前小/中). 但唔覺創價學會有乜問題。請問有邊方面覺得唔好?
利申: 考緊 2014-2015 k1

kaydenyu

我上網睇過有人講創價學會灌輸一啲同一般宗教理念/思想唔一樣既價值觀. 而身邊都有不同既朋友又講話創價學會係日本邪教, 但係實際點樣有問題我就唔清楚...

lasymom

雖然辦學團體是創價學會，但幼稚園是一點兒宗教意識也没有，亦不會灌輸任何有關創價學會的宗教。

IvanL

原帖由 lasymom 於 13-12-02 發表
雖然辦學團體是創價學會，但幼稚園是一點兒宗教意識也没有，亦不會灌輸任何有關創價學會的宗教。



  ...

百分之百同意。

利申：沒宗教。小孩創幼高班。

gogogozi

創價學會既小朋友係咪比較易入創價幼稚園架?

lasymom

創價學會也未必較易入創幼。

love822rita

原帖由 kaydenyu 於 13-12-02 發表
我上網睇過有人講創價學會灌輸一啲同一般宗教理念/思想唔一樣既價值觀. 而身邊都有不同既朋友又講話創價學 ...

日本創價學會如果係邪教，一早日本禁左好耐，仲會俾佢起會館同辦學？SGI係日本佛教團體，有別於中國佛教，但係都係主張世界和平，創造人類最高價值，日本創價第一任會長，因眼見戰後好多小朋友因家貧，無法接受教育，所以創辦佛教團體同辦學，時至今日，除左日本在幼稚園，小學，中學同大學，在美國，星加坡都有大學，而星加坡，香港，南韓都有開辦幼稚園，但所有學校都無宗教課，只提供教育，如果真係異教，世界各地都唔會俾SGI落地生根，你可以到SGI網頁查找所有資料p.s:我唔你創價會員或信徒，但係我十分欣賞創價辦學的目的，便是創造人類最高價值！……希望幫到你＾＾

worldcat

回覆 kaydenyu 的帖子

係日本、因為涉及政治問題、所以的確有人話佢係邪教。但自己睇返資料、佢又唔係做過啲乜野害人。最壞係以前佢嘅姐妹日蓮正宗有羞聞、但之後創價獨立左出黎。
無可否認、創價比起其他教派屬於新教、接唔接受到好睇個人。正如法x功、自己覺得佢地擾民外無乜問題、但內地認為佢地係邪教。雖然會得罪好多人、但普遍如基督教都有人覺得好同唔好。

係香港、家長已經要面對好多問題、如果想唔通真心建議你唔好幫小朋友揀創價、無謂之後俾其他人講少少野就諗多左。

kaydenyu

多謝你地既意見, 其實本身幾鐘意創價幼稚園既教學理念同模式, 所以更加想要了解清楚背後既辦學團体, 不想盲目追求所謂既名牌學校而人讀我讀又乜都唔知! 所以唔該晒....