個個都話啟思唔好~~

angie0828

沙田分校的老師好好 確實去年interview的感受好主觀，我仔係12月細B，全靠老師在甘亂、甘嘈環境又甘攰（當時已4點幾，相信已好攰）情況下仍然好有愛心甘氹仔仔完成個interview, 現在返學好開心，老師也很有愛心！活動好平又多元化！

Maych2012

我In青衣啟思，老師都好好。

mcscjc916

我支持啟思也同意各家長之正面分析
老實講 幼稚園就去補習 很恐怖 太怪獸了!!

journeyman

我都想知同埋搵緊人傾...

啟思PN, K1-K3 條路點行? 請教現有或已畢業啟思家長
http://www.edu-kingdom.com/forum ... &extra=page%3D1

mcscjc916

揀學校是配合自己孩子的性格思維
不是為家長自己

小洪寶

你放心，差不多所有學校都有劣評，每個家長有不同期望，我只係睇有列出理由既劣評，再睇下個理由係咪我所CONCERN既，否則，愈睇愈頭痛

csiusin

我曾是啟思學生既家長, 講真. ...真係有d失望, 我開頭以為我小朋友果間分校唔好原來得到好多家長既意見都覺得佢唔好, 我唔敢批評其他分校, 只係for我小朋友讀果間, 我覺得老師愛心真係欠奉, 仲要學校既園長及校長好多野都係草草了事, 小朋友就讀果一年多期間發生左好多野, 都令到我好失望, 投訴後接見你都只係所謂既應酬式去同家長會面, 到最後我覺得都係....無用....開頭自己點解揀佢, 因為係我揀果區佢學校算係有名氣, 諗住佢有咁多分校, 唔敢講會好好, 但一定會唔差, 但讀左後真係令我完全改觀, 我小朋友本身k1都係讀番原校, 但一開學太多野令到我真係好想轉, 到最後轉左另一間, 新學校真係好好多, 首先而家新學校絕對唔係本人首選, 我連上年申請都無申請而家新學校, 因為我都唔想大家覺得而家讀緊梗係我心水一定覺得好, 但而家新學校, 老師好細心, 同有愛心真係睇得到, 最重要連校長都好有心, 校長同主任一星期最少有3,4日返學放學係門口幫手接小朋友, 但我仔之前讀果間啟思, 我想講成年未見過校長, 我見過校長既只係....投訴後佢接見先見到佢, 所以. 我真係唔敢講佢好差, 但本人真係失望, 同埋只係比大家既少少意見，　希望大家唔好覺得係講衰佢學校，　

csiusin

回復 looklook_66 的帖子

其實佢英文應該唔係有問題，　因為佢學校課程真係較淺，　佢地主要係活動教學，　所以好多方面都會比其他學校淺，　所以教既英文都係淺..

csiusin

回復 Alyssamakky 的帖子

mcscjc916

回復 csiusin 的帖子

唔好意思 睇完我都唔明同唔知 啟思同你之間發生甚麼事 令你不滿? 哪一間分校?
可否再清楚說明?

tommyxsarah

好唔好係大家家長唔同既感受同需要~

其實要放心比個小朋友去學校讀書, 都要自己親身感受下間學校..
如果自己去到間學校有BAD FEELING...就算人地講幾好都無用la..

所以聽完人地既comments, 再自己感受下同分析下間學校岩唔岩自己小朋友讀仲好..

joysic

幼稚園就要出去補習hahaha、sorry 我都認為係好變態

PEGGYPCDOG

其實我女女上年都收左佢~我交晒留位費
後來心儀果間收佢於是退學
我去拎返錢同退學資料果陣  見到小朋友上英文堂 因為我等緊果個位係ENGLISH CORNER 見到佢地上一堂英文係播電視俾佢地睇  睇完就走啦
好彩我小朋友果陣無讀JA~ 不喜切插

journeyman

我想問下啟思留位費係唔係non-refundable?

miaomama

回復 初級媽咪 的帖子


我2個仔都讀啟思K1, 兩個番學都好開心, 如果你哋以為唱歌學唔到英文就錯喇, 如果小朋友可以識哂英文歌書D英文, 已經識到好多字,  兩個仔成日番黎都唱, 除了英文歌書, 仲有一本認字書

N班的小朋友都只有2歲, 其實作為家長的你們對一個2歲的小朋友有什麼期望呢?  如果你期望你的小朋友能夠係2歲識好多字, 無論英文同中文, 咁啟思並不是你們所要的, 因為他們會著重基本禮貌, 幫小朋友戒片, 可以訓練佢地自己食嘢, 守秩序等等

啟思係一個真正活動教學的幼稚園, 有好多ROLE PLAY, 老師會搭哂景, 摸擬場景, 而家出面話好多活動教學其實都唔係, 因為搭景要好多功夫...

佢哋會做好多勞作, 佢哋會好有成功感, 仲有, 佢哋每年聖誕節都有大型表演, N班都會上台表演架

至於數學, 佢哋有本創思維數學, 通常係學校做 (共有6-8本) 有好多推理題, 因為好多時冇派番番黎, 所以好多家長以為冇教, 到學期尾派番D家長又冇睇, 所以有呢個誤會

老師每個學期都有一個十分詳細的報告給家長, 裡面有小朋友上堂時的照片, 你會知道小朋友各方面的進展

啟思係一所根據小朋友的發展能力去教育小朋友, 如果你要小朋友K1寫字, 那請你不要選啟思了, 因為正常小朋友小肌肉的發展要差不多4歲才可掌握運用, 所以K2才會開始寫字的, 所以K1會有好多勞作去訓練小肌肉 同埋想像力, 你哋要知道, 小朋友的想像力只有幾年, 大D就冇咁豐富, 啟思的老師都會都會好鼓勵小朋友去答問題, 無論什麼答案老師都會先接受, 再加以紏正, 這麼, 小朋友就唔會驚錯唔答問題啦

記住: 啟思唔係一問谷的學校, 但係小朋友會好開心

csiusin

回復 mcscjc916 的帖子

好似小朋友被忽略照顧同學校講, 佢會話佢地係依足學校規矩去做,
同佢學校反影既野次次都話知道一早就知但..都無改善,

miaomama

回復 csiusin 的帖子

可唔可以講清楚d你個小朋友怎樣被忽略照顧呢?

lovefive

原帖由 miaomama 於 13-10-28 發表
本帖最後由 miaomama 於 13-10-28 16:32 編輯

回復 初級媽咪 的帖子

唔該晒你，了解多左！