究竟D高官知唔知民間苦況?

studykid

究竟係D高官烚下烚下，定係我太驚青。

11年10月細B，冇N班backup。

需知大多陪跑，但都要報多幾間。

老實講，我係驚冇書讀，但求有位！

細B的無耐，舊年報N班，10間有8間唔收form。第9同10都係要等人退學。

報兩間係必收的有嘜所謂。如果包收，我估一間都冇問題，你估考咁多唔煩。

pokey

然後又會有人走出黎同你講，N唔一定要讀/可以做大B。但我有另一個原因係我要返工賺錢交而家貴到癲的租/供貴到癲的樓，又唔想年紀大的父母太辛苦揍孫。育嬰院已經排唔到，想佢早少少返學，等我可以返番工賺錢/老人家冇咁辛苦。不過又會有人話，冇錢學咩人生仔？父母年紀大做咩仲生仔要佢地揍？難道我份儲備一定要預左樓市同通脹去到天價，父母嗰個年代計劃早生育，我先可以生仔嗎？啲平民都唔知，更何況啲高官，何不食肉糜？:;pppp:

pokey

仲有另一個說法：點解唔請姐姐？原因除左唔想有陌生人同住呢個咁奢侈既諗法外，主要都係因為要交貴到癲的租/供貴到癲的樓，係咪政府畀宿舍佢地住呢？係我可以考慮請呀！

hogwarts

舉波哥為例，人家煩惱的是如何入 Oxbridge.

最要負責任的曾某，又可以用財政司信紙叫醫院管理局收自己個仔。

小市民排吓隊好應該喎！

什麼階級便要頭痛甚麼事，誰叫大人們誰坐那張木凳又不是又小市民決定。

tkinwong

限報兩間真係有好多間題。政府現在只是諗雙非，其他間題都唔理。另外，就近入學原是否一定適合全部情況。很多bk的小朋友都是坐半小時以上校車返學。咁以後小朋友是不是跨區伸請的機會就低了嗎？學校想收多些不同區域的小朋友，係未要退出學券？