應該點教adhd小朋友串字？

heismama

我仔小二 串字好差 連afternoon都串唔到 之前政府評adhd 無學校障礙
我話佢串唔到字 佢話adhd既小朋友好多野都入唔到長期記憶
呢刻記得 下一刻就唔記得
但中文寫字就無問題
我教到好灰啦。。。。

belau8009

介紹你去東華·恒生讀寫無障礙計劃有侗phonics班可提升小朋友的英文能力

overcomer

應該係關讀寫障礙事, 讀寫障礙係記唔到PHONICS。我朋友的小朋友2歲已學PHONICS, 但而家快6歲都記唔到D 音, 串字亦好辛苦。我都想知D姑娘用什麼方法幫佢地串字, 有冇讀寫障礙小朋友的家長可以分享呢?

heismama

其實佢唔係串唔到 係記唔到 呢刻記到 訓覺就唔記得晒 而家默書我要最少提早3日同佢溫 之後成日問佢佢先記到 見政府佢話佢因為ADHD 佢既野入唔到長期記憶 我都有問會唔會讀寫障礙 但佢話做完test 唔似有

DON1112

原帖由 heismama 於 13-09-15 發表
我仔小二 串字好差 連afternoon都串唔到 之前政府評adhd 無學校障礙
我話佢串唔到字 佢話adhd既小朋友好多 ...

小朋友有無評估，會唔會係早期讀寫障礙呀？因為我囝囝都有，我個個而家都學緊good afternoon佢可以串到讀到背到。但如果背寫就唔得lu.

DON1112

我暫時用呢個方法。。用一張細白紙顏色筆寫要讀既生字。(例如五個生字要用五張細紙)每次讀完用唔同次序問小朋友。

heismama

學校有phonics 我叫佢讀佢佢識 但調轉串出黎唔識拼 其實我覺得係adhd令佢個人好散 個腦集中唔到去諗野。。。

lillymarie

溫書時仲有無藥力呀？如果藥力已散就唔好溫算了，做一些輕鬆的事情。把握仲有藥力的時間去溫，不然真係“徒勞無功”。

另外，用遊戲的方式同佢溫，佢可能會記得好些。

例如，給他英文字母粒，叫他砌返個字。
又或者故意漏一兩個英文字母，叫佢填充。e.g. afternoon: a_tern_ _n

lillymarie

將他記不到的字貼在他經常出入的房門，每次經過都串一次。

他記中文字無問題，可能對圖像記憶掌握得好些，他喜歡畫畫嗎？可以讓他將afternoon變成一幅圖畫。

lillymarie

如果屋企有白板或黑板，可讓他寫大字幾次。運用大肌肉去幫助記憶。

你都可能講得啱，我囝囝未食藥前，我是用以上種種方法幫他溫習。後來他食藥，藥力去到9點才散。有藥幫他，就不需要怎樣已記到。

heismama

回復 lillymarie 的帖子

佢到而家都未開始用藥.....

belau8009

我仔有讀障+專注力不足，點解會特別介紹東華.恒生計劃係因為中心的教法比外界專業(中心係做特殊教育比外面普遍的老師有經驗教)，地區係遠一些但計劃係免費又有成效，試完後你會覺得值得！我都有學到返到屋企先可以陪他一齊學以致用！

belau8009

仔學phonics時係暑假停藥了，但他可以學到，係開心學習的結果！

Letter_lalaland

joanthony 發表於 13-9-16 10:14
唔識串字唔關是否ADHD事,而係關有無學phonic事, 我仔都係ADHD (番學有食concerta)3-4歲已學phonic, 佢k3都 ...

同意。
重要有好多時候學校教嘅拼音又未必啱使同夠用。

如果你嘅小朋友去東華上堂，請多多在此分享學習心得。

belau8009

每個小朋友需要唔同，如小朋友ADHD一樣學習困難當然容易很多，但有部分的小朋友會有兩至三樣問題或更多，可能了解返小朋友本身是否有其他影響了他學習。如果得ADHD一樣的話，做多點運動/專注力訓練/音樂治療……可以定些，希望幫到你！

HaYi

我都唔覺ADHD 對記憶有太多的負面影響, 好似我的仔, 可以好少事,幾年前的, 都可以記得, 只要是有趣圴就得.   但是如果要他記的內容或記的方式會令他冇耐性, 就真的記得不好.  

好似樓上說, 我個仔都是讀英文小學, 有ADHD 基本上對英串字冇影響, 他亦是幼稚園時學校有學Phonics, 依家小學學校仍有phonics堂, 英文串字就一定學左會好些. 他現亦是能讀chapter books,

反而他此類ADHD 最大的問題是抄寫中文, 因為要一筆一劃寫得清楚, 又要快, 幸好他們差不多只有中文課是要中文, 抄寫好少,  我們一有空要求他學寫書法, 學習耐性同觀察字的結構, 而家P2 中文字叫做有些進步.  專注時抄寫可以取得甲, 但係一鬆就唔得, 要成日提.  此是無奈又要費時的功夫.