開學一星期,阿仔返學返到好唔開心,情緒起伏好大

mm1003

有無家長係咁?搞到我想退學,轉做大仔,今年再戰

baby_tigger

有，亞囝開學頭2星期 ok 架。但唔知點解忽然唔肯返學，勁扭爆，放咗學提到第二日要返學都會嘛，夜晚瞓著都會發惡夢話唔返學喊醒   我哋不停氹佢，買佢最鍾意嘅玩具，同佢講“班主任話你上堂好乘，好叻仔，所好 mama 就買份玩具獎勵你”，佢雖然仍扭，但已無咁犀利了。雖則用物質引誘唔係咁好，但結果最緊要。又過2個星期，9月開始佢已無抗拒，雖然間中都唔話唔想返學，但都只係講吓。每日返到屋企仲好開心唱學校教嘅哥我聽

baby_tigger

真係要比時間小朋友去適應，聽朋友講佢個女初初返學喊足1 個多月，add oil

kyleebc

初初係咁不需太擔心，俾多點時間佢去適應。沒有邊間學校包入大學！

CBabeY

其實係正常現象，要時間適應，學校有無notice俾你，講開學之後小朋友行為上會有咩轉變？e.g.開頭有d小朋友平時唔咬人會咬小朋友。喊，有心理準備要喊兩三個月。同埋後期果d喊只會係你面前，入左學校又無野。同老師傾下點幫佢適應，會有幫助。

sochi81

我仔喊足兩個月。
我細個都喊好耐。
純粹適應力問題，
除非回家都持續負面情緒同倒退行為
不然都唔怕

mydoggulu

我已經係大仔（4月B）都係咁，同爸爸一齊返果日好乖，幾個老師都讚佢，但自從自己搭校車之後就成晚每隔一個鐘就喊、扭計，又發開口夢嗌「唔返呀！」，朝早又唔肯換3，不停喊。其實有咩可以幫下佢呢？已經成日話老師好鐘意佢呀，返學點樣點樣開心，佢都係咁。

AJH

喊好正常啫，唔洗咁緊張，每個小朋友適應新環境時間唔同嘅，少少事已經想轉校，如果轉咗新校喊得再厲害d唔通又轉咩？

yokeeland

小朋友由細到大都有DADDY、MAMMY陪伴，突然要自己面對陌生環境，係要時間適應。

我小朋友去年入學，佢係九月中的細B，前後用了一個月適應，在一個月內，經歷喊到嘔晒早上D奶，但見到佢一日一日進步，之後仲會講在學校愛惜他的老師。

或者應該要給他們多一點時間，這是成長必經階段。

mimichong

mydoggulu 發表於 13-9-9 08:37
我已經係大仔（4月B）都係咁，同爸爸一齊返果日好乖，幾個老師都讚佢，但自從自己搭校車之後就成晚每隔一個 ...

情況同妳有d相似...又係初初幾日帶返學校就無事....之後自己坐校車就晚上喊定...
每朝換校服係最大嘅挑戰....好頭痛