將有更多學校轉直資

Charlotte_mom

原帖由 mk3288 於 13-08-03 發表
不知為什麼直資學校被人詬病財政混亂呢？邊位直資擁等可以解釋下？

因為審計署無了解過直資d公點出點入就出報告嘈。例：批評學校無校友校董，事情係學校新辦，畢業生都未夠18歲。從一個例睇到出報告既人有幾認真。

以我所知, 直資既維修同改善工程, 係要自負的, 唔同津貼學校樣樣都有政府撥款(BK高人多, 請指正, 我係聽校方講的, 可能我俾人呃都唔定), 例如每年暑假整外牆, 整地台, 換/維修冷氣, 換檯換"鄧", 整廁整渠, 樣樣都係錢, 唔係一千幾百, 工程可能講緊幾十萬幾百萬, 呢D錢係要儲返黎, 錢O係邊度黎, 當然係從學費(或辦學團體贊助, 或捐款), 咁政府每年support一間直資學校既錢, 其實亦比津校少, 亦因為呢個原因, 學校需要收學費做儲備（係有直資學校財政混亂，係吾好一竹篙打一船人）

Irismammy

原帖由 ireneyklo 於 13-08-05 發表
我就是不想下一代只希望靠幸運+依賴來過活，而且更不應抱怨別人過得比自己。應想別人是否比自己更努力， 人 ...

讚成！

唔明點解有些人希望靠運，而不努力！這樣做事做人，大個怎辦？

中天英

小弟認為直資學校嘅推出，為香港教育界注入生氣，俾家長多d選擇，可能係老董唯一德政。

ngokwan

原帖由 ireneyklo 於 13-08-05 發表
我就是不想下一代只希望靠幸運+依賴來過活，而且更不應抱怨別人過得比自己。應想別人是否比自己更努力， 人 ...

同意。
至少我囡囡有得去爭取，爭取過，唔收，亦只可話技不如人，但問心無愧。
最唔明白點解話直資話直資令D學生辛苦，要苦練，如果家長唔想考，冇人會逼佢考，自己唔想付出不緊要，但我想我的下一代，學懂為自己付出，而不是只懂埋怨。

中天英

rogerlam123 發表於 13-8-3 19:40
我頗贊成張五常提及的學卷制，每個人有同樣的學卷自行選擇自己喜歡的學校。人人平等，大家又覺得如何？



  ...

學卷制係好，但係觸及好多既有利益者，響美國都好難推行。
近年就有好多Magnet school／Charter school成立，都幾成功嘅。

HaYi

我朋友是聖士提反的持份者, 他個人不反對轉直資, 不過說校內的另一班持份者, 例如會受影響的老師, 有細妹等入的都等大力反對.

不明評論常攻擊直資是埋沒了各上流的途徑, 其實在我們捱出來的所謂中產, 直資是有機會選一些更合自已小朋友的路, 亦可以有機會參與名校(直資) 選人的游戲.  當然更有錢的可以考慮埋私立, 但直資感覺上都叫有政府管, 收費不會太離譜, 對我們這群辛辛苦苦存錢供小朋友學習, 而又享受不到政府住屋等福利的中產多一條路行.

相比以運氣或前人關係入的出名官津, 我覺得直資學校先以能力取人, 其實更為公平.  其實有識之士可以對比政府花在一個官津的小學生的錢同一個直資學生身上的, 兩者究竟有幾多分別.

judy

不知為什麼直資學校被人詬病財政混亂呢？邊位直資擁等可以解釋下？

呢啲已成反對直資人士之口頭憚。

點樣財政混亂先？講來聽吓！

mk3288

judy 發表於 13-8-5 13:39
呢啲已成反對直資人士之口頭憚。

點樣財政混亂先？講來聽吓！

香港政府有冇審計部門？直資學校唔需要審計咩?審核份報告幾時出呢?直資既然咁行得正企得正，快快脆脆整份報告出來，何必遮掩咁耐呢。

Charlotte_mom

mk3288 發表於 13-8-5 14:55
香港政府有冇審計部門？直資學校唔需要審計咩?審核份報告幾時出呢?直資既然咁行得正企得正，快快脆脆整份報 ...

唔明你想表達咩, 審計報告咪出左lor, 遮掩d咩? 好多學校都有annual report有晒數目可以睇wor

mk3288

不明直資混賬的可以去google，那裡大把資料。今年二月立法會對此亦有過質詢，好似話有過半數直資仍不願意把帳目公開。

cathyming1

直資係要考试，由其係中學，可惜大部份人都係喜歡大抽奖，運氣行先，可惜!

mk3288

原來有十年時間直資學校財政是無王管，政府資助款項是可以拿去炒股買樓......重要是入私人銀行帳戶。學校每年賺幾多是不會公開的。

boomGi

原帖由 mk3288 於 13-08-05 發表
原來有十年時間直資學校財政是無王管，政府資助款項是可以拿去炒股買樓......重要是入私人銀行帳戶。學校每 ...

那又如何呢？賑目混亂？咪想方法去完善機制，有幾難解决呢？

杰克

有某些人眼中容不下制度里面既砂石，不去理解直資在香港的存在價值，看不到別人不要以偏概全既提議。完全從自己的價值覌出發，打著所謂公平正義的口號，執住一兩點理由，硬是要顯出自己能找到其中一些不完美，又完全不提出任何除取消直資之外的實質有效意見。

ANChan59

mk3288 發表於 13-8-5 15:54
原來有十年時間直資學校財政是無王管，政府資助款項是可以拿去炒股買樓......重要是入私人銀行帳戶。學校每 ...

講來講去都是兩間直資，未免以偏概全！
如果認真看審計報告，及財委會報告，好多問題是源於教育局指引混亂，他們的理解跟審計處的理解不一致所做成。最弊審計結果初稿沒有跟學校溝通及澄清，所以直資學校議會都有怨言，因為直資學校無辜俾教育局擺上枱。

judy

原來有十年時間直資學校財政是無王管，政府資助款項是可以拿去炒股買樓......重要是入私人銀行帳戶。學校每年賺幾多是不會公開的。

如果係入私人銀行帳戶，咁大件事，有冇人被拉去坐監呢？此其一。

第二，炒股買樓，投資黎嘅，有咩問題呢？

mk3288

judy 發表於 13-8-5 18:07
如果係入私人銀行帳戶，咁大件事，有冇人被拉去坐監呢？此其一。

第二，炒股買樓，投資黎嘅，有咩問題呢 ...

請仔細看下立法會議員對直資學校的各種疑問和質詢。這些混賬事件都有新聞資料，幾時輪到任人誣告。

mk3288

boomGi 發表於 13-8-5 17:02
那又如何呢？賑目混亂？咪想方法去完善機制，有幾難解决呢？

在你眼中帳目混亂原來是無問題！你以為間學校是你私人開的？既然收得公款，當然就要向公眾交代，條氣咁唔順，咁唔想公開，咁未完全用自己錢辦學囉。

mk3288

杰克 發表於 13-8-5 17:27
有某些人眼中容不下制度里面既砂石，不去理解直資在香港的存在價值，看不到別人不要以偏概全既提議。完全從 ...

直資何德何能占盡一切便宜？政策為何要向它傾斜？如果不是有私心，真是好難解釋這個半人半鬼的產物。

mk3288

回復Judy:就事論事，回避直資學校存在問題毫無意義。