保良局田家炳千禧小學(大埔公路大埔滘)

Sibbyf303

請問有冇小朋友讀緊"保良局田家炳千禧小學", 家長們可否幫忙介紹下這間學校呢?

4月10日媽媽

我都好有興趣，唔知這間學校點？好似運頭塘田家炳搬過去，校舍幾靚，但學校就唔知點？

LOVELY-BABE

校舍大，但質數好一般！

斑馬

睇下本身家長有什麼要求啦!學校功課量適中,沒有過多抄寫功課!教學模式較互動化,不是死讀書背誦之類別.多要思考或資料搜集.學校生活多樣化,有較多課外活動或興趣班供小朋友參與及發揮才能.因小兒比較好動,所以很喜歡校內之活動及教學模式.學業方面成績算ok，全級頭20名內，但我本身也會抽時間替他做練習及作試前溫習，因為考試卷較平日功課深好多，所以作為家長要有心理準備!但眼見小朋友能夠愉快地渡過校園生活,我也覺得沒有揀錯這所學校!
希望各位家長也能為自己的小朋友揀一間合適的學校吧!

crycryip

好奇—問: 點解樓主對這間學校有興趣? 現在的家長只想由北向南移選學校. 你選擇相反, 不怕抽獎機會低?

peggy

4月10日媽媽 發表於 13-7-21 14:25
我都好有興趣，唔知這間學校點？好似運頭塘田家炳搬過去，校舍幾靚，但學校就唔知點？ ...

運頭塘田家炳是傳統教學 , 千禧田家炳是活動教學

4月10日媽媽

回復 peggy 的帖子

因為自己個仔比較好動, 而且唔太專心 , 讀幼稚園時已俾老師話鐘意發夢, 出年升小一, 得15分, 想找一間活動教學 , 不太多功課的學校 ,

little_yolky

4月10日媽媽 發表於 13-7-24 14:37
回復 peggy 的帖子

因為自己個仔比較好動, 而且唔太專心 , 讀幼稚園時已俾老師話鐘意發夢, 出年升小一, 得 ...

因為大埔學校很多北區人報, 所以田千15分已不是好穩妥了。不過, 田千也不錯就是了, 不過不失咁囉。但你自己住邊區? 報小學要考慮埋中學喎, 大埔區中學網唔係咁靚喎。

Sibbyf303

crycryip 發表於 13-7-23 23:24
好奇—問: 點解樓主對這間學校有興趣? 現在的家長只想由北向南移選學校. 你選擇相反, 不怕抽獎機會低? ...

北區問題都開影響到沙田，來年好像會有約4000名(正式數字未公佈)雙非童來港讀書，政府仍未有相應措施去解決問題，所以報沙田及大埔情況都一樣爭崩頭。我同4月10日媽媽的情況一樣，小朋友比較活潑，所以想選擇一些活動教學的學校給她，希望她能愉快學習。

chusai0144

我個小朋友以前讀呢間小學，我覺得呢間小學無論環境及師生關係都好好

little_yolky

4月10日媽媽 發表於 13-7-24 14:37
回復 peggy 的帖子

因為自己個仔比較好動, 而且唔太專心 , 讀幼稚園時已俾老師話鐘意發夢, 出年升小一, 得 ...

如果你小朋友唔專心, 你都要注意下。因為田千近兩年開始積極了一些, 功課多了一點點, 如唔專心, 唔自動波, 你都會幾辛苦。因為樓下C9仔仔讀緊, 今年升P2, 佢仔仔絕對唔係自動波果種, 一面做功課一面東搞西搞。過去一年, 媽媽回家(約8:00)就會同佢一齊溫書做功課, 日日鬧仔鬧到10:30, 一星期七日年終無休。

不過, 暑假好似無聽到佢鬧人了。