小學五年級被發警告信

wwy512

聽日打返學校溝通下了解成件事先!
1)老師整到學生，不論有心定無心，都應道歉，但依家都無法知道老師當時有無講對唔住，所以聽日要同老師傾下
老師都唔應該扯學生件衫，想佢冷靜可以扶學生到一旁，扯衫感覺有點暴力吧!
老師亦應關心學生，學生叫痛一定有原因，有需要就應帶學生去醫療室
2)小朋友話老師衰人係唔岩，但可見諒，試想想，大人做野做得唔開心，被老細話都有可能話老細係衰人啦，其實大家都知道咁係唔岩，不過出警告信就未必是解決既方法
如果小朋友自言自語都要出警告信，咁以後小朋友唔會肯表達自己，因為佢地會覺得講咩都俾大人話
無論點都好，大家互相道歉其實已經可以解決問題，聽日問問學校先再決11定點做吧!

do-re-me

原帖由 breadma 於 13-05-25 發表
不好意思，有事想請問各位意見。早两天體育課時，有位老師踢球向大仔，他反應不好被踢到手指，不知是無情力 ...

千祈唔好影響操行呈分

eviepa

希望樓主改變一下，自己兒子是宇宙中心的想法。

Caduceus

我覺得罰得太重lor,好唔大量

akys

這件事小朋友有錯，但老師的處罰有機會影響升中。無論如何，先藉此機會教導孩子，明白錯在哪裡。男孩子劇痛下說幾句粗話情有可原，但罵老師就不可。處罰是不是太嚴已經不重要，要了解違規會否寫在成績表上，和會否影響5年級操行評分？不建議與老師爭論而且亦不會給雙方帶來好處，應該帶孩子到老師/班主任面前認錯，希望可以把時件淡下來，不會影響操行評分。

aracrofc

唔小心踢親人都可以道歉，地鐵企唔穩踩親人都會自然講句sorry啦

小朋友瓜瓜嘈可以安慰兩句，但扯衣領要他到一邊冷靜，此行為實在不要得，咩老師黎

但也有可能根本無扯衣領咁既事，小朋友誇張左也有，先問清問楚，去了解清楚最好

罵老師衰人，當然唔岩，你同阿仔打波散親佢，佢話你係衰人，洽當嗎？

其實好少事，老師同學生一定無平心靜氣咁傾，老師先會落個咁重手既警告，好似有d罸得重。

去揾個老師了解是一件事，但最重要係同小朋友好好講佢做得唔夠好既地方

breadma

阿仔番到屋企只係話比阿sir踢親，無再話衰人，係當刻痛嘅發洩。我打左比阿sir. 話佢太小朋友，痛都唔應該哭鬧，驚佢上中學比人哈，阿仔係有唔啱，但係咪對師長不敬？係咪要收warning?

happy_lavender

回復 breadma 的帖子

那種處罰才是恰當？這要看孩子當時的態度。或者你可以換個角度諗，若不制止這種由負面情緒帶出的偏差行為，今天是鬧人，他朝可以打人，再發展下去甚至會在盛怒下殺人！那何不現在就嚴厲一點，竭止同類行為？我們可以惱怒，但不能因惱怒而做出不當行為，這才是重點！你也可藉此機會鼓勵及教導孩子如何表達內心感受，使負面情緒得到正面的處理。

我強烈建議要老師為著踢傷小朋友而道歉(若老師沒有道歉，作為家長應出面為他理性地爭取)，因為只有這樣才能釋放小朋友心中的忿恨，算是幫他取回公道，令他的心理發展重回正軌；也讓他知道無論何人犯錯/傷害別人(無論有意或無意、知情或不知情)也要承擔，從而確立正確觀念。

不要以為可以草草了事，我最近上了一個15小時的家長個人成長工作坊，發現很多人成年後的處事態度、行為取向原來深受一些兒時小事所影響，多年後要處理這些情緒和影響，實在極之困難！

happy_lavender

回復 天瑜 的帖子

鼓勵小朋友（其實成年人也一樣）說出感受時，可盡量要求對方以圖畫來形容，會較易明白！

ckymama

一齊玩，唔小心整親人,都會講sorry la. 老師唔小心整親學生，更加要講，做個好榜樣。
小朋友痛，，老師唔係應該安撫佢咩，或者叫佢去醫療衰室休息下，扯小朋友衣服……似爛仔行為，比其他學生見到，有樣學樣，咁點算呢，我覺得老師處理手法有問題，可能佢係新人，唔識處理，如果老師處理得好，小朋友就唔會覺得老師是衰人。小朋友話老師是衰人是唔啱，不過真是罸得太重嘞。

701003

原帖由 kfy 於 13-05-26 發表
本帖最後由 kfy 於 13-5-26 03:07 編輯

不如轉下角度。

同意！只憑小朋友一面之詞，認定老師係罪無可恕未免有所不公

breadma

我有跟進同班主任講，(其實我好apprecite佢比埋自己mobile比學生）我好認同阿仔喺情緒管理要改善，但佢痛緊仲要比人扯以致佢自言自語講大衰人。班主任話呢句係佢口頭憚，如果係唔啱點解之前冇人糾正？包括我自己都唔aware呢句唔講得？好frustrated