小學五年級被發警告信

breadma

不好意思，有事想請問各位意見。早两天體育課時，有位老師踢球向大仔，他反應不好被踢到手指，不知是無情力還是他反應過大，他痛到又哭又跳，該老師扯住他衣領拉他到一邊要他冷靜。下課後他回到自己位置暔暔自語正衰人，有同學向該老師告發，現他被罰寫悔過書及當違規5次對老師不敬及發警告信，罰得啱唔啱？

breadma

嗰日阿仔返到屋企都嗌痛，我以為佢小朋友嗲，尋日收警告信先知咁大件事!好唔開心，今日星期六想打番學校了解都唔得！

happy_lavender

老師有無向小朋友道歉？踢到人要道歉好正常。向學校了解清楚懲罰原因才決定如何做吧！小朋友鬧老師“衰人”就唔好，罰也合理；但未能即時原諒老師踢傷他也屬正常反應，要慢慢開導，無得迫。

Charlotte_mom

了解左件事先。

hadwinboy

下，咁誇張?! 係坐位度自言自語鬧都唔得?又唔係講粗口，又唔係兜口兜面鬧. 老師知道後係應教導及輔導個學生，只記過或發警告信的工作很簡單，同違例汩車比張告票你一樣，但似乎學校是應用教育方法。

Jane1983

聽到而家，係覺得罰得過重，快d去學校了解，吾好拖。

huba

Charlotte_mom 發表於 13-5-25 13:51
了解左件事先。

讚成了解咗件事先，不要過早判斷。

kfy

不如轉下角度。
體育課時學踢波，老師踢球向小朋友，小朋友反應不來被踢到手指，他痛到又哭又跳，久久不能平復，老師唯有扯住他衣領拉他到一邊要他冷靜。小朋友深深不忿，即使轉了堂也不能下氣，繼續罵人。
如果有打過籃球的也見過“穿魚蛋”吧！“穿魚蛋”可以痛好多日！小五都已經是十歲孩子，大概應懂得踢球時有這類意外是好常見的，似乎老師也不會惡意踢波去“散”他吧！痛當然痛，但應懂得不應向別人大發雷霆了。踢球者本來就沒有錯，何需向他“慎重道歉”呢？要怎樣安撫他？還要被罵“正衰人”？這些基本的體育精神，10歲人也應開始學的成熟表現。
如果是我，我想我會把道理解釋給孩子聽，陪他回校向老師道歉，不是為了“息事寧人”，而是希望孩子學會多角度思考，學會體諒別人，這是一個學習機會。

不喜勿插。

ANChan59

我同意你的看法。

加多個角度，如果小朋友當作守門員，老師射向龍門而非刻意射向他的手，又如何？

安格斯媽媽

原帖由 天瑜 於 13-05-26 發表
1）向校方、當事人老師及受影響之同學道歉，為了兒子的失禮行為而道歉。

記得要求校方收回警告信！

同意
上體育課意外難免，老師無錯，學生亦無錯，現在只可懇求收回警告信，經過今次教訓後下次鬧也不可鬧出聲

mybabylove

我個人既感覺，不喜歡可以當冇睇過。

老師、學校、學生、家長都要負上部份責任。

1) 就算老師唔係專登整到學生，就算係學生與學生之間出現問題，身為老師既都要先了解事件，再去安撫學生，處理唔到就交比其他老師了解安撫，而唔係扯住衣領叫學生冷靜囉。即使我地身為大人，比人整到之後重要比人扯住衣領叫冷靜，我相信冇幾多人可以冷靜到囉，更何況係小朋友。

2) 學校應該了解左成件事先，再與家長相討，校方先再決定作出咩程序既處分，而唔係因為一句自言自語既說話而發出咁重既警告信囉，咁樣會好影響學生既心理，影響將來，學校是否可以負上日後既責任？如果我地係公司，單單一句自言自語就段定係講上司/老闆，咁咪比公司炒左好多次？

3) 學生受傷都唔應該即時大跳大喊，痛係有既，但要學識點去向老師表達自己既痛，依家受傷就話有父母係身邊姐，長大後有邊個可以嗲呢？

4) 身為父母，先要了解事件，再安撫及解釋比小朋友知，再教導小朋友一個正確既方法去表達自己既意見，而且可以話比小朋友知，說話唔可以亂講，講者冇心，聽者有意既道理。