小朋友超級活躍，為學術及配合性格，大家會否番兩間K1?

undofei

因小朋友現時那間PN學術方面很全面，我的小朋友很喜歡上課，但校舍很細，要用學校嘅reception位做playground,現時啟思收了她下午班，啟思係活動教學，但課程超淺，要K3才教普通話。我怕如讀這間，上小學會很吃力，但又想她可多點活動空間。
所以心郁郁想上午讀回原校，下午就輕鬆在啟思enjoy。

undofei

這個想法好像有點變態嗎？
第一次當媽媽，什麼都不懂，又想佢開心，但又想佢在學術上有好嘅根底。
大家給點意見讓我參考下，謝謝！
如最後只讀一間，咁大家會選學術好好嘅原校，冇乜活動空間，定啟思嘅開心大家庭呢？？

LL222

如果返一間全日就讚成,
返兩間, 幾時做功課?

w_y

好活躍仲返兩間?!
預留時間俾佢每天有大量運動然後安靜下, 學下樂器之類鍛鍊下專注力好過啦.
至於返邊間, 外人好難講, 你個小朋友既然咁活躍, 我建議如手頭仲有選擇, 揀一間中間路線各樣都平衡的學校, 好過走極端.
以後去見小學, 成績不是一切, 有健康的心靈才是基本.

四隻貓

有朋友的孩子是超活潑, 現正返兩間幼稚園.
我所見也許因為孩子休息和伸展時間不夠, 活潑問題更嚴重了.行為變成有一點過度的活躍....
我以前是傾向贊成返兩間幼稚園, 但現在開始改觀.
幾歲大的孩子, 還是有充分休息比較好. 就算不午睡, 到公園跑跑跳跳伸展一下也較整天困在學校更有益處.

undofei

原帖由 四隻貓 於 13-03-08 發表
有朋友的孩子是超活潑, 現正返兩間幼稚園.
我所見也許因為孩子休息和伸展時間不夠, 活潑問題更嚴重了.行為 ...

我唸住佢咁活躍，下午又不愛午睡，可以下午讀啟思消耗下佢咁多嘅能量。
原來反而會過度消耗，令佢太疲累，明白了，多謝各位意見。

undofei

咁有冇Mami嘅小朋友讀緊啟思？
可否告知上課流程及是否不用做功課。
因想多了解一點，好讓自己決定是否選此校。
謝謝！

undofei

原帖由 w_y 於 13-03-08 發表
好活躍仲返兩間?!
預留時間俾佢每天有大量運動然後安靜下, 學下樂器之類鍛鍊下專注力好過啦.
至於返邊間,  ...

我也很認同你的說法，身心健康是最重要的。咁我會選一所合適她的學校。

fionapangcp

如果你只係覺得而家讀緊的學校活動空間不夠，其他樣樣都好，小朋友返學又開心，咁咪下午帶佢去公園 / 戶外玩活動下，我本人絕對不贊成返兩間幼稚園，才3歲人仔呀！

undofei

係呀！而家間學校好好，我小朋友亦很喜歡。
多謝你意見，我想我的方向更明確了。

shirleysung211

有些直說，如果家長想小朋友好，最好自己教番。返兩間幼稚園實在太辛苦了。

evil

首先我會了解下該幼稚園升那間小學，個人較著重學術多d。