屋村學校全日K1同地區名幼半日點選擇？

一人之下

原本讀緊屋企附近全日N班，仔仔都讀得幾好，自理能力都好好，但屋村校，大部分同學都會到其他比較好的幼稚園升K1. 而仔仔亦考到區內幾有名的幼稚園，都幾難入而且仲是am. 但問題係我仔本來係我媽媽湊的，但媽媽現在有病，不能再照顧我仔了，如果繼續升上原校全日K1, 我只需請個鐘點已經可以。但如果要讀地區名幼，我便要請工人了，因為半日班沒人可以幫我睇住仔仔。而請工人，我奶奶可以間中過來幫手睇住。而小學因為有世襲，所以問題不大的。如果經濟上係可以應付到工人的，你們會怎樣選擇呢？

Toffee888

名幼，請工人啦！

JoSon0709

有世襲，讀邊間都冇所謂。

cat1028

名幼••

小曳人

名幼，因為通常較熱門嗰d名校，功課都較深同多，讀間深d嘅kg打好個底先！第日適應好d

Jane1983

小學有著落，讀邊間都無大所謂。
如果樓主兩個情況都無所謂，咁讀名幼請工人。如果prefer吾請，咁繼續讀全日果間都好。

tszchungmama

一人之下 發表於 13-2-23 22:35
原本讀緊屋企附近全日N班，仔仔都讀得幾好，自理能力都好好，但屋村校，大部分同學都會到其他比較好的幼稚 ...

屋村校吧, 容易照顧

lymchau

小學有著落，屋村校吧

MSmrsKWOK

請工人又要睇彩數，下午放學後又要擔心小朋友同工人一齊時嘅問題，已經有小學，村校比較好

faithmum

好難揀，你覺得安心就得。  錢可留他學興趣班。

rainbowcov

你本身想唔想請工人？
既然囝囝讀得開心，就不如繼續讀，可以自己主力湊返同請工人湊好唔同的，如果村校比唔到某d 野你，可以出去補。

pandabobo

我覺得村校有的仲做得好過名幼，始終唔出名，要更加努力，對小朋友，家長都好好多。名幼好串，唔憂做，電話都無個，聽電話的態度又差，家長的意見佢地通常懶得理。如果小學無煩惱，我覺得村校好，對小朋友呢3年發展都好，起碼開心，家長又唔會谷氣。

LL222

讀返屋企附近全日N班, 老師照顧10000%好過工人。