我比仔激到就快死

安格斯媽媽

你的問題都是很多家庭都會有的問題，升中後他們不會受父母控制，每行一步都要跟他有共識，由升中選校，選班都是他喜歡才會有興趣讀好，否則只會怨你，要同孩子保持良好關係，到現在這地步只可等佢醒覺，佢無學壞已經好好了，起碼都鵝到佢收機，個個細路都沈迷電子世界，無先出奇難得，多關心欣賞希望挽回關係，細路要留意他們，有問想辦法解決，切忌動氣，用朋友關係維持提點，嚴厲他們唔受了。我朋友單親家庭，個仔中五暑假後突然唔肯返學，連出街食飯都唔肯,幾個月都無改善，醫生都唔肯去睇，又唔想媽返工，咁大過知所有野只靠媽，都唔知點解會有咁多隱青，中打機毒?你處境已經好好了

Chau444

不知道大家有否收聽週日香港電台第一台鄧藹琳主持的訴心事家庭, 我自問也是一個嚴厲古板的媽媽, 這節目傳遞了很多青少年的想法訊息, 慢慢我也覺得需要改變一下自己的思維及處事方式, 不能每事只以家長角度出發, 對小朋友亦應予以一定程度的信任. 希望大家有時間抽空聽聽(也可節目重溫), 最近也有提及網絡問題, 值得我們去了解.

天山

亞仔今日同我講.問我系吾系覺得佢很差.佢話現在好象他這年幾無幾個識煲飯.幫手拖地，我已經好好啦!吾信你問下人啦.其實我吾系要這樣，叫佢做呢樣果樣都系吾想佢成日打機，呢啲只系一阵工夫，放學即打機，星期六，日又系打機，佢有尊守夜晚9:30分鍾關機，我無直口娥佢，但我見佢成日坐系電腦度很不開心，佢同我講考試成績幾多幾多分，已經吾錯啦，其實系幾科吾合格，其它都只是中下，因我講過吾用迫佢讀書，無心機听佢廢話，怕自己認吾住發脾氣，

天山

佢每講一科我只系，哦，哦，咁佢又話我無心听，唉!咁嘅成績想我比乜反應呀.吾識做人啦，我而家渣頸就命呀，

kilykilyk

hkbbq 發表於 13-1-10 12:21
我是一名父親, 我都覺得現在的小孩與我們那一代差不多, 所以, 我們盡量改變一下自己. 我個仔今年中三, 是英 ...

我都係咁,佢鐘意睇咩書就一齊睇,鐘意玩咩GAME就一齊玩,
屋企有好多嘢都會問佢意見,等佢都要關心下屋企同家人,
現在呀仔暫時都著緊屋企人,暫時很聽我們意見。

moon88

妳應該慶幸他仲肯同妳說心底話.

Ceci333

天山 發表於 13-1-20 22:52
佢每講一科我只系，哦，哦，咁佢又話我無心听，唉!咁嘅成績想我比乜反應呀.吾識做人啦，我而家渣頸就命呀， ...

問題就在這里: "咁嘅成績想我比乜反應呀" !  你一方面又話不再逼佢讀書, 一方面又比訊息(你的反應表情)話佢成績不好. 又話吾想聽佢廢話.... 其實佢是需要你支持和鼓勵.  可以正面d, "都算OK架啦, XX科都不錯, 下次再比心機會更加進步, 亞媽撐你架, 有需要就出聲啦, 例如補習之類"

其實你兒子是很乖仔的, 肯依時收機, 肯和你溝通, 只要你不太多要求(要成績不錯, 行為好, 做事有條理才滿意), 多多欣賞, 他的動力自然回來.  真是不要在心里常用'廢人","廢話"之類的用字啦.  當你對兒子有要求的時候, 可以想想自己也不是那么完美(例如一個完美媽媽可能是入得廚房, 出得廳堂, 又返工又煮得一手好菜, 把家打理得頭頭是道也沒有怨言, 說話溫柔, 善解人意, 常常微笑, 很有耐性, 你又能做到幾多?  ) 既然自己都不完美, 兒子也沒有要求你要做到怎樣怎樣, 要像某某同學的媽媽那樣, 所以你都不要對兒子太多要求.  你只要這么想, 就自然有耐性聽兒子說話了.  

天山

如果我吾娥仍,管佢,佢有很多廢話同我講.做我心理尃家.吾應該唸野咁負面,話自己未開"曉",未搵到目標.以前佢想做暑期工搵錢.我吾贊成,怕佢搵少少錢放棄讀書.又怕識D吾好既人.我現在改變想法..比佢去做捱下先知辛苦.撞下板.怎做先正路呢?

tinetinew

好老實講，你知你要求你仔係點，你仔亦知要求你係點，但大家都冇滿足到大家，大家都冇為大家行果一步，你做家長如果你想你自己仔好，你應該先行果步-用心聆聽，如果關係改善咗，你仔開始信任你，你仔自然會聽你教誨，當然有幾成貨仔都要收貨。
我仔中二時曾經沉迷電腦，對自己學業冇要求，話合格就可，我當時話佢話到斷氣，我講乜佢都當耳邊風，我唯有唔再鬧，用正常語氣同佢講，只要你對得住自己就好，你付出幾多，你收成幾多，你自己諗清楚想讀到中六定想升大學，請你諗清楚，這是你自己的路。我當時成日收到學校電話，曾經見過班主任、社工，我見完沉住氣冇鬧仔，依然買送煮亞仔喜歡嘅餸。其實佢咁大自然有佢諗法，當然佢諗法有錯，做家長有責任指正錯誤，不過要選擇合適時間教導，不是放棄！
我要落車，遲些再寫

天山

星期六晚我煮緊飯佢先同我講約左人要出去旺角食飯,我話你又吾早D講已買左你最中意既魚.之後佢唸唸下就話吾去啦! 我話你想去就去啦, 最多第日再買過.跟住佢又話去喇.到佢就來出門我問同邊個去,佢話打機友.年幾都大過佢,有D讀緊書,有D返緊工,約左十幾人打邊爐,我就吾多中意佢同呢班人一齊.同學就OK.呢D只是網友,網上傾好喇,出去就吾好啦,你有乜事我點搵你,網上咁多人,佢話我睇新聞太多,唸野都負面過人,吾出去點識朋友呀,識多D人圈子闊D吾好咩,識個朋友都有限制,我吾同你講都得嫁.下次吾會同你講喇,我吾出聲.之後佢都無出去,

tinetinew

原帖由 tinetinew 於 13-01-21 發表
本帖最後由 tinetinew 於 13-1-21 16:20 編輯

好老實講，你知你要求你仔係點，你仔亦知要求你係點，但大 ...

佢成績出咗，當然係唔好啦，我冇鬧佢，佢好驚訝，我解釋俾佢聽我嘅想法，係中三我覺得佢比中二時勤力好多，起碼揀到佢想讀果d科！我仔宜家係中四生，佢邊科覺得唔得，佢會要求我搵補習，，以前係我迫佢去補習，等於掉錢去咸水海。宜家佢會分享佢一d學校生活，當然冇全部，我亦會係上網見到一些有用資料Whatsapp 俾佢睇，之後分享我一些想法，宜家大部分時間總算肯聽我意見再自己分析，不過我有時諗當年我亞媽有好嘅資源（如補習，課外活動），我未必有我仔宜家嘅學術成績！所以我見好就收，會俾多d鼓勵，不想佢太大壓力！
暑假工-我仔就十六歳，曾經我有種諗法就係俾佢捱下，不過最後我覺得，除非你搵到份文職俾佢做，否則以佢歲數佢嘅學歷，佢最多只係搵到飲食業如麥記，佢返咗工，佢以為自己大個，到時去夜街去玩，就冇得返轉頭，所以唔好為咗一時之氣咁做，唔值得，呢d亦係我同我老公嘅共識，除非你仔定力夠!

天山

tinetinew 發表於 13-1-21 17:01
佢成績出咗，當然係唔好啦，我冇鬧佢，佢好驚訝，我解釋俾佢聽我嘅想法，係中三我覺得佢比中二時勤力好多， ...

我仔未夠16歳,佢想快d夠年齡可以做暑假工.佢就系想做飲食業同麥記.早幾年已經同我講定先,我反對.我既担心,同想法同你一樣,要做只可以做義工,或文職.文職無可能搵到,義工無錢佢吾會做,之前逼佢補習，等於掉錢去咸水海你講得啱.佢亦有同我講,叫我吾好浪費錢,補習對佢來講無用,佢想讀書上堂尃心听已足夠.睇佢自己,佢也想讀好書.但是做吾到.最後我同佢講有需要補習出聲,亞媽支持你,得啦!要補習先同你講啦!

天山

佢就系定力吾夠我才担心,好易受人影響

sbb3

我覺得是打機出事. 長時間打機會好易發脾氣. 我諗你要慢慢改變他. 你EQ都要高. 上星期我屋苑有個11歲女孩, 比阿媽駡不停打機, 拿刀出來, 阿媽報了警.

Ceci333

比多些信任和欣賞呀仔, 等他不用向外尋求.  網上識的朋友好危險.  十個中只要有一個立心不良就麻煩啦.  正面d.  暑期工都危險, 尤以飲食業, 真是什么人都有. 另識得有人因做暑期工識了人變壞.也有朋友青少年兒子在網上識了三十多歲大陸女子同居了. 小心.  

yovin

你只要真心地對兒子說對不起 , 並承認自己的錯! 他更不会刻意激了。這是改善關係開始ｏ
要放手 , 焦點放在自己身上 , 你的世界只有他 , 這年紀他是不会珍惜妳。
信任他 , 只讓他知道有乜事發生都好, 会撐佢。
現在去打下他玩的电腦遊戲 , 進入並感受他的世界。請不要拒絕文明。

joyjoyparent

回復 天山 的帖子

《僱用兒童規例》      
附屬於《僱傭條例》的《僱用兒童規例》規管在所有行業僱用兒童的事宜。兒童是指不足15歲的人士。規例的主要條文包括：        

• 禁止僱用未滿 15 歲的兒童在所有工業經營內工作。
• 13 歲及 14 歲的兒童可受僱於非工業機構內工作，但如他們未完成中學三年級課程，則須接受全日制學校教育及符合其他旨在保障他們的安全、健康和福利的條件。
• 禁止未滿 13 歲的兒童受僱。然而，為了發展藝術及培訓人才，勞工處處長可特別批准兒童受僱為藝員，並訂定某些嚴格的條件。
  

《僱用兒童規例》不適用於與根據《學徒制度條例》(第47章)註冊為學徒的兒童有關的情況。

天山

呢排佢同我講多左學校d事,打電話叫佢煮飯,煲燙.很爽快.昨晚被我破壞了,事情系咁嘅;平時9點幾關電腦,跟住玩手機.拖到11點先沖涼.12點入房瞓.琴晚先知(佢講)原來佢仲要上網追台灣劇集.睇完都1點啦.我話咁樣吾夠瞓喎.佢都覺得系.上堂有選擇性瞓覺,大部份中學生都系咁,我當時無發脾氣.對佢講咁樣吾系咁好.電視8點播放,網上10點應有得睇.你10點前沖好涼,用電腦睇(無咁傷眼)11點都可以瞓啦,佢也認同,拖到10點未離開電腦.吹幾次最後我發脾氣話再吾沖涼掹wi-fi. 仲要駁嘴,11點幾我出來睇佢瞓左未.見佢又系度睇波,我話佢就講剛剛睇完.你地認為我應吾應該生氣呀?夜晚我想早D瞓,但吾敢瞓.怕無人提醒佢都吾知要幾夜,只有系度等等!

moon88

現在情況未算很壞，試一下用相反方法.