懷疑小朋友有感覺統合問題！

tsimtsim

什麼是OT?

Catonmama

回復 tsimtsim 的帖子

應該是職業治療師呀...可以做感統的評估

Catonmama

回復 Vichang 的帖子

請問你仔仔係點樣情況你懷疑佢係自閉? 因為我仔仔係之前要面試n班o個排去太多陌生環境情緒差d...因為佢係一個好sensitive o既bb, 由細到大有時我地大聲d講野佢都可能會以為話佢而喊, 依家過左佢又好似冇咩野, 同其他陌生人都有目光接觸, 有時仲會微笑, 不過如果佢地想抱佢或者俾野佢佢都係唔鍾意, 但係如果係小朋友又好似好d..唔會撥開人..可以大家一齊玩玩具。

Vichang

你囝囝好似我囝囝呀，我都係開始去in PN 就發覚佢同其他小朋友好唔同，去到課室就想走，但係一出到走廊、樓梯又冇乜嘢。社交方面唔中意睬人，但係見到街外人揸住I,, phone, or food 佢都會睬嘅。冇乜眼神接觸啦,anyway, 佢情緒、社交、感統都欠佳。仲有佢去上pg唔肯聴指令，只識哭，發脾氣。

Vichang

仲有而家佢開始唔中意陌生人掂佢啦，會嗌呀。

Catonmama

回復 Vichang 的帖子

我之前都有諗住幫阿仔o係私人做全面評估的, 但係o個時個姑娘話佢仲係細(16個月), 可以等到歲半先, 所以做左個初步評估, 懷疑佢感統同言語方面同社交方面有遲緩, 依家因為大口環o個邊排緊做full assessment, 所以我唔想再o係私人幫佢做全面評估了(因為都好貴), 只係約左職業治療師24號幫佢做感統評估, 諗住如果有training都俾佢做住先, ~~

咁你小朋友有冇pn offer呀?

Vichang

幸運地，囝囝都有3個PN offer, 因為呢3次咁啱冇乜發脾氣，同埋我in 得好

我囝囝感統應該都有問題，不過在我自己覺得佢應該搞好情緒眼神先可以會學到嘢，從而有improvement....我而家都排緊協康同心橋做個人訓練。都要等2-3個月架。未來仲有好多錢要冼.....

hindip

眼神和情緒與感統或有關聯。

例如: 感覺過敏，特別是觸覺，聽覺，嗅覺的過敏與情緒關係最密切。

而眼神接觸有令神經系統緊張的情況，所以亦與感覺過敏有關。

Catonmama

回復 Vichang 的帖子

你就好了, 我仔仔in左4間, 有兩間waiting, 兩間等緊result, 不過應該都冇了, 因為佢in o個時有喊到~~ 來緊都仲有幾間in, 希望會有希望~~

我都覺得我仔仔有感統問題多d, 因為佢又唔係全部陌生環境唔鍾意, 就算係入去d鋪頭, 有d完全冇野周圍望o下野..有d一入去就唔鍾意會喊, 去搭mtr, 大堂依家會播d音樂架ma...有一首佢又唔鍾意, 但係平時o係屋企佢又好鍾意聽音樂的...有一次入左一架後門o既lift佢又好似有d驚咁....可能佢d感官好sensitive, 我地大人覺得冇野的, 佢唔鍾意...我下星期一做完感統評估希望會搵到答案啦~~

我另外都有約協康做言語評估, 冇錯呀...來緊真係大把$$要駛, 不過為左仔仔, 咩都要~~

Catonmama

回復 Vichang 的帖子

想問o下你排緊協康o個度係做咩個人訓練呀? 你係咪之前已經o係佢o個度做左評估啦?

Vichang

我什麼評估都未做，只係去左政府排CAC及下月去私人做，好貴啊。但係我去左自閉寶寶果邊睇左好多資料，自己心裡有數自己囝囝情況....
我in 左好多學校，有成8間？! Anyway, waiting list 都有機會排到架，dun worry

Catonmama

回復 Vichang 的帖子

我今日o岩o岩做完感統評估, 話阿仔係觸覺敏感, 所以會比較怕接觸陌生o既野, 個人比較defensive, 不過個治療師話由於其他感官同交流都可以, 同埋小朋友都仲係偏細, 所以都叫我做o下d家居訓練睇o下幾個月後有冇改進。你都唔駛太擔心, 我阿仔之前一兩個月情緒好差, 最近好似突然之間咩都成熟左d..情緒好左, 對陌生環境快左好多claim down..雖然都會喊o下一陣....可能係我最近多左帶佢出街, 去公園...可能你小朋友同我o個個都一樣, 比較遲熟，同埋天生比較敏感。我自己都有睇過d感統書, 有時有d感統問題都會令到個小朋友有d令人懷疑係自閉o既sympton, 不過做完評估的確會安心好多, 希望你仔仔都健康快樂!

Vichang

謝謝你的解釋，但係我囝囝跌倒唔喊，我會認為係感統弱。咁佢唔會又弱又敏感架？

tsimtsim

想問下在那裡做評估，費用多少？評估是用什麼方法？謝！

pinkdoll

Vichang 發表於 12-12-24 18:55
謝謝你的解釋，但係我囝囝跌倒唔喊，我會認為係感統弱。咁佢唔會又弱又敏感架？



  ...

感覺統合有七種, 前庭, 本體, 觸角, 嗅覺, 味覺, 聽覺, 視覺; 有啲小朋友係混合型, 可以其中有些感統是敏感, 有些是遲鈍.

你仔仔跌倒唔識喊, 可能是本體感遲鈍.

不喜歡被陌生人摸/掂, 可能是觸角敏感.

都係個句, 要找專業ot去幫小朋友去做評估及判斷.

hindip

原帖由 Vichang 於 12-12-24 發表
謝謝你的解釋，但係我囝囝跌倒唔喊，我會認為係感統弱。咁佢唔會又弱又敏感架？



  ...

會架，就算係同一種感覺都可以係既緩慢反應 (underresponsive) 又 敏感 (overresponsive)。

OT 會講解俾你知。唔明問到明 !

Vichang

謝謝。不過我而家只係安排了自閉証評估，好貴，因為我一直以都覚得囝囝似自閉（冇眼神接觸，去到陌生室內地方想走，叫極唔應，之前中意玩車轆，而家冇玩但中意睇電梯數字和一定要見到度門關晒先行開，固執行為如用開奶嘴唔肯轉飲管學習杯），咁其實我一路都覺得佢點解撞到頭唔哭架。

Catonmama

回復 tsimtsim 的帖子

我o係step度做, 由職業治療師o係個感統室度幫小朋友做各種動作, 俾唔同o既野佢睇o下佢o既反應咁樣, 佢都會問o下你小朋友日常o既一d反應再去做評估, 詳情你都可以去佢地homepage睇o下, 有埋價錢的~

hindip

tsimtsim 發表於 12-12-25 23:20
想問下在那裡做評估，費用多少？評估是用什麼方法？謝！

那裡做評估:
協康青蔥，扶康牽蝶，耀能， 保良，基教，靈實，等NGO 都有OT 做感統評估及治療。
記住要搵 OT 或 有 SIPT cert 的註冊治療師。


費用多少？
$ range from $1XXX to $2XXX. depends on 機構及評估節數。



評估是用什麼方法？

就感覺統合而言有 3 - 4 方面的評估會進行。當然亦會因應孩子情況/ 機構而有所不同:

1. 問卷/ 電話面談 : 從標準化的問卷在未面談前了解孩子的感覺統合情況和家長的關注

2. 臨床評估: 在特別設計的感覺統合治療室中，透過孩子主導，OT 引導的遊戲模式觀察孩子在感覺方面的喜惡強弱。

3. 臨床測驗: OT 因應個別情況及家長關注挑選的。例如:神經系統的測試，嬰兒早期反射動作統合情況的測試，大小肌肉發展的測驗，動作計劃測驗... 等等

4. 生理情況變化的量度，如 副交感神經系統，和交感神經的活躍度。

但若感統問題是針對某一方面影響，例如書寫 / 情緒/ 管教，則可能需要其實評估，如書寫評估，視覺感知，依附行為... 等等。