崇真主流部vs聖母

ABCdoreme

兩間都有band 2A 中學back up,
崇真升中屬深水埗網， 聖母黃大仙網
但崇真語言環境好d, 學術強D， 不知這樣分析是否正確？
另外崇真主流和國際班升中分別大嗎? 需要寫求位信轉國際班嗎?

elizatyy

一間基督教、另一間是天主教、有concern 嗎?

onepiece

我估樓主可能有D地方唔解，而有D地方唔清楚。
唔好靠感覺或聽人講，最實際是check吓崇真band1%有幾多，而聖母band%有幾多，比較一吓就知邊間真正學術好D。
直屬中學都係，官津直屬和直資直屬分別可以很大，亦要弄清楚。

ABCdoreme

宗教不是考慮因素
不過崇真較多net, 感覺上較吸引
另外崇真簡介會上看到今年DSE 和末代高考成績幾好， 但我沒有到聖母簡介會， 可否分享一下聖母成績？

onepiece

原帖由 ABCdoreme 於 12-11-13 發表
宗教不是考慮因素
不過崇真較多net, 感覺上較吸引
另外崇真簡介會上看到今年DSE 和末代高考成績幾好， 但我 ...

首先要拆開小學和中學睇。
評估小學學術，主要是參考band1%及英中%
之前有個post 講崇真首志願有49%, 按此推算band1%就可能是40%(不過我無花時間數過，或許我地就樂觀D當有50%band1)
而聖母小學在黃大仙區出名是學術（無論英、數）水平高，band1% 是三分之二，band1+band2就有99%以上。升中是93%首志願，97%英中。

直資直屬和官津直屬的分別：
如直屬中學是官津，小學所有學生都會參加＂自行＂，而在＂統一＂部分，直屬中學的85%位會先作保留位，直屬小學只要在乙部首志願填直屬中學就可使用保留位。在聖母的case, 成績較好的會在自行考到其他中學或在乙部填區內其他一線band1中學，餘下的就會用保留位上直屬中學。
如直屬中學是直資，學校會事先把直屬中學offer給予小六學生（基崇的case 是70%成績較好學生先有offer，換句話説真正最需要offer，成績較差的學生是不能升基崇的）。而有offer的小六學生就要決定是否接受offer，要決定放棄offer先有得玩自行和統一派位，唔似得官津直屬可以係唔係都玩自行。

ABCdoreme

我印象中onepiece 的女女在聖母讀緊， 有沒有崇真的用家第一身的意見？

Michelle_Hung

俾我會選聖母, 成績同保障較優勝。
崇小net係多, 但主流都只係英文堂先接觸, 咁你都可以話語境好些。 成績不是崇小強項, 崇小係比較free同注重學生全人發展, 睇你想小朋友條路點。國際班係另一個picture, 其實可以話係兩間學校。老實說如果去年是主流部offer, 我不會留在TT, 我另一個offer同你現在情況差不多, anyway 自己考慮清楚
我係TT國際班家長

onepiece

更正，我囡囡唔係"讀緊聖母"。本來唔想講太多，只係在另一個post見到有個家長最初入崇小，一心諗住入基崇，點知到升中先知只收70%成績好的學生，很是無奈，所以只想提醒家長這一點。
其實選校好個人，亦唔係浄係睇成績，當妳睇完數字，知道細節，都無改變看法，妳就知道自己其實喜歡邊間。其實所有嘢都係次要，其他人點講都無所謂，最重要是妳囡囡喜歡，而妳又信任間學校，那妳的孩子已是最幸福的孩子，而妳亦是最幸運的父母。

chung222

我都有留意崇小成績麻麻，在升中list内有d係band 3 添

Michelle_Hung

咁講啦, TT好少因為成績"勸說"學生離校, 留級都有的, 相反好多時是家長"嫌"佢唔夠谷唔夠深自己走。我有朋友個 case係2個女在崇幼畢業, 2個個都考到其他私小, 1個在TT山腳果間, 無問題, 1個在另一女私小, 壓力太大日日喊, 最後插班返去TT, 據說即刻成個人唔同晒, 開心返有心機讀書。所以選校都要配合小朋友性格, 谷得, 谷下係好啊, 日後條路好行些, 唔谷得的, 無晒動力學習或只是提早摧毀佢自信心絕對不是好事。

chung222

回復 Michelle_Hung 的帖子

好贊同你的講法！如小朋友谷得，谷下無防！好似我個囡勁鍾意做功課

jessielui2004

Band 差唔多, 但係升中形勢好唔同:


祟真 - 只是聯繫學校而唔係直屬, 升回原校沒什麼保障.
           (睇今年祟幼好多學生返唔到小學部就知!)

聖母 - 有直屬中學, 升回原校有保障, 分分鐘成績好 D 既
           可以博下升 band.

所以我都會簡聖母! 雖然可能家長會考慮到該校的環境
以及課外活動會不及其他小學, 但小朋友應該從一個簡單
及樸實的環境中長大會比較好 D !

ABCdoreme

謝謝你們的回覆，可能聖母距離我家遠一點 (其實也不是太遠 )， 所以我先hesitate 啫
Michelle, 我想問問國際部waiting 變正選機會大嗎? 國際部升中又如何？ 我見另外有個類似的post 但冇人答， 謝謝解答

elizatyy

崇小很用心辦學、小朋友很快就愛上小學生活、愛主愛人。

elizatyy

崇真學費好甘、要睇吓自己是否可以應付到。

悠揚

學術似乎聖母比崇真強. 上網睇, 好得意, 崇真家長對學校有讚有彈, 聖母相對家長對學校較正面.

不知有沒有多點聖母就讀的用家講一講聖小水平, 只知好似英文, 中文教快半個學期. 比較嚴.

男仔頭

我鐘意崇真語境好，愉快學習，唔谷！如果升中成績好可以考其他學校！今時今日好多學生學好多興趣班，補習班之類，寧願學校唔谷我自己谷佢好過，起碼唔駛受學校壓力！

不過崇真學費唔平，呢樣先係最大問題！

Jane1983

回復 elizatyy 的帖子

國際部幾多錢？

elizatyy

Jane1983 發表於 13-10-19 18:29
回復 elizatyy 的帖子

國際部幾多錢？

國際小學部$56890

http://applications.chsc.hk/psp2013/sch_detail2.php?lang_id=2&sch_id=283