兒子小二..是邊緣讀寫障礙, 可怎樣幫助他?

hindip

有無做過 Irlen Syndrome Assessment ?

loklok0104

Fanny媽媽 發表於 12-11-5 15:18
如題! 可否分享一下?
謝謝!

如屬邊緣讀寫障礙, 小朋友當大大下, 到高小時情況會有所改善, 亦可能有機會大躍進, 辛勞及努力會得到回報.

有讀寫障礙小朋友係學習路上一定會崎嶇，問題會不斷在浮現，專注力弱、文字處理弱、思維邏輯弱、記憶短暫等，往往花好多心機、時間，重復又重復溫習，但得出結果總是猛車邊或不合格，令人覺得好氣餒，感到無助, 但只要有父母體諒, 支持, 為孩子身邊引路...是重要關鍵。當然亦要有老師既鼓勵及扶持, 才可令學習路上得到協助及舒緩。


我小朋友今年P6, 兩次呈分有A, 有B, 成績屬中上, 我已非常感恩, 你要多鼓勵小朋友, 激發佢地勇往直前!

loklok0104

係低年班時中文字要用拆字+故事形式, 英文可用像形化+拼音, 呢兩個都可以幫助初小時串字及記字

dontaskme

May u pm me the info too?

SaBB

原帖由 puichun_law 於 13-01-03 發表
回復 bmw123 的帖子

近期我見扶x會有新課程..學生係懷疑個案都得..又有家長課程..有興趣pm我..我俾個間機 ...

可PM我嗎？謝

olima

小童群益會有個班，叫文字小博士，合幼稚園高班或初小，教方法寫中文字。

rean_chau

原帖由 loklok0104 於 14-01-14 發表
如屬邊緣讀寫障礙, 小朋友當大大下, 到高小時情況會有所改善, 亦可能有機會大躍進, 辛勞及努力會得到回報. ...

你係我既鼓勵。雖然亞仔由做評估，但我知結果差唔遠，佢情況同你講既一樣。我由最初既沮喪絕望，到接受現實，再調整方法。成日嘗試新方法去幫佢，到左下學期後半部，認字突然神速左，以前只認到詞語，到現在可以單字認到，我覺得呢個進步好大。連帶最弱既數學文字題都睇得明曬。

有好多朋友成日叫我做評估對症下藥，但我覺得讀障係長期戰爭，家長推動先係最大既力量。我參考好多書藉，請教老師(但原來好對老師對讀寫障呢樣野唔係好認識)，再加上亞仔都好合作，我有信心我地可以克服呢個困難。

loklok0104

真的替你感恩大家一齊加油

loklok0104

你而家嘅收獲係剛開始，未來之路將會有更豐收嘅收獲

red_gunner

Fanny 媽媽，可pm嗎？大約費用多少！

小星兒

Esther_Rachel 發表於 13-10-21 22:25
大家有沒有聽過以Davis課程去治療讀寫障礙,不知道有沒有用及價錢多少?

有呀！這是國際認可的讀寫障礙 Program, 叫做Davis Dyslexia Correction Program, 如有需要可PM聯絡資料給大家~

curly

loklok0104 發表於 14-1-14 14:21
如屬邊緣讀寫障礙, 小朋友當大大下, 到高小時情況會有所改善, 亦可能有機會大躍進, 辛勞及努力會得到回報. ...

Can  you teach me how to do?My kid is now at P5, don't know how to help him?
His level is at band 3 .

dudu19812002

請問可以pm資料給我嗎？我細女都係邊緣，學校唔太理

evitalcm

我想問吓, 你地講o既邊緣情況大約係點呢 ? 我個女小二, 中文方面讀書寫我覺得可以, 字體唔靚，只是有時o的筆劃唔係幾aum 係真ｏ既，　英文係最難攪，比佢記完串好有時第二日又好快唔記得．　連ｏ的好基本ｏ既英文生字如mother, birds 睇完講咗過多幾日可能又忘記．要不斷日日重溫問就冇問題，但佢記佢喜歡ｏ既事如電視歌曲有時一ｔａｋｅ　就記得．　到底我呢ｏ的　ｃａｓｅ　佢是否屬於你們所講ｏ既輕度讀寫？

rean_chau

原帖由 evitalcm 於 14-12-03 發表
我想問吓, 你地講o既邊緣情況大約係點呢 ? 我個女小二, 中文方面讀書寫我覺得可以, 字體唔靚，只是有時o的 ...

你個女同我仔情況有少少似，又係好快唔記得識左既英文字，對於長既字更加係吃力。我準備左大量字咭仔，每日串五到十分鐘，就算好簡單既都要重複咁串。長字就斬件，接龍咁同佢玩，一人一個字母，佢會容易認得。佢英文默書一般都有九十分，測驗考試就八十分以上，有時失手就七十尾咁。

KanO

好彩搵得返, 近排睇左下面份報導, 值得同大家分享下!
-----
讀寫障礙學技巧 [節錄於晴報]
以讀寫障礙為例，普遍家長未必領會子女面對功課時，處理文字的困難。陳卓琪曾獲美國學障治療師資格，本身有讀寫障礙，明白孩子的細微學習需要，像Printing Style（文字編排模式），單是老師用的題號如「1.」中，1後的是否英文Full stop也會令學生混淆。當然老師改用題號1）可減少歧義，但未必所有老師明白這些細微處，輔導班便按個別需要教導學生解決問題。導師簡希彤補充：「像教孩子用卡紙蓋着字母逐格移，遇到標點便停下，用框縮窄視綫範圍，幫助學生看清楚。」
泥膠砌字作辨別
孩子閱讀文章，不論長短多少也有抗拒，其中一個原因是認識的詞彙不足。「如果他們一句內已有很多字不明所以，又怎會有興趣閱讀？」陳卓琪會先請學生將不明白的詞彙圈起，逐步解決問題。好些學生難以辨認字形，如大楷I和小楷l，直接影響串字、讀字，她能猜到學生分辨不到哪些字，然後即時糾正，並且用特別方式幫助學生辨字。「如用泥膠搓出字體，還有On和No，可砌意思，請學生講出箇中分別，學生要知道字形、讀音才可串字，明白詞彙意思才會應用，這點很重要。」
至於作文則會用Mapping方法，整理好意見。以「旅行」為作文題目，導師會先引導學生將不同旅行地點分類，再延伸至當中的活動。「很多時候他們有很多意念，卻不懂整理次序；另外，遇上不懂的字便停下來……由他們寫下一大段字，當中不懂的詞彙可以畫圖，慢慢才加入文字。」
獎勵助達標
就算讀寫障礙，人人也有不同問題。因此面對學障兒童，陳卓琪強調按個別需要：「不是你有專注、行為問題都用同一套方法解決，必須常常改變。不過，有些方式可一起使用，像Reward Chart，（專注力不足）孩子可坐在椅子上多久，便有貼紙；一分鐘內完成一條題目有獎勵，慢慢再延長其可達到（目標）的時間，這要循序漸進。」當孩子找到合適方法，家長在家跟進亦相對較易。

http://www.skypost.hk/%E8%A6%AA% ... %BD%E6%95%99/162598

babypigpig

在家長日當天，老師說懷疑兒子是讀寫障礙，可以排隊做assessment，並說學校有ST可協助。
在工作中，接觸很多特殊學習需要的兒童及青少年，坦白說，有時教導兒子功課及學習，也感十分吃力，但也不至於是學障。
問老師的情況如何，她表示兒子上課專心，但答問題不對焦。此外，最近一次小測，全班同學只有2個未能取得滿分，其中一個是我兒子。其實兒子中文科的表現一直可以，只是是次考試閱讀理解5X分(班內有十多位同學也不合格)。而老師表示兒子只是小二，而小一升上小二是需要適應的，另外這位老師11月剛放完產假回來，老師說小孩子需要時間適應新老師。
被老師越弄越糊塗，究竟是適應問題，學障或....
家長日後，感到無限壓力，同時感到老師將成績未達標的同學label。

irenelwl

小女剛在私家機構評為讀障，我在北區居住，不知附近有沒有機樣有提供相關訓練。另何謂邊緣性讀寫障礙？評估分數幾多是邊緣？