自理問題！

bbpigbb

我小孩己5歲了自理很差，而且很擔心上小一會出現問題，請問有沒有機構有自理班呢！

mckm2007

可否講下點差，睇下可唔可以比啲意見！

why-me

你要教佢做、迫佢做，唔好嫌阻時間幫佢攪晒

pinkdoll

bbpigbb 發表於 12-10-29 17:16
我小孩己5歲了自理很差，而且很擔心上小一會出現問題，請問有沒有機構有自理班呢！



  ...

a仔係要人逐個逐個step 拆到好仔細, 然後慢慢咁教 先會慢慢學識......有些小朋友更加要用圖片逐張逐張做提示才學到.....正常小朋友半個月就識既嘢, a仔可能用半年以上才開始掌握到都未定, 所以方法及耐性好重要.

其實a仔既特性係固執, 有規律, 如果你教咗佢一些日常生活既程序(e.g. 自理, 做功課) 佢哋係會做得好好的. 另外, 不要假手於人, 要在家日日自己教, 這是最湊效的方法.

bbpigbb

1）我個仔去廁所時不願意用手點V V仔，時常整濕條衭，有時攪到在公共地方除衭及引發情緒出現。

2）時常攪到最急才會叫去小大便。

3）食飯時不願食大件食物。

4）也不願意自己穿shoes & socks。

所以我想快D處理他自理問題，免在學校發生不如意事。

bbpigbb

請問邊度可以找到學習圖片來教小朋友呢！

pinkdoll

bbpigbb 發表於 12-10-30 22:57
請問邊度可以找到學習圖片來教小朋友呢！

要自己做的 最好用小朋友的樣子來做 幫他影相  逐個step影相 將相貼起 他每天望住啲相然後跟著相片去做 不要操之過急 一定要按步就班 每做到一個step 就有獎勵 讚賞

pinkdoll

bbpigbb 發表於 12-10-30 22:48
1）我個仔去廁所時不願意用手點V V仔，時常整濕條衭，有時攪到在公共地方除衭及引發情緒出現。

2）時常攪 ...

1）我個仔去廁所時不願意用手點V V仔，時常整濕條衭，有時攪到在公共地方除衭及引發情緒出現。你是指一濕咗衭小朋友就要除? 如果是的話, 這是感統既問題, 應該是觸覺敏感, 是因為感統出現問題而引發行為及情緒問題, 要幫小朋友脫敏, 搞好感統, 這方面你要資詢專業的職業治療師.

2）時常攪到最急才會叫去小大便。你試下定時定侯帶他去洗手間小便, 不要等他示意才去, 當然, 用埋圖卡, 重複又重複同小朋友講, 小便要去廁所架, 指住啲相. 另外, 教他摸小腹位置, 讓他感受小腹脹起的感覺, 即是小便的感覺是如何? 大便都是, 每天定時叫他去坐馬桶大便, 無都要定時坐下(e.g. 6點), 慢慢佢就會養成6點去大便.

3）食飯時不願食大件食物。同樣, 口肌有問題, 屬於感覺統合.

4）也不願意自己穿shoes & socks。同樣, 做相片, 逐個逐個step教他. 一定要按步就班, 首先學脫鞋, 然後是著鞋. 真係學到了, 才開始教脫襪, 最後才是著襪. 另外, 穿鞋及襪都講求專注, 手眼協調, 空間感, 小肌大肌, 所以唔可以一開始就教穿鞋及襪, 要練咗啲基本功先, 其實是好複雜既.........

所以我想快D處理他自理問題，免在學校發生不如意事。

bbpigbb

Pink doll, 好多謝你指導。

bbpigbb

Hi pinkdoll
由於我家小兒專注力很差影響很多嘢都做不成，在專注力問題有什麼方法呢！

Surveyor

專注力問題

resolve by SI or OT personnel treatment.

for 自理班

研究社 有自理班 $300 for 2 hour in every pm Mon-Fri for year 2 to 5

bbpigbb

請問SI是什麼？OT 是否職業治療。

pinkdoll

bbpigbb 發表於 12-10-31 10:02
請問SI是什麼？OT 是否職業治療。

SI 係感覺統合

ot 是職業治療

基本上 家陣ot治療師 除了訓練小肌 大肌外, 亦會處理埋小朋友感統問題.

其實, 你個仔有沒有接受任何training? 建議你積極幫小朋友搞好, 感統, 大肌, 小肌, 自理, 專注, 情緒等各方面才好上小一, 千祈唔好心急諗住上咗去先算啦.....不然, 不止小朋友辛苦, 你都會好辛苦, 因為hk既小學並不是人咁品.......

你想想, 如果你甚麼都未ready, 什麼都不懂, 失驚無神扔你去外國, 你會不會不知所措?.....你會不會好驚? 另外, 小朋友係會知道自己能力是怎樣, 見到自己樣樣都比下去, 會沒有自信心走下去的.

欣賞你的積極, 一年時間話長唔長, 話短唔短, 你要爭取時間去改善小朋友的各種問題, 努力加油, 但你亦要理智及謹慎地去考慮清楚, 到底你小朋友出年是否真的可以應付主流小一, 大概九個月後你自己應該心裡有數. 到時如果情況不太樂觀, 會否考慮repeat k3? 讓小朋友再多一年時間去預備.

pinkdoll

bbpigbb 發表於 12-10-31 09:19
Hi pinkdoll
由於我家小兒專注力很差影響很多嘢都做不成，在專注力問題有什麼方法呢！



  ...

做感統係要讓小朋友的感覺統合飽足, 所以可以改善小朋友既專注力. 除了做感統活動外,

在家裏都可以進行一些專注活動

我2個兒子進行的專注活動有
1. 串珠 起碼80粒以上 開頭10-20粒 慢慢加上去 到80粒後, 做到穩定後, 然後就挑戰小朋友, 隔色串珠
2. 入錢起碼 100個
3. 分大小不同的豆 去碗到 三種豆 就三個碗

好悶的, 就是訓練佢悶都可以坐係到及專心去做事.  我2個仔做得唔錯, 專注都進步了不少.

另外, 要多帶小朋友去公園玩打千秋, sir滑梯, 爬架, 這些活動除可以滿足小朋友感統外, 亦可訓練小朋友動作協調及動作組織, 那麼對於訓練自理都有好大幫助, 最好每天有半小時或以上. 大小肌好寫字才會好.

另外, 行多些樓梯, 對小朋友全個身體都好好.

花些時間去練咗啲基本功先, 小朋友大肌, 小肌, 專注, 手眼協調, 空間感, 動作協調及組織都好, 就可以做到好多嘢. 所以, 你要先去明白一些項目, 需要運用小朋友甚麼地方先, 例如要小朋友"寫字", 但小朋友寫得不好, 不是寫100個字就可以變成寫得好, 首先要睇清楚小朋友大肌, 小肌, 專注, 手眼協調, 空間感, 動作協調及組織好不好, 訓練好這些項目, 他就會寫字寫得好.

以上提議希望幫到你 : ) 努力加油.  

wilyun

回復 pinkdoll 的帖子

請問穿珠係乜野類型珠呀?我個仔剛兩歲,可以咁訓練嗎?如果佢唔肯坐定定係度穻,我應該點?

pinkdoll

wilyun 發表於 12-10-31 13:18
回復 pinkdoll 的帖子

請問穿珠係乜野類型珠呀?我個仔剛兩歲,可以咁訓練嗎?如果佢唔肯坐定定係度穻,我應該 ...

兩歲可以開始啦 最好呢個時間 因為冇功課做 TRAIN得嚟就K1開始有功課做 時間啱啱好

你開頭TRAIN佢坐二至三分鐘先 要開心的 唱下歌咁 完成到就獎勵佢  佢開始肯坐啦 你就叫佢先串10粒 大粒既珠 串好就獎佢 第二天又係串10粒 串好又獎佢 第三天試下加多5或10粒 即15或20粒 串好就獎佢 如此類推 ...慢慢加上去...

wilyun

回復 pinkdoll 的帖子

唔該晒~其實係咪到佢可以穿到80粒,就唔使再要佢穿?定係都要keep住日日穿?thx!

pinkdoll

wilyun 發表於 12-10-31 13:37
回復 pinkdoll 的帖子

唔該晒~其實係咪到佢可以穿到80粒,就唔使再要佢穿?定係都要keep住日日穿?thx!

要keep住日日做專注訓練 小朋友日日都要返學坐係度聽書 小朋友日日都要坐係度做功課 所以練專注係長時間既事 你可以 一日串珠 一日入錢 或者一日分豆囉

小朋友可以串到80粒 你就要佢開始串partern架啦 e.g. 一粒紅 一粒黃 一粒紅 一粒黃.......

why-me

pinkdoll 發表於 12-10-31 10:59
做感統係要讓小朋友的感覺統合飽足, 所以可以改善小朋友既專注力. 除了做感統活動外,

在家裏都可以進行 ...

你好專業, 出書都得我都學到好多野去訓練個仔專注, 謝謝.

supercat919

請問珠仔响邊度買？