如果直資學校同政府學校制度睇齊……

ihv2kids

如果直資學校同政府學校制度睇整。如已接受了一間直資學校學額，必須好似政府官津校一樣。要放棄其另一學額。私校才不受限制。咁會唔會改善"失衡"情況出現。亦可解決霸學額情況呢？

Charlotte_mom

我覺得係LOR, 其實可以同時註冊多間直資, 實在有欠公平

aleelee

同意, ,但全港直資都要同時間收生公佈,我諗就好難做到 !

ihv2kids

原帖由 aleelee 於 12-10-24 發表
同意, ,但全港直資都要同時間收生公佈,我諗就好難做到 !

直資公佈收生結果的日期不會太大差別。因為直資收生結果，也要在自行公佈日子之前。至於，直資與直資之間，就好像津校與直資之間，如揀a要棄b。如再揀c，就要棄b。一來可以被免濫報學校，二來也減少霸學額。咁公平好多

marcuscyrus

ihv2kids 發表於 12-10-24 16:33
直資公佈收生結果的日期不會太大差別。因為直資收生結果，也要在自行公佈日子之前。至於，直資與直資之間， ...

直資不一定在自行公佈之前出offer，就以九龍區兩大男校為例，去年出offer 的日子，應該也有3個月的時差

chanwendy

同意, 應該註冊直資時要簽同意書, 除放棄官津位外, 仲要放棄之前註冊了的直資學校.

HelicopterDad

原帖由 chanwendy 於 12-10-24 發表
同意, 應該註冊直資時要簽同意書, 除放棄官津位外, 仲要放棄之前註冊了的直資學校. ...

我唔太同意喎。人地轉直資接受少左資助就係要多D自由。你因為自己唔想等咁耐而又要人scrafice個自由度會唔會太自我左D呢？冇人可以hold multiple offers to the end. D位係遲早出返來個喎。

Charlotte_mom

既然遲早要放, 點解唔可以早D? 你講既自由度係俾學校定俾家長? 人就係咁, 無DEADLINE的話, 拖得就拖

mybabylove

我個人覺得，如果接受左直資，就必須要放棄官津，既然一開始就打算比小朋友入讀直資，咁又何需等官津呢！你可以直資等直資，但唔可以等官津囉！

除左家長要下功夫之外，學校都要囉，要Set一個Deadline比人註冊，放棄左就放棄左，決定最後收生日期，即使唔夠人入讀(可能每班差2-3個)，都唔會再收生，咁樣就對其他家長會比較公平。

ihv2kids

原帖由 Charlotte_mom 於 12-10-24 發表
既然遲早要放, 點解唔可以早D? 你講既自由度係俾學校定俾家長? 人就係咁, 無DEADLINE的話, 拖得就拖 ...

無錯！ 大家有良心，體諒其他小朋友一路都無offer，就唔會有今日的意見。但事實上，有好多好多自私的想法，慌死蝕低。攬實d位，死都唔放。又死報爛報，咩學校都去。點解要咁呢？！

marcuscyrus

This is the practice now already, once u registered in a dss, u can't take subsidized/gov school.  And actually those dss do set deadlines for registrations but many parents hold more than one school until the last second.  樓主is actually suggesting each student can only hold one dss at any moment

Charlotte_mom

何必咁大反應呢, 樓主又無話要直資必收細佬妹, 事實上, 一人HOLD多位, 對其他未有位既家長的確係一種折磨, 正如我O係另一POST講, 有家長HOLD到9月都仲要試學, 到佢放出黎, 其他家長想要都要唔到了, 我聽過有家長收到心儀學校OFFER時, 校車已經滿了, 校車無可能加多一個位, 家長唯有放棄, 我覺得真係好悲哀
唔係因為樓主係我同校家長我至咁講, 每年我都講同一番說話, 放返個位出黎, 究竟係益左D自私既等位家長, 定係俾機會需要既人, 自己唸下啦

ihv2kids

原帖由 kwkyeung 於 12-10-25 發表
本帖最後由 kwkyeung 於 12-10-25 10:15 編輯

樓主識得講公平，但又想直資收埋個弟妹同哥哥姐姐一齊讀同 ...

咩你咁講野，仲要做哩個表情。你都係做人父母，何為身教？唔通你就係同時hold 幾個offer的人？大家作為有兩個小朋友的父母，小朋友可同一學校成長，也是一種福氣。有共同話題，有共同經驗。作為自己，自私的想法是可共同照顧。但事實，我是對該間學校有一份「感情」。我比到大個個有愉快的學習環境，好正常都想細個個得到。奈何，今日做唔到。請你要((((((鬧人))))))))時，先理下人感受。我細仔係需要特別照顧，該間學校係對住照顧到他的需要。現在機會全亡。我要再搵另一學校，你有幾明白我現在的旁惶.........而我講的這問題，不是因為我的小朋友考不到，而「賴」他們。這班人真的hold好多offer or  已有offer也要報10間8 間，同一班全未有offer或真係好想入那間學校的人去爭。但事實他們已有所決定。hold實不放位是因為要再))))))))))睇下，又試下返一排A校，返一排B校。再下星期返下C校。比較下小朋友鍾意邊間，邊間開心d。這就是公平？哩個遊戲我玩了兩次，兩次都好感到不公平。今時今日，私校直資比官津校係咪更吃香？我揀直資是因為我兩小朋友有新派學習需要。如何她們可以傳統學習，也無障礙，我做咩唔享用9年免費教育，要個個月交學費？請你顧下人感受，唔該

Charlotte_mom

CALM DOWN! 冷靜D
首先請家長明白, 呢個遊戲從來都唔公平, 無論派位制度, 或者考學校, 都係一種漫長既折磨, 我唔係今年小一家長, 所以我可以"隔岸觀火", 上左EK咁多年, 我好明白家長果種焦急(同唔甘心)
要講出自己既唔開心, 好正常, 但攪到對罵就唔好睇, 我都唔想封POST, 大家都冷靜D, 我唔想見到針鋒相對既情況, 好嗎?