養小狗會否對自閉小朋友有幫助

熊貓仔媽媽

近日發現阿囡對狗仔好有興趣, 係街見到人放狗, 佢會好興奮, 大叫" 汪汪", 仲會眼look look 望住狗仔, 仲好想同狗仔玩. 有時, 有d 狗主見到佢咁開心, 都會俾佢摸下隻狗仔. 之後阿囡就會好開心係到笑. 所以我想養返隻狗同佢玩. 呢到有無a仔a女屋企有養狗.

yuki8484

我有養狗..
不如你多d帶小朋友去街/西貢/狗公園...呢d地方多d接觸動物&人..好過買或領養隻狗番屋企比小朋友"玩"

chowqv

唔知，不過對我個仔無幫助。佢知我驚狗，自動叫我一齊走。

momotang

我有養狗,仔仔係鍾意仔,但狗狗同佢互動唔會太多,咪又係對住唔識講野的狗,

所以我會約埋朋友一齊放狗,順道俾佢見多啲人,佢見到多狗會心情好啲,會肯同人多啲眼神接獨~

養狗仔,等於養多個3歲細路,可以好勞氣,到時雙倍勞力咪仲死. 試下帶佢去多狗的公園玩多啲啦~ 自問有好好的心理質素先好養狗,因為隋時係多一個挑戰~

fongbau

我屋企冇養狗, 不過反而養左隻貓. 不過對阿仔既影響竟然唔錯喎. 講出黎大家分享下：

其實養貓都係無心插柳既. 好耐之前朋友要去旅行, 我地就幫手睇住隻貓幾日.

阿仔唔驚不特止, 仲自動同隻貓玩同爭梳化仔. (咁同時都知道阿仔係like貓多過狗, 因為去家人屋企,

佢就冇主動同隻狗玩喇)

直到最近, 朋友隻貓生左好多隻小貓冇人要, 於是我地就膽粗粗要左一隻. 阿仔非常中意呀﹗

雖然貓唔可以好似人咁同阿仔溝通, 但係就令到阿仔既主動性強左, 同埋識得關心隻貓.

佢會掛心叫我地快d餵隻貓, 入門口或者出街會講：hello喵喵 / bye bye喵喵~

(平時叫佢同我地講 hello / bye bye，從來唔會主動﹗)

至少隻貓令阿仔冇咁自我中心, 同埋識得守規距 ---> 佢知阿貓唔可以入房~

我覺得貓仔比較cool, 冇狗咁熱情, 所以都幾適合A仔養架~