有特殊需要的小學生升中

木子

先聲明, 絕對沒有歧視成份, 只是想了解這部份學生升中時會點排名?

我哋學校有一些類似的同學, 他們一向有特別需要, 測驗考試時是另外安排課室測考的

我想問教育局知道這些情況嗎?呈分時是否照校內分數來呈呢? 咁會唔會對其他一些小朋友唔公平

ps: 我知這些學生做卷時漏做老師都會提水

nc2000

原帖由 木子 於 12-10-11 發表
先聲明, 絕對沒有歧視成份, 只是想了解這部份學生升中時會點排名?

我哋學校有一些類似的同學, 他們一向有 ...

我相信學校特別安排給學生，就是因學生有特殊需要，亦非口講學校就提供，一定要有所証明才可提供特殊需要，政府係根據學校呈報有多少特殊學生而撥款資源給學校，咁政府教統局一定知la! 至於是否不公平，有證明是有特殊需要的學生即是相比他人在某方面有所缺失，先天不及他人，如你認為這就是不公平，你是否也希望自己孩子有缺失而可「享受」此等「福利」？

木子

nc2000 發表於 12-10-12 00:00
我相信學校特別安排給學生，就是因學生有特殊需要，亦非口講學校就提供，一定要有所証明才可提供特殊需要， ...

針唔拮到肉唔知痛, 假如佢哋咁啱係你小朋友前幾名, 你小朋友咁啱又由band1尾跌到band2頭

又睇下你係咪咁睇, 唉...

nc2000

原帖由 木子 於 12-10-12 發表
針唔拮到肉唔知痛, 假如佢哋咁啱係你小朋友前幾名, 你小朋友咁啱又由band1尾跌到band2頭

又睇下你係咪咁 ...

我仔剛升中一，亦明白每一個名次的重要性，升中遊戲如此簡單，又何需針拮到肉才知道痛呢？！當年校內亦有同學是有特殊需要，亦的確學校提供了特別需要給那些同學後，他們成績上是進步了不少，亦有個別家長眼紅，而我兒亦評定是專注力不足，亦有醫生報告及証明信，絕對有資格要求特殊需要，但小兒竪決不要，就是怕了他人的目光、猜測、說三道四、指指點點、怕被人説他成績好，取得高分也是因為有特殊恩賜等等，他有此等壓力，故即使有需要亦放棄了！所以我是那一方針唔拮到肉唔知痛呢？我有需要但外人的不體諒目光，需比其他同學有缺失但仍要跟他們公平競爭，惟有比別人更努力，更辛苦去走完小五小六，最後他仍能站穩b1b，入讀了心儀中學！不要與特殊人士計較公平不公平，與其是一個正常冇缺失的學生，不如努力追回成績吧！

khmama

其實去到考大學嘅公開試，教育局亦有安排比特殊需要嘅學生。我仲記得前兩年考9A嘅弱聽女孩。上天攞走咗佢嘅聽覺，你認為係公平嗎？但係上天冇攞走佢嘅聰明，所以佢應該感恩。公平呢樣嘢係兩面睇嘅，就好似半柸水咁，與其埋怨冇咗半柸水飲，何不慶幸還有半柸水，令人不致於渴死？唔知你明唔明我嘅意思？

CrabPincers

針不吉到肉不知痛，不單單對樓主，對一些有特殊需要的學生黎講都是，你認為，老師安排了調式，做漏卷提做返，呢d就單單可以令小朋友成績變好？如果小朋友無努力，老師點通水，都不會變好，通了水未做晒，但不會通答案吧，你又知不個專注力不足的小朋友，要坐成個鐘，做完一份卷，有幾難？又知不知d藥的副作用有將大？無錯，真係針不吉到肉不會知痛，如其係樹怨比人超前自己個仔，不如同個仔一齊努力超前返人吧

人地無需要，不會有調式啦，況且不是自己話需匚就是，要做評估架，我估，呢班有需要的小朋友的媽咪，寧願佢地仔女係band3生，都想佢地正常，不需要調式

香港教育真失敗，居然有特殊需要的小朋友都比人妒忌，第時dse時全港學生一齊考試，需要調式我學生一定比小學的更多

杰杰媽媽

我唔知其他人點諗，我成日同個仔講，讀書係同自己比，只要一天比一天進步就可以，唔需要理其他，咩都去介意命都短幾年

cellon

木子 發表於 12-10-11 16:31
先聲明, 絕對沒有歧視成份, 只是想了解這部份學生升中時會點排名?
我哋學校有一些類似的同學, 他們一向有特別需要, 測驗考試時是另外安排課室測考的
我想問教育局知道這些情況嗎?呈分時是否照校內分數來呈呢? 咁會唔會對其他一些小朋友唔公平
ps: 我知這些學生做卷時漏做老師都會提水

有些同學不幸的身體有缺憾，為人父母的，請給一點同理心！
你問是否公平，問得好！但請明白，要問有否公平的，應該這些天生身體有缺憾的孩子和他們的家長！
若你真的認為哪些「另外安排課室測考，做卷時漏做老師都會提水」的同學很著數嗎？
請想想，若你的孩子可享受這些「著數」，你會高興嗎？

學校不是鬥獸場！
可否給不幸的孩子一點同理心？

Ceci333

"無錯，真係針不吉到肉不會知痛，如其係樹怨比人超前自己個仔，不如同個仔一齊努力超前返人吧"

＂人地無需要，不會有調式啦，況且不是自己話需匚就是，要做評估架，我估，呢班有需要的小朋友的媽咪，寧願佢地仔女係band3生，都想佢地正常，不需要調式＂

＂有些同學不幸的身體有缺憾，為人父母的，請給一點同理心＂

非常同意

Ceci333

＂針不吉到肉不會知痛＂，其實，人家枝針大枝好多，重要一世吉住！

long0

建議你都叫個小朋友去做評估,唔好蝕底,:;pppp:
學障小朋友要成績好 溫習時間好長
好似默寫 你默一次熟
佢要默10-20次 起碼
你個小朋友 玩緊, 學緊其他野嘅時候, 佢仲溫緊書
但係學障小朋友 成績好代表佢有決心
肯上進 亦會比一般人 努力 識諗

所以唔好蝕底 做評估
http://web.hku.hk/~hksld/index.html


其實無謂眼紅
好多時 學障家長選校 會睇學校支援多過睇學校band幾
學障小朋友讀書都係依靠自己同家人多過學校
d band1只會谷 又無支援 你讀飽佢

grace_xian

其實呢位家長只是一時看唔到好的一面, 所以才咁諗, 相信你會諗得通的, 其他媽媽有些言語激烈也都是為你好, 希望你可以任何事情二面睇,咁先至心里安樂

wingleema

老師無講答案就得la, 係度擔心人考得好過你個仔, 不如叫自己仔仔努力d. 唔好比你仔仔學識埋怒同比值口自己考得差過人.

HaYi

CrabPincers 發表於 12-10-13 13:32
針不吉到肉不知痛，不單單對樓主，對一些有特殊需要的學生黎講都是，你認為，老師安排了調式，做漏卷提做返 ...

非常有point !
在多左SEN knowledge 之後, 發現在香港大環境所講 "融合教育" 其實是好大現實問題..

smallmama

我仔本身是讀障小朋友, 你要知道教育局已定所謂調適只是加長十多分鐘 (一定唔多過20分鐘), 而小朋友一樣要寫晒咁多字, 老師只會提他們還餘多少時間, 漏咗係唔會提架 (除非係你學校既老師私自咁做).
佢哋最多只可以咁, 同你哋所謂正常沒問題既小朋友一樣係考嗰D嘢, 我想問點樣唔公平, 你咁想要不如我同你換, 我寧願係佢懶而唔係讀障, 你知唔知做有讀障小朋友既父母係幾咁努力, 而個小朋友要面對D功課佢哋係幾咁困難, 請你也公平地對待他們, 而不要歧視他們(你話你冇但事實係你比人感覺你有).