想大家分享下小朋友讀學卷幼稚園, 是否上小學時會比較辛苦

KTP

想大家分享下小朋友讀學卷幼稚園, 是否上小學時會比較辛苦? 因真係好多幼稚園來緊無學卷?

bbsonyy

我諗都要睇下你讀咩小學, 學卷多數都比無學卷的淺, 尤其係英文, 如果入左英小會見到好大的分別, 眼見兩個小朋友: 無學卷的k3已可以英文作簡單對答, 有學卷k3仲教緊單字!

有兩個同事的小朋友都入左wkf, 讀有學卷的爸爸話好後悔, 個仔已經小四, 有幫佢補英文, 不過始終追唔返, 而讀無學卷的同事話佢個女跟的到, 佢k3時已可以自己拼到好多單未的讀音~
有個親戚個女讀有學卷的, 係幼稚園時考第一, 成日拎乜獎乜獎, 老師又成日讚佢, 點知上左一間區內出名谷的津小, 本身好開心個女可以上到好學校, 但之後完全跟唔上, 尤其係英文只係緊緊合格, 依家上小二了, 佢屋企日日都為左個女成績唔好嘈交, 睇到都覺得慘, 佢媽媽又為左個細的可世襲返呢間好小學, 死都唔幫個大的轉間淺d, 個大依家成日都好唔開心.....

jojoplanet

如果只靠幼稚園學到既野來應付小一..我諗可能得KV呢D先可以應付到..其實好多小朋友除咗學校..會有"自補"同課外來加強佢地既能力..

hobby

暫時囡囡返有學劵k1, 我又唔覺得太淺, 佢哋除了用大路出版社的英文書教a for apple, b for boy, mels 教phonics, 仲會用cambridge readers 上堂講故事, 仲可以上網睇返, 囡囡一見到個封面都講得出嗰書名, 昨晚同佢一齊睇另一本, 佢都答到問題, 或者啲書真係淺, 所以佢答到, 我亦冇見過其他學校的課本, 所以冇得比較

marcuscyrus

我大仔今年小一，以前讀無學卷幼稚園，現在食老本中，天天好得閒，因為以前慣左做功課，升小一少左一樣野去適應(做功課問題)，可以盡快投入新環境的學習，不過相信去到高小，分別唔會好大

chanwendy

我女都係讀學券幼稚園, 我冇在外上任何所謂補習班, 所以亞女的中英數全部來自幼稚園所教的.  返咗一個月小一, 始終上學期的野好淺, 啲野 k2-k3 學過晒, 所以冇咩大問題.  英文確實會弱少少, 一句句子中, 只要亞女識個生字, 佢都解得到.  暫時未發現佢有跟唔上的情況, 希望往後都 ok 啦.

KTP

好多謝大家分享, 看見大家的分析都是無學卷的幼稚園比較好, 但是費用比較多,
讀學卷幼稚園,耍"自補"同課外來加強佢地既能力, 其實費用都不少,
真係耍好好決定一開始讀幼稚園時的路是什樣行.

bbsonyy

第二區我唔知, 我住果區間間有學卷的都話有外籍老師, 不過一個星期只得一堂, 而無學卷的就話日日都會有外籍老師同小朋友上一堂英文, 我諗佢地英文程度的分別就係呢到, 始終語文都係要浸出黎!

hobby

回復 bbsonyy 的帖子

一星期一堂咁少 ... 我個囡嗰間每日40mins 由net教

朱寶媽媽

回復 hobby 的帖子

請問你小朋友讀邊間

hobby

回復 朱寶媽媽 的帖子

大圍孫方中, 返全日, 扣咗學劵都係交$7xx學費

大白豬

回復 hobby 的帖子

請問你囡囡讀那間幼稚園? 有學劵又日日有net教英文好好呀. 我下年要幫囡囡搵學校. 謝謝.

Sorry, 剛剛見到. 大圍太遠了

bbsonyy

好多學卷幼稚園都無甘多錢日日請net, 所以係幾間夾埋先請一個, 所以一個星期只係得一日有net老師....

hobby

回復 大白豬 的帖子

如果唔係咁抵讀 ... 阿囡依家都會係九龍塘冇學劵的學校讀k1 lu

KTP

1份$, 1份貨, 無辦法呀.

yfchoy

咁RHS都有學劵亦出名深既學校，PTH + English + Spanish (今年開始)，k1開始已學a-z(phonics + 認字)，1-0，k2再教和加強phonics，下學期開始學加數。又有蒙特悛利，剛剛派了蒙特悛利教具數數目。學費除學劵後都喺差不多七百。不過雜費相對貴。

hobby

回復 yfchoy 的帖子

請問幾錢雜費? 囡囡嗰間約千多完半個學期, 暫時冇其他收費

yfchoy

書簿費一個學期五千多，校服單一季都二千幾，其他啲雜費就冇計到，因為唔太貴亦不算定期收取。校車就六百幾(住得近啲，車程短)，茶點冇記錯好似二百幾一個月(返半日)。