經驗分享：如何令仔女讀好書

ZoeZita

Joey, 多謝你既寶貴分享!!!

我個女而家只係2歲半, 讀緊n1. 佢最大既興趣係睇書, 中英文都好鍾意睇.  我盡量睇中文書時用全中文, 英文書時用全英文. 佢都算明白我講乜. 但可能仲細, 我唔覺得佢有認字, 次次都係我讀佢聽, 佢都只係睇圖畫.

可否分享下你女兒幼稚園時期你係點教佢呢?? 你比佢讀英普班還是主流班呢?? 我而家仲煩緊佢k1應讀英普班或主流班?? thx!!

michellebaby

回復 jeoy126 的帖子

謝謝 jeoy126 的分享

engeng123

請問小五學生怎樣令英文有進步?
很期待你對英文學習的見解
小朋友自小已很怕英文 現在甚至到達逃避的態度，找過很多補習 都是沒有用..
不知要怎樣才可令她克服英文這一關
請問有什麼方法可令小朋友重新出發?

siu_to

終於睇曬, 多謝joey同其它媽咪既分亨

Mrsleaf

jeoy126 發表於 12-9-20 01:57
就繼續講下幫小朋友養好身體呢個話題吧。我始終認為，身體是基本面，身體有保證，先可以去討論學業嘅問題。 ...

你可否post張肉色厚身九分褲來看看, 因我也想買條給女女穿, 謝謝!

HHCCMama

這是我看過最好的標題分享!

jeoy126

c1234 發表於 12-11-12 00:54
小提琴又如何？好似都係好多人學，對女孩子來說，有什麼意見呢？謝謝！

我就畀我嗰女學緊古箏，一來，古箏喺中國傳統樂器，喺我印象中喺大家閨秀先識彈，而且古箏真喺好聽過其他樂器好多（個人感覺），彈古箏嘅人姿態優雅，好有氣質，古箏又有韻味，而且仲比較容易學，上手之後就算唔日日彈，都可以keep到進度。我個人就覺得比小提琴不知要好幾多，因為小提琴長期拉，可能會導致面孔不對稱，但香港人喺鍾意西洋樂器多過中樂器，所以你都要自己考慮清楚。

jeoy126

ZoeZita 發表於 12-11-12 10:37
Joey, 多謝你既寶貴分享!!!

我個女而家只係2歲半, 讀緊n1. 佢最大既興趣係睇書, 中英文都好鍾意睇.  我盡 ...

2歲半女，唔好要求咁高。聽力好緊要，對佢第日表達能力都好有幫助，認字未必喺越早越好。不過如果佢講嘢得嘅，你可以教佢一起讀，你讀一句，叫佢複讀。

唔怕你唔信，我女女5歲前完全喺放養，冇教佢任何嘢。我唔想咁細個就谷佢，喺幼稚園最後一年為咗升小學先開始教佢。如果你小朋友開竅早，都不妨畀嘢佢學，只要佢學到、跟到。但記住千企唔好逼佢，如果你強制性要佢去學某樣嘢，最後會搞到佢對呢樣嘢好抗拒。咁就適得其反了。

如果有英普班，咁喺去啦。我唔知收費喺唔喺一樣？你可以權衡一下。我舉個例，我嗰學生從小一開始跟我普通話，一路跟到而家中三普通話教中文，每星期一堂課，當然小朋友跟到小學畢業時普通話已經好流利，同埋佢都自細細個就開始請英文補習，所以又講得流利英文。但你計下條數，佢呢幾年要畀到幾多錢先幫到佢女女講到流利的英普？如果從幼稚園就開始浸英普，相信可以幫你省去一大筆補習費。

jeoy126

Mrsleaf 發表於 12-11-14 10:59
你可否post張肉色厚身九分褲來看看, 因我也想買條給女女穿, 謝謝!

之前都有家長pm我，問我去邊度買。佢搵遍港九二個星期，都搵唔到。其實呢啲襪喺香港冇得賣，我喺上淘寶托朋友幫我買，再郵寄來香港，因為要大陸網上銀行先可以買到。價錢都好便，從十幾蚊到三十幾蚊不等。如果你喺大陸有朋友有網銀就可以幫到你買到。
但我唔識鋪圖片上來啊，好似要將圖片放上網，再download。我給你個鏈接看看，差不多就是這樣的九分褲款，裏面加絨，http://detail.tmall.com/item.htm?spm=a230r.1.10.1.YfgOXW&id=17286555326&ad_id=&am_id=&cm_id=&pm_id=

ZoeZita

原來你五歲後先谷，仲以為係兩歲就識二千字果d，hehe. 咁我女都有跟住我讀，只係成日見其他同齡小朋友已經認到好多字，但我問個女就只答到學校教過果幾隻字，所以有少少不安。
我都想讀英普多d，但又怕要同時學三種語言，變成無樣好，最怕顧到普通話會話，就影響中文文法識字等等，睇其他 posts 話小一中文好深，要識好多字............所以我心大心細 law.

jeoy126

ZoeZita 發表於 12-11-15 08:03
原來你五歲後先谷，仲以為係兩歲就識二千字果d，hehe. 咁我女都有跟住我讀，只係成日見其他同齡小朋友已經 ...

我女女就系同時學4種語言，廣東話平時講開，英文喺學校學，因我媽咪喺上海人，凈系識講上海話，女女要同婆婆溝通，又識講上海話，5、6歲開始我每年暑假送女女去上海讀D興趣班，識咗內地小朋友，一個暑假落黎就講好流利嘅普通話了。喺會慢D，但一樣都可以學到好好，而且小朋友會穿插使用。千企唔好低估咗小朋友嘅學習能力。所以我一直都打算緊，搵一年暑假送女女去外國寄養家庭，返來就可以講流利英語。

其實你更應注重普通話學習，中文寫作如果用廣東話思考，絕對寫唔出一篇好文章。而家好多小學都用普教中，小朋友中文能力喺好過粵教中。特別喺寫作方面，識得用普通話思考嘅小朋友，作文勁好多。你要切記，最難嘅唔系英文科，而系中文。如果學好咗普通話，對佢將來嘅中文幫助極大。

我喺咁睇，小朋友越小，吸收能力越弱，你化同樣的時間精力，得到的成效可能喺20%，我就寧願選擇喺佢吸收能力弱小嘅時候，畀佢自由發揮，佢想聽故事就聽，佢想畫畫就畫，等佢5歲左右，吸收能力增強，我化同樣時間精力，成效就可能有60%。我女女十分有創意，想像力極豐富，思考能力強，我覺得喺同我自小放養有關，佢有咗自我思考嘅時間，而唔系齋學知識。凡事有利必有弊。

如果你擔心小朋友唔夠人地爭，慢慢開始浸佢認字都不妨，但一定唔好心急。通常小朋友到3年班時認字程度就均勻咗，你細個點叻都好，人地始終都可以追趕到。所以呢層唔使擔心。我記得我女女K3嗰陣，人地小朋友可以讀報紙，我女女連字都凈系識得幾個，但上咗小學后，我親力親為睇住女女學業，一年班時冇起色，二年班后好快就名列前茅。

TwoBabies

回復 jeoy126 的帖子

jeoy126,

我會嘗試你所教導的方法和找找那套精選書籍。真心的感謝你多次的回答,謝謝!


TwoBabies

Mrsleaf

回復 jeoy126 的帖子

謝謝你

ZoeZita

好多議你！就決定英普啦！其實我都唔想咁細就谷佢，做父母當然想佢有個快樂童年啦！只拍小學先谷會太遲，更怕到時已舒服慣唔比我谷.......anyway, 佢讀緊既幼稚園比有學卷既深少少，希望足夠上小學啦！

jeoy126

pigbaby,因為你用點評問我，所以我覆唔到你。希望你可以睇到我下面嘅建議。
我女有學過劍擊，佢十歲先學，本以為會多咗耐性去接受新事物，但佢話好悶，唔想學落去。我怕你4歲仔會唔鍾意，因為學劍擊需要掌握好多規則和知識，並唔系我地見到嘅咁簡單。但可能男仔同女仔又唔同，可能男仔天生就對弄刀舞劍有興趣，就算悶都去克服。你可以畀仔仔試下玩先，先冇買劍擊個滴嘢住，等確定佢有興趣想繼續學，再買過唔遲。就劍擊本身來講，喺一樣好好嘅運動，訓練人嘅反應能力，同埋靈敏度，又唔多受傷機會。

Pigbaby

回復 jeoy126 的帖子

jeoy126 感激你比意見!!

purplemelody

非常有用的分享,無限感激.......

HHCCMama

回復 Pigbaby 的帖子

我有朋友玩劍撃玩了很多年, 他表示理論上小朋友是要有6-7歲方可以玩, 當然, 現在坊間的興趣班就不會按這個年齡。

Pigbaby

回復 HHCCMama 的帖子

HHCCMAMA多謝你意見!!
呢點我明白，其實我都無打算而家學。只係見劍擊班係屋企樓下，開始留意呢樣運動。

HHCCMama

回復 Pigbaby 的帖子

ICIC GOOD!