經驗分享：如何令仔女讀好書

aquarius828

回復 jeoy126 的帖子


JOEY, 看到你E個POST, 真係獲益良多, 謝謝您!

sumyau1012

我本來辭左份工揍佢，揍左半年，而家返工，所以一定要在補習社做功課。我有同補習社講要溫習，但當然我覺得唔可以完全依賴補習社，所以都要自己溫下。

本來日日都有故事後才睡，她已養成每日故事習慣，（我講故事係照書，每個字指住讀）係讀故事時，佢都識左好多字。但自升小一開始，故事時間就唔係日日有，而練琴都係，每日好似只可以做到其中一樣。我又覺得樣樣佢好似好重要，加上佢係有興趣，只係無時間，我又唔想影響睡眠時間。

你說得對，上星期英文默書好多，無練琴，而家亂晒。

我係咪應該照練琴先，有時間就故事。公文就放棄，會唔會好浪費。
但故事小左，會唔會將以前既習慣，都浪費左，會唔會以後無睇書既習慣。

sitterbobo

回復 jeoy126 的帖子

good

Miss.Angela

多謝你的分享！

siumoma

靑田自

火柴人媽媽

非常認同，因小兒身體也很弱，一定是健康第一，有同事兒子的經歷，因感冒菌入腦便離開了，千其不可輕視健康問題。

torunpoland

回復 226212 的帖子

真心恭喜你!
令嬡愛看金庸小說, 實可喜也. 非因故事情節如何吸引, 此乃見仁見智, 實因金庸行文造句, 流暢意達, 屬現代極好中文, 多讀有益無害!

esmehouse

babych

回復 esmehouse 的帖子

緋於看完全部. 謝謝分享

小兒小四, 成績不錯,  keep 住全級十名內,  中文圖書喜愛小老鼠日記, 但他們不喜歡閱讀英文圖書. 呢方面好頭痛, 我應該怎辦?

LLK

想請教, 如果小朋友不應多喝豆漿, 那豆腐是不是也不應該多吃?

gigiic

jeoy126 發表於 12-10-10 15:03
返屋企第一件事喺做功課（一系就瞓），呢個喺一個好習慣嘅養成，冇得到你心痛，就系因為你覺得逼佢太緊， ...

同意, 我家小子自K1開始放學回家食小點就開始做功課, 現小一已經養成習慣, 為爭取多一點自由活動時間, 佢會認真地做功課和温習, 自動自覺唔駛煩. 一般九點左右已進入夢鄉. 好多親朋聽到會覺得不可思議, 其實在我一家眼中只係一種生活習慣. 認同樓主睡眠質素放第一位, 但真係好多人都忽略,認識好多朋友的小孩唔到11,12點都唔瞓, 唔係為功課而係習慣性夜瞓, 卒之升上小一天天早起, 連早餐都無胃口食就去返學, 試想想未瞓醒又唔食早餐, 何來精神力量上課學習?!?!

tws2010

回復 gigiic 的帖子

Can't agree with you more.  I believe quality of sleep and go to bed early are very important.  I will let my kid go to bed ideally at 9 pm.  Of course, before he can sleep, we will have story time and pillow talk.  Even at the time of exam, instead of pushing my kid to spend more time on studying - last min rush, I will prefer my kid go to bed even earlier.  What I will do is my kid will start doing revision one month before the exam.  For the last one or two weeks before his exam, I have to make sure he really sleeps well and have enough sleep.  Then, he will be in good shape doing the exam.

grace_xian

jojoplanet 發表於 12-10-19 10:52
中文靠閱讀，英文靠背誦，數學靠練習

樓主..請問你可唔可以詳細一點解釋"英文靠背誦"?

我都想知英文如何靠背誦?thx for sharing~

hagupit

226212 發表於 12-10-19 10:08
回復 jeoy126 的帖子

我女女今年小六最近沉迷金庸小說，睇完一套追第二套，妳教我如何是好？

如果我女肯睇金庸, 我開心都黎唔切

grace_xian

多謝你的經驗分享, 另我有個問題仍想請教, 好多單詞小朋友背完就忘記, 就算輔助做完造句都會忘, 怎樣才能解決這一問題呢?
仲有文章佢背到好熟, 但如何教他拿出來應用呢, 比如測驗考試作文時, 他會忘記拿出來運用
謝謝你

jeoy126

TwoBabies 發表於 12-10-19 09:49
Jeoy126,

我很久沒上來，估不到一來這個區，今天竟然看到你這個好帖子，萬分感謝你無私的分享。我亦有請教 ...

不好意思，而家才來回覆你。
你講得冇錯，仔仔有好大改善空間，但因為你要返工，睇唔實佢，所以好多問題解決上來就會變得棘手。

中文方面，如果口述冇問題，你要引導他先想後寫的方式。用把口想講什麽出來？那麼再把那些想講的話，打扮一下，組織一下，寫下來。你心裡想表達什麽意思，先不要寫，在腦子里想好了，再寫下來。唯有這樣慢慢引導，假以時日。同埋，講來講去，都喺兩個字，閱讀！培養他閱讀能力和興趣，中文科就唔會有太大問題。

英文閱讀能力強，是件好事，基本上他將來的學業都不用太操心。但既然喜歡閱讀英文小說，那么對中文書更應不在話下。男仔的話，你可以試下給他看看少兒版的史記和三國，等他對看中文書有了一個習慣，可以給他看文學性書籍，幫助中文。不過我覺得，他之所以喜歡看英文書，跟你們家長著重英文有關。從小到大，一定是給他接觸英文書的機會多過中文書。我在很多學生身上看到類似的情形，無一例外。

數學方面，理解能力可能同佢沒有完全開竅有關。咁就唯有靠你多幫佢分析講解，唔識解某個類型的題目，就不斷加強這個類型訓練。我曾為左一個聖保羅小三學生嘅時間方面概念，教足半年，佢讀小一嘅妹已經掌握得滾瓜爛熟，能隨口講嗰答案出來，佢都喺做唔到。理解能力因人而異，唔可以急，但假以時日就一定得。嗰個女仔一星期補足五日，日浸夜浸，到左5年班下學期，已經可以拿勤學獎，而家升咗中二，年年獎學金。佢嗰妹，更不在話下，自小聽家姐補習，幾乎門門功課拿第一。所以數學方面喺一定要操練。喜歡心算的小朋友通常都較為聰明，我喺鼓勵學生用心算，第日考試可以節省很多時間。但粗心呢個壞毛病真系好難改，唯有教佢用即時 double-check的方式來改善，即喺，做題目時，一路算，一路check，完成全卷不用再複查，保證了效率和質量。

以你仔仔的情況來看，他本身天資聰穎，但沒有善用時間。我都喺建議你搵一間惡D嘅補習社，一放學就送去補習社做功課，等你回家佢都做完功課回來，你就可以有時間盯實佢做你想佢做嘅嘢。

jeoy126

TwoBabies 發表於 12-10-19 10:06
我請想問有關管教青春期的帖子是那個，因為我找不到，可否給我連結呢? 謝謝! ...

管教青春期的帖子，是在另一個論壇，因涉及私隱太多，需要一定積分才能看到，即喺相熟嘅老會員才能看到。我會抽空將我那個帖子整理一下，發在這裡的中學交流區，等我整理好，我發鏈接畀你。

jeoy126

226212 發表於 12-10-19 10:08
回復 jeoy126 的帖子

我女女今年小六最近沉迷金庸小說，睇完一套追第二套，妳教我如何是好？

金庸小說喺文學性好強嘅書籍，對提升文學能力有幫助，呢一點毋庸置疑。但系對於一個小六女女，沉迷其中，就絕對不是一件好事。

小六嘅女仔，應該將更多時間放系升中準備，而且我是絕對不贊成給小學生睇有情情愛愛內容嘅書籍。所以有些學校推薦小五小六生睇金庸，我持反對態度。

女仔都系單純D好，腦子里沒有那些亂七八糟的東西，才能有心思去讀書，讀得進書。女仔本身早熟，太早接觸情愛類書籍，就會有很多雜念、幻想，又點可以讀好書？

好的書籍不是冇得揀，非要睇金庸，在有得選擇的情況下，金庸的書，放到中學去睇，會更合適。而且金庸的小說同歷史都有交錯，一不小心，就會令孩子對歷史有所誤解。所以，照我講，睇金庸，真喺不如去睇少年版嘅史記，資治通鑒，三國。就如我女女，大過你女兒一年，今年升中，因為小學時睇歷史、人物書多，而家基本上不用溫習中史，都系全班最好。

我唔知你會否採取強制行動。同佢講，呢啲書，放到暑假睇，而家抓學業。金庸書幾時都可以睇，但學業受影響，就升唔到好嘅中學，將來入唔到大學，就系一世受影響。

jeoy126

jojoplanet 發表於 12-10-19 10:52
中文靠閱讀，英文靠背誦，數學靠練習

樓主..請問你可唔可以詳細一點解釋"英文靠背誦"?

1，單詞。背誦每天喺課堂上學到的新詞彙，會背會默寫。
2，詞組。特別是帶連接介詞的詞組。要以背誦方式死記。英文越讀得深，介詞運用永遠是扣分最多的一拍。
3，句型。句型都要用背誦方式記住，才能在實際英文寫作和運用中舉一反三。
4，課文。如果有時間，朗讀和背誦英文課文。因為考試不會離開課文內容，背誦課文是最實際的方式，當然需要提升的話，就背誦課外讀書。背誦文章是培養語感的最好方式。就如我們講粵語，點解可以一開口就講到嘢出來，而唔會有文法錯誤，喺因為有語感。當英文句子背得多，語感形成之後，開口講英文就不再是難事。