請大家評評理

gifthoney

小女九月升小一了, 正上暑期班.  剛發現她上星期六的功課還未做, 明天要交了, 但她已睡了.  我打算明天一早讓她趕做.  我老公居然埋怨我整個星期也沒有提女兒做這功課 (其實我也忘記了), 還說怕女兒明天不夠時間做, 不如我現在幫她做!  有冇攪錯? 做功課不是小朋友自己的責任嗎? 為什麼要倚賴我提她? 還要我幫她做?

A-Mum

讚成早啲叫佢起身做，仲要教埋佢多謝媽咪，早咗叫佢起身，等佢有機會趕功課。真係做唔晒都照交，醜怪一次，以後就會記得！

Daniel-Florence

其實, 如果真系有必要, 我會出手幫小朋友做功課.

我覺得小朋友細細個已經要學好多嘢, 好多嘢對他們來說好難應付.
有時要出手減輕小朋友壓力. 小朋友怕做功課仲難攪.
我由細到大, 覺得做功課是浪費時間. 可能有人會覺得我有問題...

請大家想想...您們應付考試, 是不停用筆做(功課), 還是用思考, 記性溫習?

做小D功課, 多D時間思考, 運用才是學習!

talknwrite

如果覺得小朋友辛苦而幫小朋友做功課, 不如直接寫信給學校申請豁免功課好了.

maybo224

"幫小朋友做功課？" 豈不是教孩子不用付責任。這不是幫孩子，而是教壞他呢！

SY_Joanne

我都唔贊成幫佢做！以免令佢覺得做功課不是佢嘅責任！養成依賴習慣！再者如被老師發現咪仲死！

gifthoney

多謝大家意見. 其實份功課好簡單, 只係填顏色, 十分鐘應該做完 (佢而家做緊). 我覺得奇怪係我老公既想法, 可能港孩就係佢呢種人教出黎!

多謝你地支持我!

Meikin

我會叫佢早些起身做, 做唔晒, 尤得佢欠交, 佢試過欠交俾老師責怪, 就會上心, 會記得處理自己的功課.

我認為始終做功課是孩子責任, 大人幫得佢一時幫唔到佢一世, 我們只能從旁提點, 要忍忍手, 並教導他們從失敗中汲取教訓, 下次不要再犯同樣的錯就可以了.

yokomo139

Meikin 發表於 12-8-18 10:03
我會叫佢早些起身做, 做唔晒, 尤得佢欠交, 佢試過欠交俾老師責怪, 就會上心, 會記得處理自己的功課.

我認 ...

我都唔贊成幫小朋友做功課, 我地身為大人要灌輸責任呢個意識比小朋友, 等小朋友早一點知道每個人都有自己的責任.
沒有功課交是他自己的責任, 若真的需要責罰, 我們便要乘機解釋比小朋友聽.
當然我地身為家長有責任提醒小朋友.

longandhong

幫小朋友做功課，免得佢哋辛苦？不如代佢哋返學喇！

marcuscyrus

絕對冇可能幫佢做，佢有責任自己記得要做，一次幫得佢補鑊，佢就會再次唔記得，因為原來唔記得左都冇乜野，阿媽會幫我做。有時d細路係要撞過板才會學好

Mymaggie

真是有智慧的家長

Mymaggie

我都十分反對幫孩子做功課，有些家長話最無聊做copy book，話浪費時間，有些話讀書報告多餘，所以要幫孩子做咗去，試問學校的老師或校長是如此的無智慧嗎？莫非只有這些家長很聰明？這樣做，自己害緊孩子也不自知。可悲！

sukitelfold

原帖由 gifthoney 於 12-08-17 發表
小女九月升小一了, 正上暑期班.  剛發現她上星期六的功課還未做, 明天要交了, 但她已睡了.  我打算明天一早 ...

我也是企係樓主方，但從另一個角度睇件事，亦好欣賞樓主先生，對小朋友的事都很上心及緊張，但方法是用錯了。

杰杰媽媽

呢個post令我諗起，以前既一單新聞----某大學生要溫書，所以叫左作父母寫論文。

我成日覺得唔想做功課就唔好讀書啦！冇錯好多功課係好無聊，但亦多個機會俾我對下本書。

karenlyk

我唔贊成幫小朋友做功課,呢啲係佢嘅責任.

俾佢欠交一次,下次佢就會著緊自己的事

bbchoi

支持樓主做法。
我個囡都試過類似情況，我叫佢好好記住，老師叫佢做咩功課，要帶啲咩，因為係佢返學，唔係我!
要清楚比佢知道，佢自己嘅責任。

Daniel-Florence

我記得我讀小學5年班時, 校長展開了"小老師計劃"
我是其中一個小老師, 放學要幫個小學4年班同學補習. 每天要約7:00-8:00pm才放學!
我見佢做功課好慢好慢, 基本上應付唔到, 唔識做.
等佢做完功課都天黑, 無時間幫佢溫習. 最終入了死胡同, 成績永遠唔會有改善!!!
唯有幫佢做! 我都知比校長知道會死緊...但這樣做我先會有時間幫佢溫習, 等佢先了解/吸收...
最終比校長知道, 問我點解幫佢做功課? 我照直講! 校長沒有責怪我, 問我升小六時可唔可以繼續幫這個小學4年班同學補習?
最後, 我做了2年小老師, 我讀了Band 1中學, 而這個小學4年班同學只是Band 2. 佢同我幾friend
校長比在2 個優點, 2包維他奶給我

Yakult1124

我都覺得有時候有些功課是相當無聊。最緊要睇下份功課是否有質數。現時讀書太忙，興趣又多，考試默書又緊張，真是生活太緊迫，功課又複雜，又要上網、又要剪貼，又要填顏色，跟本都不是這小小年紀可以承擔的工作。連基本休息的時間都不足，那有精力去學習。有時候我都會＂協助＂做不須用腦部份的功課，以換取較有質量的生活

Daniel-Florence

開始見到有父母知輕重...

我當時身為小老師: 最緊要的意義/責任是令個小學4年班同學的成績有所改善.
做功課只是一種工具幫助改善其成績. 這工具明顯對這個小學4年班同學不太有用. 水能載舟, 亦能覆舟!

至於個小學4年班同學:
他的學習目標/責任是什麼? 完成功課? 或是成績有所改善?
成績有所改善方是其更重大義意/責任!!!

這世界只是非黑即白嗎?

我小五都知輕重, 當時校長都無complaint.
30年後的今日, 居然有咁多家長, 不是以小孩為依歸?
只是迫小孩接受不做功課 = 唔負責任?

好好想一想吧!