如懷疑bb自閉，最早可幾大做評估？

thyhmw

我個仔12個半月大，每日都會去會所兒童室玩，但佢唔同其他小朋友玩，每日都係自己玩同一架玩具車嘅車輪，不是玩架玩具車，是玩d車輪，佢對所有類型的車輪都非常感興趣，無論學行車車輪，bb手推車車輪，單車輪，街上汽車貨車私家車車輪，人地輪椅的輪，玩具車車輪都令佢好著迷，有時站在街上看停泊路邊的貨車車輪唔捨得走。另外，佢好固執，唔肯比照顧者輕捉小手教佢野，例如教佢拍手，請請等動作，會fing開照顧者隻手，叫佢揮手同人byebye，佢會當你無到或擰頭，但其實佢識同人byebye嘅，只係佢係唔肯做就點都唔做，試過話唔byebye無得去街，佢大喊喊好耐都係唔肯byebye。叫佢個名佢唔會望過來，好似聽唔到咁，繼續做／玩佢做／玩緊嘅野，同佢講野從來唔會望住人。好硬頸，叫佢做d野會故意唔肯做，係故意，例如叫佢過來媽媽度，佢向媽媽方向走了幾步，然後望住媽媽(奸樣）笑，再轉方向走左去第二度，所以睇得出佢係明白我嘅指令，但故意唔合作。或者叫佢＂俾媽媽＂，佢拿到來我面前，又係一個奸笑樣，然後拿著件物件掉頭走，故意唔俾我。仲有佢坐唔定好無耐性，例如抱佢坐在我大腿上一陣，好快發脾氣要落地，返playgroup時小朋友圍圓圈玩遊戲／唱歌做動作，其他小朋友都坐定定跟住老師做，我個仔會發脾氣要起身／走開，攬住佢要佢繼續坐底一齊跟老師做，佢會大叫，請問呢d特徵是否值得懷疑是自閉呢？最快要幾大才可做評估，如自費在出邊做評估是否可快些做到？在哪裡可找到這方面的專家／評估可做？大約多少錢呢？謝謝

fandd

你囝囝的情況與我囝囝2歲前的表現幾乎一樣。我在他2歲時才帶他去私人中心做評估，現時費用我估約$6000元。你囝囝只有1歲，其實多觀察多半年也不會太擔誤時間。(因1.5歲做評估也是很早期呢！) 私人中心可考慮「STEP」或「LINKS」，兩間中心既評估都受政府認可，可以用嚟申請訓練服務。

淇淇0223

唔敢講你小朋友係咪a仔始終一日未評估一日都未知但你小朋友徵狀同我仔11個月時很相似。我仔12個月去健康院打一歲針時醫生轉介我們到CAC評估，一歲八個月確診自閉。
評估：
1／去健康院時同醫生講然後轉介CAC
2／看普通私家醫生然後叫寫信轉介你到政府醫院兒科，然後再經政府兒科轉介到CAC
3/找私人評估，但價錢很貴。

淇淇0223

CAC評估大約要等半年到九個月。私人評估你可打電話去拹康查詢但好像都要排隊。不過一定快過CAC

ka-sandra

我個人覺得你盡快叫健康院轉介去CAC. 因為排政府CAC,要先見姑娘再排到見醫生評估最少半年 或以上,排到你小朋友最少歲半, 盡早去排隊.

thyhmw

多謝各位的意見，但請問我半個月前同bb去健康院打一歲針時未有同姑娘反映，因當時唔係咁知個程序同唔敢咁快同姑娘講我有咁嘅懷疑，下一次再去健康院已經係要一歳半打針(即半年后）了，咁依家咁嘅情況我可以自己在無預約的情況下走去健康院要求見姑娘嗎？

autunmbb

其實排cac普通醫生轉介都得。你唔好等半年才去建康院，現家就可以打電話去健康院同姑娘講，應該可以約個早點的期。

要知道等cac等半年至九個月先評估，等1-3年先有服務，邊等再觀察個仔，評估左再算。

我的朋友同你個仔的情況差唔多，不過後來3歲開聲講野又ok，只係要e位訓練，返主流幼稚園，仲要好鐘意睇書。加油！

HopeLJ

同我仔一歳好似⋯ 係同唔係自傾都要執行為 （大叫，唔肯安坐)，如果唔係好難返主流幼稚園。唔好擔心，有得 train 嘅，不過好辛苦同有耐性加家人配合。你屋企有冇老人家唔鍾意細路喊？我就有，教到我都就快家變，我做規矩佢就Tum 阿仔，重講說話比我聽，我好無奈，sorry 離題咗。

bbqiu

suggest 唔好等健康院,d姑娘歲半時話我個仔無問題,结果个仔一歲9个月先排協康會,2岁評估自傾,but 最大問題係要排2年至入到特殊學校,so i suggest 問協康會１岁半可否做評估。

BKVIP

要肯定d同firm d同姑娘講，有無事都好，排左cac睇左先。個時我同姑娘講懷疑，佢都安撫我話等大d睇定d先，個仔係自己嘅，佢嘅一句等下係唔駛負責任，仲做少d工作打發你先，所以一定要堅持。

BKVIP

仲有聽仔描述，都真係要做定几手準備，你可以去搵定私人訓練資料，同佢地講阿b情況，話排緊做評估，因為私人你肯俾錢都要排，有d要排几個月。

fandd

梗係唔好等政府啦!等得耐,評估又求其.一於揾私人做啦,歲半就一定可以做.

david1031

回復 fandd 的帖子

我仔仔現在1.5years.打去協康都話要排3﹣4月，要等到佢2years 才可做評做。現在我日日上網找資料和買些書自已做家居！

fandd

試問吓下列兩間機構吖！我1.5年前book期做評估，1個星期後就有期，而且兩間機構既評估報告都受政府認可，可以用嚟申請政府津貼既訓練服務。

LINKS
http://linkscdc.com/

STEP
http://www.step-hk.com/2010/

thyhmw

Thanks all!

samantha_yuen

原帖由 thyhmw 於 12-06-29 發表
我個仔12個半月大，每日都會去會所兒童室玩，但佢唔同其他小朋友玩，每日都係自己玩同一架玩具車嘅車輪，不 ...

我建議你立即搵一名私家醫生（最好在醫學介都有名氣），即寫信，直接送去CAC! 不必等什麼健康院！什麼等2歲！

本人經歷：
我有2位小朋友，大的女兒，沒事沒幹，十分正常！成長線勁快！
細仔，我早在6個月bb時已覺他不同！當時我只覺他不同，沒有想過是自閉症！
返健康院說他沒事，好彩我在私家打針！
1歲請醫生幫我寫信，當時醫生也不肯，說男仔遲小小！不要與女性作比較！
14個月我再去醫生度，要求寫信！再講為何自己咁擔心！有什麼明顯行為！
醫生肯為我寫，說排得嚟差不多，因為要等9-12個月！（不知是不這關係，原來我這位兒科專科醫生，是太平紳士，我接到信才知！信紙上也沒有醫生兩字！）
結果，不夠3星期我去了醫院做評估！（是什麼也做不到！太細！但我在15個月時已排了政府大隊！）
今年剛好9月入I 位！（當然呢一年我嘔左至小幾百擔血！針灸，密集訓練，什麼也做，最緊要早發現！）

annietsang

打電話去健康院..講到妳個仔嚴重d,,見面再比信.去智力中心排期...2-3個月後打去智力中心.講再嚴重d,,......即比快期妳,,有fd試過...