突然多左個offer: 宣小vs港同

ziyi

熱不是需要經過"媒介/媒體"才可導熱的嗎?
空氣都是其中之一,而萬有引力令高山的空氣密度較低??
令導熱不如地面??

spmok1999

當"韻"石進入地球便會變成流星, "韻"石在太空是不會燃燒的, 當進高速入大氣層與空氣摩擦便會燃燒...

在太空的"韻"石係唔會燃燒的, 因燃燒需要氧氣...
咁點解在太空的"韻"石會移動, 因行星或恆星有引力/磁力(地心吸力)...

iwff

哈哈, 大家講到離哂題但又好投入。等我回答下樓主啦。

我仔仔9月係港同升小五了。我哥哥仔仔小一至小三讀宣小, 小四時轉了去港同讀, 9月升小六了。轉校的原因兩個字"壓力" , 由小一9月底開始, 宣小已不斷有中默英默, 小測大考, 但功課量真的不算多。但不停要為默書測驗準備都幾辛苦, 因為阿哥仔仔幼稚園時比較輕鬆, 上到小一要面對不斷的默書, 真係唔容易, 有家長要求減少默書或範圍, 但校長話唔會為某些同學而改變一貫的作風, 當然亦有很多家長接受到默書測驗的壓力, 因為幼稚園已操開, 可能阿哥仔仔係少數例子。所以阿哥阿嫂冇哂 family time, 每星期六,日就係溫習時間, 攪到阿嫂好大壓力甩頭髮。

另外, 學校冇網上手冊, 要靠哂學生自己寫手冊, 一個月欠交 5次就會記缺點, 真係好驚的, 你知小一學生甩甩漏漏好易中招。樂器係必需要學一種才可, 有一定的要求。最後阿哥仔仔升到小三時, 其實平均分都有80幾分, 不過班主任同阿嫂講 80幾分係中下成績, 要繼續努力, 老師話小一至小三只是 honeymoon time, 升到高小才真正來料 (更大壓力)。所以阿哥阿嫂決定轉校, 他們見我仔仔係港同讀得好開心, 學術成績都不錯, 所以嘗試插班小四, 相信宣小都幫表哥仔操好個底, 所以好快收左佢, 現在都讀得好開心, 出年都會升埋書院。阿嫂多返私人時間, 工餘可以去學插花添。

我想講的是, 家長比小朋友讀宣小, 一定要預左放很多時間在學習上, 阿哥話好多宣小家長有幫小朋友出去有不同的補習, 所以成績很好, 反而學校只係輔助。如學習成績唔好, 就會自然淘汰升唔到班。當然有家長會講 no pain no gain.　但我仔仔讀港同一 d都唔 pain, 但gain到自主學習，做 project對他來說已是一份習慣的功課模式，冇乜困難。普通話及英語都明顯好大的進步，我很滿意他的成績。最重要係阿仔的思維好闊，又有時間閱讀課外書，是我心目中的愉快學習。唯一我覺得要改善的地方，是港同始終少抄寫，阿仔寫中文字係較弱（成日執筆忘字），所以這方面要加緊學習。

希望以上的意見可以幫到你為仔仔選擇一間適合的小學。

iwff

點算好

回復 ziyi 的帖子

總括離講呢d叫Radition, 無錯近太陽系會熱d, 但系物質會吸熱, 地面吸熱範圍大所以熱d, 咁上下

點算好

回復 iwff 的帖子

嘩...即系明曬...我隻仔系唔岩

Charlotte_mom

聽落好似好恐怖，小一小二做咩project呀，識鬼咩咪又係阿媽做！？都係果句，家長參與一定有，你估網上資料全部都係children friendly嗎？好多都係大人語言，係要家長幫手scan同消化的（太複雜的靠小朋友自己做，天光喇）。但同時學校俾左好多幫助，例如上堂已經cover左資料，eclass亦有岩小朋友refer既資源，老師作業亦分一個個部分，吾會得個大題目就由得學生自己玩。我仔小二，有次常識學動物，我睇住佢自己開電腦，用手寫板寫字去yahoo做search"爬蟲類動物＂，再將d圖痴去word， resize, 開printer print,  貼落工作紙，再抄返個動物名上去。而家d學生好醒架喇！

Gagagogo

http://programme.rthk.hk/rthk/tv ... 06-24&m=episode

香港電台的體育的風采。

看完後對德望及港同的感覺都很impressive, 學校不是齋讀書的地方，還是一個培養'team spirit' 的一個好平台，對日後出來做事，獲益良多。

kls12

原帖由 iwff 於 12-06-26 發表
哈哈, 大家講到離哂題但又好投入。等我回答下樓主啦。

我仔仔9月係港同升小五了。我哥哥仔仔小一至小三讀 ...

問題是中學畢業時，大家都是會考同一個試（HKDSE),會否讀傳統的較為著數？
若是的話，是否讀到傳統學校的，便應讀傳統呢？

wingsze23

evaken  唔報又好似浪費<---- ???  發表於 1 小時前
*****
sorry.i mean, 咁好的學校, 真係好想小朋友可以讀...但因太遠而或不會報名, 有點可惜

Charlotte_mom

原帖由 kls12 於 12-06-26 發表
問題是中學畢業時，大家都是會考同一個試（HKDSE),會否讀傳統的較為著數？
若是的話，是否讀到傳統學校的， ...

其實呢舊334，無知佢想點，連教果班老師都人心惶惶呢

Charlotte_mom

Gagagogo 發表於 12-6-26 18:28
http://programme.rthk.hk/rthk/tv/programme.php?name=tv/glamourofsportsolympicdream&d=2012-06-24&m=ep ...

多謝分享
見唔見到港同書院d學生扭波波好勁, 聽講原來有扭波波訓練
前排5月, 學校10週年校慶, 學校想搵人扭波波(因為招募義工家長時無特別聲明要扭波波專才), 後來有個中學家長,  知道要搵人幫手扭波波, 二話不說拖左一team中學生過黎, 包晒全場扭波, 另拖一條team, 主攻face painting, 如果果日open day有黎就會知我講咩一part, d中學生真係鐘意返黎幫手, 亦好樂意忙足2日, 有一班咁肯出心出力既家長, 同學姐學兄, 亦係我地重要asset之一

jeremyphlam

kls12 發表於 12-6-26 18:31
問題是中學畢業時，大家都是會考同一個試（HKDSE),會否讀傳統的較為著數？
若是的話，是否讀到傳統學校的， ...

魔鬼就在這裡，除非蕭灑到唔考文憑試，否則避得過嗎？

cccccl

做父母是否應該幫孩子看遠一點？為了避升中試就可以不理升大學試？
應考慮所選的一條龍中學的入U率。

HaYi

我覺得應考慮的是所選的一條龍中學的"未來"入U率, 因為此些中學都只有幾年history, 現時公開試成績一定未穩定, 而政府推行的新高中亦只是剛開始, 但看來新高中的方向其實比之前更重運用同分析, 少依賴記憶, 所以我十分相信在未來10年的新高中成績和過往的傳統名校佔優有大分別, 由細培養靈活思考的學校會有優勢. 傳統名校反而可能因有過去成績的包袱較難在短時間有大改動

Charlotte_mom

原帖由 cccccl 於 12-06-26 發表
做父母是否應該幫孩子看遠一點？為了避升中試就可以不理升大學試？
應考慮所選的一條龍中學的入U率。 ...

我同意，入u率係要考慮既因素，如果有track record 就當然係好事。可惜無，唯有睇「信心」了。想當年膽粗粗揀左科大，六年前膽粗粗揀港同，so far都仲係不過不失，希望黎緊會繼續「賭」得贏（我只能咁講，不過好彩，今日港小學校出去、市場價值都尚算吾錯）。話分兩頭，早排見到某傳統名女校annual report，入三大合共也不過佔總人數12%，選校，幾時都要搏架啦

manmanchubb

回復 ziyi 的帖子

勁呀,我只係諗到因落入大氣塵中先至燃燒咋

HaYi

相信 ek 好多家長都來自傳統 band1A的中學, 再入大學, 再取碩士博士,  

傳統條路點入u, 大家都很清楚, 但好多人卻為子女選行一條較新的路, 總是對新路有一定的期望的... 當然接受破格的程度人人不同, 願承受風險 vs 成果的比重亦有分別.

jaycee_mami

HaYi 發表於 12-6-26 20:33
我覺得應考慮的是所選的一條龍中學的"未來"入U率, 因為此些中學都只有幾年history, 現時公開試成績一定未穩 ...

但我睇雜誌訪問過一些著名補習社, 那班導師都指334新課程是舊酒新瓶, 只是舊有會考和高考的融合,  萬變不離其中, 所以我相信傳統教學出身的仍然有優勢.  香港教育一向著重填鴨式, 數代如此, 政府點會一刀切作天翻地覆的改變.

Charlotte_mom

jaycee_mami 發表於 12-6-26 21:14
但我睇雜誌訪問過一些著名補習社, 那班導師都指334新課程是舊酒新瓶, 只是舊有會考和高考的融合,  萬變不離 ...

就睇近年普教中, 已經係教育界翻天地覆既改變, 唔少傳統學校都面對好大挑戰, 點轉? 好難wor, 一黎有過往成績既包袱(改革後成績跌左, 邊個負責), 二黎有本身教開既廣東話中文老師(炒晒去?)
呢方面, 新思維學校的確比較優勝, 起碼我唔駛擔心我小朋友第2時普通話程度, 夠膽講句好多傳統名校做唔到(第2樣我唔敢講), 講真, 我到呢一度都唔明點解有家長咁反對小朋友學普通話, 我講實用架咋
傳統學校係有優勝地方, 亦唔係個個小朋友適合活動教學, 不過考慮可以多角度

kinder.bb

我都好鐘意港同個教學理念同模式。我身邊好多朋友為咗仔女讀書，真係出盡渾身解數，個個朋友同事都係攞啲annual leave 同仔女温書。 大部分家長因功課問題，同仔女關係變差。有囡囡因幼稚園讀得好輕鬆，一升小一唔適應，要時面臨repeat 小一既危機。將要升小五既家長，又為咗未來兩年將要呈分的成續大為緊張！我都好擔心因個小朋友既功課，考試，而攪到生活緊張，"家無令日"! 我希望可以係伴佢學習，而唔係"拉"佢去"死"咁！以前自已做細路時，已經深明有幾唔開心。到現在，知道學習係需要，但眼見現時啲辛苦，比十幾廿年前仲更加嚴重！唉，所以如果有一間開心，老師又有心，仲要水平唔錯既學校
當然好。但港書院未仲新，我都係擔心入U率！

唉，宜家做家長真係好難，又要小朋友讀得開心，但又要著重社會需求！