突然多左個offer: 宣小vs港同

i_love_u_son

已在九龍塘宣小註冊,  點知.....今天收到港大同學會小學的電話, 話收阿仔,要聽日覆。
即刻頭都大埋, 超級煩惱, 因為兩間係好唔同的學校, 而兩間我地都鐘我同我老公都各有preference。我比較屬意宣小, 因為有返甘耐歷史, 升中成績又好, 傳統學校個套主流路線穏穏陣陣。但最大考慮係無中學, 同埋學業壓力可能會較大。我都唔想個仔每日祗有功課, 無得玩。

老公比較鐘意港同, 佢由簡介會開始接觸個校長同老師幾次, 一直覺得佢地好有heart, 而且港同有中學, 到時唔使好似小一甘又要玩一次。港同位置上亦比宣小近。但論學術水平, 港同似終較新, 不大清楚, 同埋佢走的活動教學路線我地亦了解得不是太多。

阿仔性格被動, 成日要踢一踢先郁一郁, 不太喜歡做功課, 但你督住佢佢都會做, 而且學術能力亦很好。其實以佢的性格我地都擔心太free的學習模式只會令佢更lazy, 佢真係要人管的。

但佢個人又創意無限, 鐘意發問, 鐘意諗野發白日夢, 傳統學校又會唔會扼殺了呢方面呢?

本來一心諗住讀宣小, 依家又多個考慮, 祗有一天時間請大家比D意見!

金毛B媽

我相信你都要考慮埋地點, 一個香港區, 一個九龍區, 宣小早上 7:45 開始上堂喎, 如果住香港區, 真係好遠

ziyi

其實你自己都分析晒啦,而我覺得你是比較傳統的家長
很坦白說,如果入到港同,你唔調節自己的心態,那對你,對小朋友對學校都唔好
如...點解功課咁少,
而學校剛找了劍橋大學的professer來看學校
相反,希望學校減少抄寫的功課,那你過不過得了自己?
當學校要求學生透過不同的單元ELA去找尋小朋友的潛在能力/認識不同範圍的東西,你會否覺得浪費時間?
Rugby/劍擊/籃球/戲劇等,都是每一級在正常上課時間接觸的
你會否覺得上多2堂中英文較好?
兩間都是好好的學校,明白你現在的心情
但如果你不能調整你的心態,雖然我是港同的家長,我都會建議你接受宣小!

HaYi

雖然2間都冇我份 (港同撞期冇考, 宣道理念不同冇報)  

不過個人喜歡港同多些, 因為比較活的教法同多活動.

宣小明白是一間好學校, 不過一想起6年肯定要放許多時間在純學術先有機會在中遊位置就...    尤其是男仔同小學階段, 我覺得時間用在多方面發展好似好些.   加上考中學, 男仔遲熟, 比女仔會差d.... 到時小朋友成績是否可上Band 1 A/B 都好多未知數.

Charlotte_mom

成日都話, 揀學校主要睇2樣野: 1. 小朋友性格 2. 父母期望

如果揀宣小, 你知道係要一路跑的, 唔止跑學業, 仲要跑樂器, 呢樣係要有心理準備, 尢其是要爭個中學位, 小3,4左右又要衝了(唔衝, 搵咩做portfolio呀), 對於岩岩考完小一的你, 我相信唔需要多解釋了

我仔屬於專注力較弱, 幼稚園時我有問班主任, 應該搵一間cool既, 定搵活動呢, 當時老師答, 活動既, 起碼過一陣都有機會郁下, 佢都可以refresh下, 傳統既, 怕佢呆完40分鐘, 又呆另一個40分鐘 (當時我老師係咁答, 你可以問下你班主任)

活動教學唔係無功課的, 不過功課設計唔同, 譬如話, 花o係research上既時間仲多過寫字既時間, 你接受到嗎? 唔操grammar改為creative writing, 你會覺得"唔知學左咩"嗎? 呢d又係你想要既野嗎? 你話小朋友唔鐘意做功課, 你覺得你寧願一路"踢"佢做傳統既功課, 定一路陪佢做research, 消化資料, 分析同組織(老老實實兩樣都要花時間的, 如果以為活動教學就唔駛花時間做功課就錯晒了), 而且, 傳統易"捉路", 岩就岩錯就錯, 活動既, 好多時功課無絕對答案, 學海無涯你要陪佢跑的, 學ziyi話齋, 如果你心理上調節唔到, 你會覺得好痛苦, 因為你唔知自己做得有幾岩, 又或者答晒未

一家坐埋傾下啦

i_love_u_son

多謝甘多位的意見!
charlotte_mum and ziyi,
請問港同書院是一間怎樣的書院?揀得一條龍,我都想睇埋佢中學情況, thanks!

點算好

回復 Charlotte_mom 的帖子

好中肯. 我地大部份都系傳統"教"出離, 對於抄抄寫寫, 背背記記, 點都有d經驗. 有跡可尋. 但講到做project, 可以講真系會做死人.

Charlotte_mom

港同書院同港同小學會係好類似既教學理念, d老師都好有料架, 你可以上網睇睇, 而家既葉校長之前係蔡繼有既校長, 再之前既陳校長就做過耀中, 辦學團體的確有本事可以搵到d好capable既人返黎
我女9月會升書院了, 的確係未有公開試成績, 過多一排就有得睇了, 我比你仲緊張呢

Johnathan77

如果地點不是問題的話,我會選港同,小朋友讀得開心又叻!又有中學!
而宣小連體育堂也要去外面.
我因為覺得在東區太遠才沒有選擇!

iriskwokmama

回復 Charlotte_mom 的帖子

charlotto_mom,


我記得之前係王錦輝的討論區見過面, 如果港同和王錦輝有何意見? 唔好意思, 借小小位. thanks

marinang

Hi Charlotte_mom,

讀完港同是否比較適合去外國升學?
如果無打算去外國讀書, 傅統的宣小會較為適合嗎?

Charlotte_mom

去外國係其中一個打算, 現階段都係打算"留港消費", 我期望仔女讀大學架!
應該話, 如果想讀傳統中學, 宣小會早一步ready好學生, 如果未立定決定讀邊邊, 港同就比較flexible d, 港同每年都有學生升去傳統中學呀, 讀港同一樣可以選擇唔升港同書院, 而去考第2間直資, or派位的, 港同一樣有呈分

wingsze23

回復 Johnathan77 的帖子

spmok,
same to u , i live in kln side. 唔報又好似浪費, 但好遠...

Charlotte_mom

突然唸到一個好好既例子, 係港同書院家長既分享
o係S1(中一), 人文科有一條題目, 明知學生唔識答, 學校亦唔係要好科學既答案(我聽過有一個好scientific既答案), 不過就係要一齊腦震盪下, 上網搵資料support自己"理據"

黎喇家長們, 呢條問題就係:




既然太空無空氣, 咁點解"韻"石飛既時候會燃燒?
(呢條問題我唸左幾年啊!!!!!)

點算好

回復 Charlotte_mom 的帖子

哈哈...有趣.........因為太陽law

ziyi

Charlotte_mom 發表於 12-6-26 16:49
突然唸到一個好好既例子, 係港同書院家長既分享
o係S1(中一), 人文科有一條題目, 明知學生唔識答, 學校亦唔 ...

殞石是說落在地球的 -
雖然我不是理科出身,但殞石在太空是沒有燃燒的
是在進入地球的大氣層時,跟空氣磨擦而燃燒

你說的是否70年一次哈雷彗星那些啊?
但有人說他的彗星尾其實是冰及垃圾
不過為什麼他的冰碎經過這麼久還有,是如何補充水份???

Charlotte_mom

都話bk臥虎藏龍架啦

點算好

呢d問題好趣嫁. 我細過問過老師, 如果越近太陽越熱, 點解高山反而會凍d既?