天神, 聖家 (kowloon tong) 和協恩小學, 怎選呢?

786

原帖由 soam 於 12-06-26 發表
我都有問協恩小, 他們只計聖公會教友5分, 天主教唔計.  
但我想如果最保守的做法, 應該是用20分自行入表聖 ...

我的見議你可以參考：20分入九龍塘聖家差唔多必收。20分入天神未必得，但機會真的不少（如相信之前某些家長講，今年20分自行可能都入哂，因為我所有天主教朋友從未聽過有人自行揀天神，只聽過自行㨂超級名校）聖羅撒有自己幼稚園，已有一班天主教幼園小朋友擁護。

進取些搏天神幾好，除非你都嫌佢校仠又細又舊老師又年長。保守些聖家真的不錯，千禧校舍、老師比較年輕。但就放棄一條龍直上聖瑪利的機會

karen55407

隔離有人今年20分自行入唔到天神，依家叩門天神。

四隻貓

karen55407 發表於 12-6-26 08:28
隔離有人今年20分自行入唔到天神，依家叩門天神。

有心可到天神叩門果個主題睇下, 起碼有兩三個是20分自行入唔到天神, 現在要叩門.
因為呢兩年轉左小班難入左好多.
聖羅撒我有朋友今年20分入左, 佢問左其他家長, 有15分都入到, 即表示今年20分全收仍有位所以先會收埋15分, 始終大班收生比較多, 如果預左會谷, 呢間可以一試.

其實如果唔介意過海, 香港區有更多20分女校選擇. 跑馬地聖保祿, 聖心.....我自己心儀聖保祿同聖心, 因為係返半日, 可以多d時間俾小朋友休息或者溫習.不過如果入到就要搬屋了.

LovelyBB06

天神校舍又舊又細?!  唔緊要, 最緊要可以一條龍上St. Mary.
今年天神20分自行都收唔晒, 是學校職員答我的

soam

其實我們仲有個細佬, 我都有點怕自己唔夠時間谷個囡, 又想自行入表保險些, 一入便ok, 如果博天神，　我怕博唔到，　到時唔知抽左去邊，　所以聖家 (kowloon tong) 和聖羅撒好似穩妥些, 是嗎?

但唔知兩間的各自的優點是什麼？　大家可否比些意見，　謝謝。　

786

原帖由 soam 於 12-06-27 發表
其實我們仲有個細佬, 我都有點怕自己唔夠時間谷個囡, 又想自行入表保險些, 一入便ok, 如果博天神，　我怕博 ...

聖家啦。聖羅撒幼稚園好，小學評語麻麻地。留番些位畀幼稚園部啦。聖羅撒小學的媽媽說，捱生捱死上中學部，但中學部原來在沙田區一點也不算出名，真係有排都未論到聖羅撒。論機會，自行聖家大過自行聖羅撒好多，因為聖家同區有瑪利諾，好多人都一心玩大抽獎。